اۆتونوميالى وبلىس ساياحات قىزمەتىن ماۋسىم سايىن مىقتى يگەردى

  • كەلۋ قاينارى: ىلە گازەتى
  • 03:48:17 05/12/2019

    ساياحاتتى كۇسەت مەزگىلدە، ءتىپتى دە جانداندىرىپ، سايابىر مەزگىلدە دە باسەڭدەتپەدى

    

    ءتىلشىمىز حۋاڭ يان حابارلايدى. 12 – ايدىڭ 3 – كۇنى ءتىلشى وبلىستىق ساياحات كاسىبىن دامىتۋعا باسشىلىق ەتۋ گرۋپپاسى كەڭسەسىنەن مىنانى ۇعىستى: اۆتونوميالى وبلىس شينجياڭدى ساياحات ارقىلى كوركەيتۋ ستراتەگياسىن جاپپاي اتقارۋ تالابى بويىنشا، ساياحاتتى كۇسەت مەزگىلدە، ءتىپتى دە جانداندىرىپ، سايابىر مەزگىلدە دە باسەڭدەتپەي، ساياحات قىزمەتىن ماۋسىم سايىن مۇقيات ىستەپ، قىسقى ساياحات، ۇلتتىق سالت – سانا سياقتى مول بايلىققا سۇيەنىپ، ساياحاتتىڭ سايابىر مەزگىلىندەگى ساياحات لەنياسىن مۇقيات ۇيىمداستىرىپ جانە جوبالاپ، قىسقى مادەنيەت – ساياحات قيمىلىن ورىستەتىپ، ساياحات سايابىر مەزگىلدە دە مادەنيەت – ساياحات بازارىن اشىپ، بازاردىڭ باۋراۋ قۋاتىن اناعۇرلىم ارتتىرىپ، «جەر ۇيىعى - كورىكتى ىلە» ماركاسىن جاراتىپ، قىسقى ساياحاتتى جانداندىرىپ، ءتىپتى دە كوپ ساياحاتشىنى ىلەگە كەلۋگە باۋرادى.

    ساياحات كاسىبىن ماۋسىم سايىن ىلگەرىلەتۋ ءۇشىن اۆتونوميالى وبلىس اۋدان – قالالاردىڭ سەلبەستىگىن كۇشەيتىپ، ساياحاتشىلاردى ءوزارا جونەلتۋ مەحانيزمىن قالىپتاستىرىپ، قازىرگى ساياحاتتىڭ سايابىر كەزىندەگى ءبىر كۇندىك ساياحات ونىمدەرىن مولايتۋ ارقىلى ايگىلى اينالمالى لەنيالاردى جوبالاپ، ىلەنىڭ ساياحات سايابىر مەزگىلىندەگى 2 كۇندىك، 3 كۇندىك، 5 كۇندىك ساياحات سياقتى بازار قاجەتىنە ۇيلەسەتىن ساياحات لەنيالارىن بەلسەنە اشتى. اۋدان – قالالار «كوركەم قۇلجادا ءبىر كۇندىك رومانتيكالى كوڭىل اشىپ ساياحاتتاۋ»، «قىسقى دەمالىس كەزىندەگى تاريحي مادەنيەتتى زەرتتەۋ ساياحاتى»، «كوركەم قۇلجا ءبىر كۇندىك قار – مۇز ساياحاتى»، «موڭعۇلكۇرە 2 كۇندىك قىسقى ەكسپەديتسيالىق ساياحاتى»، «ناراتتىڭ كۇزگى سارا ساياحاتى»، ءوز اۆتوكولىگىمەن «كوركەم توعىزتاراۋ» قار – مۇز ساياحاتىن سۋرەتكە ءتۇسىرۋ سياقتى لەنيالاردى ازىرلەدى.

    ءتىلشى ءارقايسى كورىنىس رايونى (ءتۇيىنى)، جۇلدىز دارەجەلى قوناق سارايلارى، ساياحات قوعامدارى، ساياحات اۆتوكولىك اترەتتەرى جانە ساياحاتتىڭ سايابىر مەزگىلدەگى نىسان تيجارات ورىندارى ءتۇرلى ءتيىمدى ساياسات شىعارعانىن ۇعىستى. نارات كورىنىس رايونىندا بيىل 11 – ايدان كەلەر جىلى 3 – ايعا دەيىن ساياحاتشىلار 47 يۋاندىق ەسىك بەلەتى ارقىلى كورىنىس رايونىن تاماشالاۋ سىندى ءتيىمدى ساياساتتان يگىلىكتەنەدى؛ قورعاس اۋدانىندا بيىل 9 – ايدان كەلەر جىلى 3 – ايعا دەيىن شينجياڭ تۇرعىندارىنا جانە اۆتونوميالى وبلىسقا باعىتتامالى كومەك بەرەتىن جياڭسۋ ولكەسىنىڭ تۇرعىندارىنا كۇرە بايىرعى قالاشىعى، جۇڭحۋا فۋشوۋشان، تۇكەي قۇمدىعى، جيەيوۋ حانىشا جۇپار ءشوپ الاڭى سياقتى كورىنىس رايوندارىنىڭ ەسىك بەلەت باعاسى %50 ارزانداتىلادى جانە فۋشوۋشان اينەك كوپىرىندە بەلەت باعاسى %50 ارزانداتىلادى؛ 2019 – جىلى 11 – ايدىڭ 1 – كۇنىنەن 2020 – جىلى 4 – ايدىڭ 1 – كۇنىنە دەيىن الەمدىك مۇراعاتقا كىرگەن - كولدەنەڭ، مەملەكەتتىك ورمان باقشاسى - شاشى، مەملەكەتتىك A 4 دارەجەلى كورىنىس رايونى – جابايى جاڭعاق سايى، مەملەكەتتىك A 3 دارەجەلى كورىنىس رايونى – ءتالىم كورىنىس رايونى بۇكىلدەي اشىق ۇستالادى، كورىنىس رايونىنىڭ جۇمىسشى – قىزمەتشىلەرى تولىق قىزمەت ورنىندا بولىپ، كورىنىس رايونىنىڭ قالىپتى اينالىمىنا كەپىلدىك ەتىپ، قىسقى ساياحاتقا تىڭ قوزعاۋشى كۇش باعىشتايتىن بولادى؛ 2020 – جىلى 1 – ايدا موڭعۇلكۇرە اۋدانىنىڭ كۇرە عيباداتحاناسى كورىنىس رايونى، جىچيڭگۋان كورىنىس رايونىنىڭ ەسىك بەلەتى اقىسىز بولادى، قوناق سارايلارى جاتاق اقىنى ارزانداتۋ سياقتى تيىمدىلىك جاسايدى.

    مۇنان تىس، اۋدان – قالالار قىسقى مادەنيەت – ساياحات جەلىلەس قيمىلدارىن بەلسەنە وتكىزىپ، قىسقى ساياحات اۋانىن قالىپتاستىرادى. بيىل 11 – ايدان كەلەر جىلى 2 – ايدىڭ سوڭىنا دەيىن اۋدان – قالالار مادەنيەت پەن قار – مۇز بايلىعىن تىعىز ۇشتاستىرا وتىرىپ، قار – مۇز اراسانى، اشەكەيلى شام بۇتحاناسى ساۋىعى، ۇلتتىق تاعامدار، بەيزاتتىق كوركەمونەر كورمەسى، سالت – سانا كوشە كورىنىسى سياقتى 41 ءتۇرلى قيمىل وتكىزىپ، ساياحات سايابىر مەزگىلدەگى جاڭاشا، ورەلى مادەنيەت – ساياحات ونىمدەرىن جاراتادى.

جاۋاپتى رەداكتور: جازيرا بولاتباي قىزى