جوعارى ساپالى دامۋدىڭ جەدەل ىلگەرىلەۋىن تۇزىمدىك جاقتان قامتاماسىز ەتۋ كەرەك

  • كەلۋ قاينارى: ىلە گازەتى
  • 04:55:23 29/11/2019

      حان باۋجياڭ

    قىسقاشا مازمۇنى

    پارتيا 19 – كەزەكتى ورتالىق كوميتەتىنىڭ ءتورتىنشى جالپى ماجىلىسىندە سوتسياليزمنىڭ نەگىزگى ەكونوميكالىق ءتۇزىمى جونىندە جاڭا تۇجىرىم جاسالدى، بۇل ەلىمىزدىڭ سوتسياليستىك ەكونوميكالىق ءتۇزىمىنىڭ اناعۇرلىم پىسىپ – جەتىلگەندىگىنىڭ، اناعۇرلىم تۇراقتانا تۇسكەندىگىنىڭ بەلگىسى، پارتيامىزدىڭ سوتسياليستىك ەكونوميكالىق قۇرىلىستىڭ زاڭدىلىعى جونىندەگى تانىمى مەن يگەرۋىنىڭ جاڭا ورەگە جەتكەندىگىن كورسەتەدى. جاڭا دامۋ ۇستانىمىن ىشكەرىلەي دايەكتى تياناقتاندىرىپ، قوعامدىق وندىرگىش كۇشتەردى ازات ەتۋ جانە دامىتۋ، جالپى فاكتورلىق ءوندىرىس ونىمدىلىگى مەن ەڭبەك ونىمدىلىگىن جوعارىلاتۋ، ءىرى ەكونوميكالىق حاۋىپ – قاتەردەن ساقتانۋ جانە وعان توتەپ بەرۋ قۋاتىن كۇشەيتۋ، مەملەكەتتىڭ جاڭالىق جاراتۋ قۋاتىن كۇشەيتۋ، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋ سياقتى جاقتاردا سوتسياليستىك نەگىزگى ەكونوميكالىق ءتۇزىمنىڭ ىشكى تالابىن ىشكەرىلەي ءتۇسىنىپ، نەگىزگى ەكونوميكالىق تۇزىمگە تاباندى بولىپ جانە ونى كەمەلدەندىرىپ، جوعارى ساپالى دامۋدى جەدەل ىلگەرىلەتۋدى تۇزىمدىك جاقتان قامتاماسىز ەتۋ كەرەك

    جاڭا جۇڭگو قۇرىلعان 70 جىلدان بەرى، اسىرەسە، رەفورما جاساپ، ەسىك اشقاننان بەرى، پارتيامىز حالىققا باسشىلىق ەتىپ، ەكونوميكانىڭ تەز قارقىنمەن دامۋى جانە قوعامنىڭ ۇزاق ۋاقىت ورنىقتىلىعى جاعىنان دۇنيە جۇزىندە سيرەك كەزدەسەتىن مۇھجيزا جاراتتى، مۇنىڭ ءتۇپ قاينارى ەلىمىزدىڭ مەملەكەت ءتۇزىمى مەن مەملەكەتتى باسقارۋ جۇيەسىنىڭ كوپ جاقتى كورنەكتى ابزالدىلىققا يە بولعاندىعىندا، بۇل «جالپىلىق مەنشىكتەگى جانە كوپ ءتۇرلى مەنشىكتەگى شارۋاشىلىقتى بىرگە دامىتۋ مەن ەڭبەگىنە قاراي ءبولۋدى نەگىزگى تۇلعا، كوپ ءتۇرلى ءبولىس ءتاسىلى قاتار ءومىر سۇرگەن، سوتسياليستىك ءتۇزىم مەن بازار شارۋاشىلىعىن ورگانيكالى ۇشتاستىرعان، قوعامدىق وندىرگىش كۇشتەردى ۇزدىكسىز ازات ەتۋ جانە دامىتۋدى» قامتيدى. جاڭا داۋىردە ەكونوميكانىڭ جوعارى ساپالى دامۋىن ىلگەرىلەتۋدە، سوتسياليستىك نەگىزگى ەكونوميكالىق ءتۇزىمنىڭ جاڭا مازمۇنىن ىشكەرىلەي ءتۇسىنىپ، سوتسياليستىك نەگىزگى ەكونوميكالىق تۇزىمگە اناعۇرلىم ويداعىداي تاباندى بولىپ جانە ونى كەمەلدەندىرىپ، جوعارى ساپالى دامۋدى جەدەل ىلگەرىلەتۋگە تۇزىمدىك جاقتان كەپىلدىك ەتۋ كەرەك.

    سوتسياليستىك نەگىزگى ەكونوميكالىق ءتۇزىم امالياتتىق ىزدەنىس بارىسىندا ورناتىلدى جانە دامىتىلدى

    جاڭا جۇڭگو قۇرىلعان العاشقى مەزگىلدە، ەلىمىزدىڭ بىرىنشىدەن كەدەي، ەكىنشىدەن اق بولۋداي جاعدايى الدىندا، پارتيامىز «جاڭا دەموكراتيالىق حالىق شارۋاشىلىعىن دامىتۋ، اۋىل شارۋاشىلىعىندىق ەلدەن ونەركاسىپتەنگەن ەلگە اينالۋ» نىساناسىن جانە «مەملەكەتكە دە، جەكەگە دە ءمان بەرۋ، ەڭبەككە دە، كاپيتالعا دا تيىمدىلىك جاساۋ، قالا مەن اۋىل ءوزارا ىقپالداستىق جاساۋ، ءىش پەن سىرت اۋىس – كۇيىس جاساۋ» سىندى ەكونوميكالىق قۇرىلىستىڭ ءتۇبىرلى باعىتىن العا قويدى. «ءبىردى جالپىلاستىرۋ، ءۇشتى وزگەرتۋ» ارقىلى ەلىمىز سوتسياليستىك نەگىزگى ءتۇزىم ورناتىپ، «ءتورتتى وسىزامانداندىرۋ» نىساناسىنا قاراي قادام تاستادى. وسى نەگىزدە ەلىمىز دەربەس، ءبىرشاما كەمەلدى ونەركاسىپ جۇيەسى مەن حالىق شارۋاشىلىعى جۇيەسىن جەدەل ورناتىپ، «بۇكىل ەل جاعدايىن نازارعا الۋ»، «كۇشتى شوعىرلاندىرا وتىرىپ ءىرى ىستەر ىستەۋ» سياقتى ەكونوميكالىق قۇرىلىس يدەياسى مەن ءتۇزىلىس مەحانيزمىن قالىپتاستىردى.

جاۋاپتى رەداكتور: گۇلدەن ماقسات قىزى