اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ ءماجىلىسىن اشتى

  • كەلۋ قاينارى: تيانشان تورابى
  • 10:59:02 09/12/2019

    ”ەكىدەن تارىقتىرماۋدى، ءۇشتى قامتاماسىز ەتۋ“دى مىقتاپ ارقاۋ ەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزەيىك

 

    ءتىلشى يۋان لەي 12 - ايدىڭ 7 - كۇنى ۇرىمجىدەن حابارلايدى. 12 - ايدىڭ 5 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ ءماجىلىسىن باسقارىپ اشىپ، باس شۋجي شي جينپيڭنىڭ كەدەيلىكتەن ارىلتۋدان قامال الۋ جونىندەگى ماڭىزدى بايىمداۋىن ۇيرەندى، اۆتونوميالى رايوننىڭ كەدەيلىكتەن ارىلتۋدان قامال الۋ قىزمەتىنەن بەرىلگەن مالىمەتتى تىڭدادى، كەلەسى ساتىداعى قىزمەتتەر جونىندە ورنالاستىرۋ جاسادى.

    ءماجىلىس مىنالاردى اتاپ كورسەتتى: بيىل جىل باسىنان بەرى بۇكىل رايونىمىزدا جوعارىدان تومەنگە دەيىن كەدەيلىكتەن ارىلتۋدان قامال الۋدى باستان - اياق كەلەلى ساياسي مىندەت ەتىپ، نازاردى دالمە - دالدىككە شوعىرلاندىرىپ، شەشۋشى شايقاس جۇرگىزۋدەن قامال الىپ، ساياسات جاعىنان قامتاماسىز ەتۋدى تىڭعىلىقتى ورىنداپ، قارجى ۇسىنىلىمىن تىڭعىلىقتى ورىنداپ، كاسىپ سالاسى ارقىلى جەتەكشىلىك ەتۋدى تىڭعىلىقتى ورىنداپ، نىسان ورنالاستىرۋدى تىڭعىلىقتى ورىنداپ، حالىق تۇرمىسىنا قىزمەت وتەۋدى تىڭعىلىقتى ورىنداپ، قوعامدىق كومەكتەسۋدى، سۇيەمەلدەۋدى تىڭعىلىقتى ورىنداپ، شينجياڭعا كومەكتەسۋگە قولداۋ كورسەتۋدى تىڭعىلىقتى ورىنداپ، بۇقارانىڭ ات سالىسۋىن تىڭعىلىقتى ورىنداپ، قوعامداعى ءار سالا كۇشتەرىن كەڭىنەن ۇيىستىرىپ، كەدەيلىكتەن ارىلتۋدان قامال الۋدى ىلگەرىلەتۋدە كورنەكتى ناتيجەگە قول جەتكىزدى.

    ءماجىلىس مىنالاردى باسا دارىپتەدى: كەدەيلىكتەن ارىلتۋدان قامال الۋ شەشۋشى شايقاستىڭ شەشۋشى جەڭىسىنە جەتۋدىڭ، قامال الىپ، كەدەرگىلەردى جويۋدىڭ شەشۋشى مەزگىلىنە ءوتتى، ۇكىمەت پارتيا باسشىلىق گرۋپپاسى مەن ۇكىمەت كەڭسەسى پارتيا باسشىلىق گرۋپپاسى، سونداي - اق ۇكىمەت جۇيەسىندەگى تاراۋلار، ورىندار دەن قويا ۇيرەنىپ، ىشكەرىلەي يگەرىپ، يدەيا مەن ارەكەتتى باس شۋجي شي جينپيڭنىڭ كەدەيلىكتەن ارىلتۋدان قامال الۋ جونىندەگى ماڭىزدى بايىمداۋىمەن باتىل تۇردە بىرلىككە كەلتىرىپ، اۆتونوميالى رايوندىق پارتكومنىڭ قىزمەت تالابىنا ساي، نازاردى وڭتۇستىك شينجياڭنىڭ 4 ايماق - وبلىسىنداعى اۋىر كەدەيلىك سىندى قامالدىڭ ىشىندەگى قامالعا شوعىرلاندىرىپ، نىسانا ولشەمىنە تاباندى بولىپ، ساپانى وسىرۋگە ءمان بەرىپ، كەدەيلەردى سۇيەمەلدەۋ قىزمەتىنىڭ ءتۇيىنىن، ساياسات جاعىنان قولداۋ ءتۇيىنىن، قوعامدىق كومەكتەسۋدىڭ، سۇيەمەلدەۋدىڭ ءتۇيىنىن وڭتۇستىك شينجياڭنىڭ 4 ايماق - وبلىسىنا ونان ارى شوعىرلاندىرىپ، دالمە - ءدال كۇش سالىپ، شوعىرلى قامال الىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋ كەرەك.

جاۋاپتى رەداكتور: جازيرا بولاتباي قىزى