ۇلتتىق مادەنيەتكە مۇراگەرلىك ەتىپ، كوركەم تۇرمىس جاراتتى

  • كەلۋ قاينارى: ىلە گازەتى
  • 03:28:50 05/12/2019

    جاڭا جۇڭگو قۇرىلعان 70 جىلدان بەرى حالىقتىق اسەمونەر قارىشتاپ دامىدى -

    پان لۋشىڭ

    

    پارتيا 19 – كەزەكتى ورتالىق كوميتەتىنىڭ ءتورتىنشى جالپى ماجىلىسىندە: «مادەنيەت سەنىمىن بەكەمدەپ، سوتسياليستىك وزىق مادەنيەتتىڭ العا باسۋ بەتالىسىن مىقتى يگەرىپ، تۇتاس ۇلتتىڭ مادەنيەت جاسامپازدىعىنىڭ ومىرشەڭدىك قۋاتىن تاسقىنداتىپ، جۇڭگو رۋحىن، جۇڭگو قۇنىن، جۇڭگو كۇشىن اناعۇرلىم ويداعىداي تۇلعالاۋ كەرەك» دەپ اتاپ كورسەتىلدى. پارتيا 19 – كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنىپ، دايەكتىلەندىرىپ، جۇڭحۋانىڭ تاڭداۋلى ءداستۇرلى مادەنيەتىن، توڭكەرىستىك مادەنيەتىن، سوتسياليستىك وزىق مادەنيەتىن ساۋلەلەندىرىپ، رۋحتى سومداپ، حالىقتىق اسەمونەر جاسامپازدىعىنا جانە زەرتتەۋ – دامىتۋعا جەتەكشىلىك ەتىپ، ۇلتتىق، حالىقتىق ادەبيەت – كوركەمونەردى دانەكەر ەتىپ، حالىقتىڭ رۋحاني كۇشىن كەڭىنەن ۇيىستىرۋ - ءبىزدىڭ ماڭىزدى ادەبيەت – كوركەمونەرلىك بورىشىمىزدىڭ ءبىرى.

    حالىقتىق اسەمونەر - حالىقتىڭ كوركەمونەرى، تۇرمىستىڭ كوركەمونەرى. مىڭداعان جىلداردان بەرى جىل سايىن سىزىلاتىن مەرەكەلىك قاعاز ات، قاعاز ويما، تەرى كولەڭكە (كولەڭكە تەاتر)، فارفور ىدىستار، ويۋ – ورنەك، رەڭدى ءمۇسىن ويما، بوياۋ كەستە، ورمەشىلىك – توقىماشىلىق، حالىقتىق ويىنشىق، تاعى – باسقالار وندىرىستىك ەڭبەك، كيىم – كەشەك، ازىق – تۇلىك، ءۇي – جاي، ٴجۇرىس – تۇرىس، جول – جورا، سالت – سانا، مەرەكەلىك ادەت – عۇرىپ جاقتارىندا ساقتالىپ كەلەدى. بۇل - ەڭبەكشىلەردىڭ كوركەمونەرلىك جاسامپازدىعى ءارى ۇلتتىق كوركەمونەردىڭ قاينارى. جاڭا جۇڭگو قۇرىلعاننان بەرى حالىقتىق اسەمونەر مەملەكەتتىڭ مادەنيەت قۇرىلىسى مەن دامىتۋ اياسىنا ەنگىزىلىپ، قوعامنىڭ ماڭىزدى مادەنيەت بايلىعىنا اينالدى. جاڭا داۋىردە حالىقتىق اسەمونەر مادەنيەت پەن اۋىل – قىستاقتى توعىستىرۋدىڭ دانەكەرى، حالىقتىڭ جۇرەك ءۇنىن ءبىلدىرۋدىڭ دانەكەرى رەتىندە تىڭ تىرشىلىك تىنىسىنا، ومىرشەڭدىك قۋاتقا يە بولدى.

    نەگىزگى اعىمدىق مادەنيەت ساحناسىنان ورىن الدى

    جاڭا جۇڭگو قۇرىلعاننان كەيىن جەرگىلىكتى حالىقتىق اسەمونەر رەال تاقىرىپتى بەينەلەي باستادى، ءداۋىردىڭ مازمۇنىن بەينەلەپ، مەملەكەتتىڭ ساياسي، ەكونوميكا جانە مادەنيەت قۇرىلىسىنا بەلسەنە قىزمەت ەتىپ، حالىقتىڭ ونەرى رەتىندە مەملەكەتتىڭ نەگىزگى اعىمدىق مادەنيەتىنە كوتەرىلدى.

    «كەستەلى قاعاز ويمانى تراكتورعا اۋىستىرۋ»، حالىقتىق ونەردى ەكسپورت ەتىپ شەتەل اقشاسىنا اينالدىرۋ جاڭا جۇڭگو قۇرىلعان العاشقى مەزگىلدەگى حالىق شارۋاشىلىعىنىڭ ماڭىزدى تۇتقاسىنا اينالدى. سوسىن حالىقتىق ونەرگە مەملەكەت ەكونوميكاسىنىڭ ورگانيكالىق قۇرامداس بولەگى رەتىندە ايرىقشا ءمان بەرىلدى. وتكەن عاسىردىڭ 50 – جىلدارىندا تۇڭعىش كەزەكتى «مەملەكەتتىك حالىقتىق اسەمونەر بۇيىمدارى كورمەسى»، «مەملەكەتتىك اسەمونەرشىلەر ۋاكىلدەرى ٴماجىلىسى» سياقتىلار مەملەكەتتىڭ مادەنيەت تاريحىنداعى ماڭىزدى ۋاقيعا بولدى. ءوندىرىستى دامىتىپ، شارۋاشىلىقتى قالپىنا كەلتىرۋمەن بىرگە، بۇرىن ۇلكەن ونەر سانالمايتىن حالىقتىق اسەمونەر مەملەكەتتىك مادەنيەت سارايىنان ورىن الدى، حالىق اراسىنداعى شەبەرلەر مەن ونەرپازداردىڭ تۇرمىسى قامتاماسىزداندىرىلىپ قالماستان، تۇراقتى ورنى بولماي كاسىپتەستەر توبىندا كۇنەلتىپ جۇرگەن ونەرپازدار، قولونەر بىرلەسپە كووپەراتيۆىنە، ادەبيەت – كوركەمونەرشىلەر ۇيىمىنا كىرىپ، ءوندىرىس پەن تۋىندى جاراتۋعا اتسالىستى، اۋەلدەسەڭ حالىق اراسىنداعى اسەمونەرشىگە، اسەمونەر شەبەرىنە اينالىپ، كاسىپتەنۋ تياناعىن تاپتى.

جاۋاپتى رەداكتور: جازيرا بولاتباي قىزى