ءتۇزىم سەنىمىن بەكەمدەيىك

  • كەلۋ قاينارى: ىلە گازەتى
  • 09:18:24 30/11/2019

    چىن سۋ

    

    پارتيا 19 - كەزەكتى ورتالىق كوميتەتىنىڭ ٴتورتىنشى جالپى ماجىلىسىندە بىلاي دەپ اتاپ كورسەتىلدى: ەلىمىزدىڭ مەملەكەت ٴتۇزىمى مەن مەملەكەتتى جونگە سالۋ جۇيەسى حالىقتىڭ وزىنە - ٴوزى قوجا بولۋ، حالىق دەموكراتياسىن دامىتۋ، بۇقارامەن ەتەنە بايلانىس ورناتۋ، حالىققا سۇيەنىپ مەملەكەتتىڭ دامۋىن ىلگەرىلەتۋدەي كورنەكتى ابزالدىلىققا يە. حالىق قۇرىلتايى ٴتۇزىمى - جۇڭگوشا سوتسياليستىك ٴتۇزىمنىڭ ماڭىزدى قۇرامداس بولەگى، ول مەملەكەتتى جونگە سالۋ جۇيەسى جانە جونگە سالۋ قابىلەتىنە تاباندى بولۋداي ٴتۇبىرلى ساياسي ٴتۇزىم. جاڭا جۇڭگو قۇرىلعان 70 جىلدان بەرى حالىق قۇرىلتايى ٴتۇزىمى ۇزدىكسىز بەكەمدەلىپ جانە دامىپ، ومىرشەڭدىك كۇشىن تولىق ايگىلەدى. اماليات حالىق قۇرىلتايى ٴتۇزىمىنىڭ جۇڭگونىڭ مەملەكەت جاعدايىنا جانە ٴىس جۇزىندىگىنە ۇيلەسەتىن، سوتسياليستىك مەملەكەتتىڭ سيپاتىن ايگىلەيتىن، حالىقتىڭ ٴوز ىسىنە ٴوزى قوجا بولۋىنا كەپىلدىك ەتەتىن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى قامتاماسىزداندىراتىن كەمەلدى ٴتۇزىم ەكەندىگىن تولىق دالەلدەدى. جاڭا جاعدايدا ٴبىز حالىق دەموكراتياسى تۋىن بيىك ۇستاپ، حالىق قۇرىلتايى تۇزىمىنە مىزعىماستان تاباندى بولۋىمىز جانە ونى كەمەلدەندىرۋىمىز كەرەك.

    جۇڭگودا حالىق قۇرىلتايى ٴتۇزىمىن اتقارۋ تاريحي قاجەتتىلىكتەن بولعان. جۇڭگودا قانداي ساياسي ٴتۇزىم ورناتۋ تاياۋ زاماننان بەرگى جۇڭگو حالقى ٴدوپ كەلىپ وتىرعان تاريحي تاقىرىپ. جاپالى ىزدەنىس ارقىلى ەلىمىز ەڭ سوڭىندا حالىق قۇرىلتايى ٴتۇزىمىن اتقاردى، بۇل جۇڭگو حالقىنىڭ ادامزاتتىڭ ساياسي ٴتۇزىمى تاريحىنداعى ۇلى جاسامپازدىعى، بۇل تاياۋ زاماننان بەرگى جۇڭگونىڭ ساياسي ومىرىندەگى تاجىريبە - ساباقتاردى تەرەڭ قورىتىندىلاۋدان شىعارعان نەگىزگى قورىتىندىسى، جۇڭگو قوعامىنداعى 100 نەشە جىلدان بەرگى ەكپىندى وزگەرىستىڭ، تولقىمالى دامۋدىڭ تاريحي ناتيجەسى، جۇڭگو حالقىنىڭ ەڭسە كوتەرىپ، ٴوز تاعدىرىن مەڭگەرۋىنىڭ تابيعي تالعامى. 

    ٴبىر ەلدىڭ جونگە سالۋ جۇيەسىندە ساياسي ٴتۇزىم توتەنشە ماڭىزدى ورىندا تۇرادى. دۇنيە جۇزىندە بۇكىلدەي ۇقساس ساياسي ٴتۇزىم بولعان ەمەس، بارلىق مەملەكەتكە ۇيلەسەتىن ساياسي ٴتۇزىم ۇلگىسى دە بولعان ەمەس. شي جينپيڭ جولداس بىلاي دەپ اتاپ كورسەتتى: ٴبىر مەملەكەتتىڭ ساياسي ٴتۇزىمىنىڭ دەموكراتيالى، ٴونىمدى بولعان - بولماعاندىعىنا باعا بەرۋدە، باستىسى مەملەكەتتىڭ باسشىلىق جىگىنىڭ زاڭ بويىنشا ورىن الماستىرا العان - الماعاندىعىنا، جالپى حالىقتىڭ مەملەكەت ىستەرى مەن قوعامدىق ىستەردى، ەكونوميكا مەن مادەنيەت ىستەرىن زاڭ بويىنشا باسقارا العان – الماعاندىعىنا، حالىق بۇقاراسىنىڭ مۇددە تالابىن ەركىن بەينەلەي العان – الماعاندىعىنا، قوعامنىڭ ٴارقايسى جاقتارىنىڭ مەملەكەتتىڭ ساياسي تۇرمىسىنا ءونىمدى قاتىناسا العان - الماعاندىعىنا، مەملەكەتتىڭ شەشىمدەرىنىڭ عىلميلانۋىن، دەموكراتيالانۋىن جۇزەگە اسىرا العان - الماعاندىعىنا، ٴار جاقتاعى دارىندىلاردىڭ ٴادىل باسەكە ارقىلى مەملەكەتتىڭ باسشىلىعى مەن باسقارۋ جۇيەسىنە كىرە العان - الماعاندىعىنا، بيلىك باسىنداعى پارتيا نەگىزگى زاڭ مەن زاڭدارداعى بەلگىلەمەلەر بويىنشا مەملەكەت ىستەرىنە باسشىلىق ەتە العان - الماعاندىعىنا، ۇقىقتىڭ پايدالانىلۋى ءونمدى تۇردە تەجەلدى مە جوق – پا دەگەنگە قاراۋ كەرەك. ءبىز ۇزاق ۋاقىت قۇلشىنۋ ارقىلى وسى ٴتۇيىندى ماسەلەلەردى شەشۋدە شەشۋشى ىلگەرىلەۋشىلىككە قول جەتكىزدىك.

جاۋاپتى رەداكتور: جازيرا بولاتباي قىزى