اناردىڭ دانىندەي تىعىز ۇيىسقان ىنتىماق

  • كەلۋ قاينارى: ىلە گازەتى
  • 05:14:24 13/12/2019

    - اۆتونوميالى وبلىستىڭ ۇلتتار ىنتىماعى قىزمەتىنەن جازبالار

    ۋاڭ جىحۋا (ءوز ءتىلشىمىز)

    

    بۇگىنگى ىلەنىڭ بايتاق دالاسىنىڭ بارلىق وڭىرىندە ءوزارا ەتەنە بولىپ، ٴبىر ـ بىرىنە ادالدىق تانىتۋداعى اسەرلى حيكايالار شەرتىلىپ، ۇلتتار ىنتىماعىنىڭ جانە بىرگە گۇلدەنۋدىڭ تاماشا داستانى جىرلانىپ، باس شۋجي شي جينپيڭنىڭ «اناردىڭ دانىندەي تىعىز ۇيىسايىق» دەگەن ىقىلاستى ٴۇمىتى شىندىققا اينالدى.

    12 ـ ايدىڭ 7 ـ كۇنى 6 جاستاعى حۋاڭ يۋەران ٴوزىنىڭ مينار اپەكەسىن ىزدەپ بارىپ ويىننىڭ قىزىعىنا باتتى. قۇلجا قالاسىنىڭ الما 1 ـ مەرزىمدىك تۇرعىندار شاعىن رايونىندا تۇراتىن حۋاڭ يۋەران مەن مينار بولاتقان قىزىنىڭ جاس شامالارى قارايلاس بولعاندىقتان ولار تەز ارادا ٴبىر ـ بىرىنە باۋىر باسىپ، جاقسى دوستارعا اينالدى، قالت ەتكەن ۋاقىت شىقسا بولدى ولار ءبىرىن – ءبىرى تاۋىپ الا قويادى.

    وسىلار سەكىلدى ۇلتتار ىنتىماعىنىڭ ءدانى ٴار بالانىڭ كوڭىل تۇكپىرىنە ەگىلىپ قانا قالماستان، تۇتاس وبلىستاعى مەكتەپتەر، الەۋمەتتىك اۋماقتار مەن قالالار، اۋىل ـ قىستاقتار ارا ەتەنە، تىزە قوسا العا باسقان، ٴار ۇلت بۇقاراسىنىڭ بىرگە باقىتتى تۇرمىس كەشىرگەن، ىنتىماقتاسا كۇرەس جاساعان ناقتى كورىنىستەرى ءسات سايىن جارىققا شىعىپ وتىر.

    چاپچال سىبە اۆتونوميالى اۋداندىق جوعارى دارەجەلى ورتا مەكتەپتەگى شۋە چين - ۇلتتار ىنتىماعى تاربيەسىنەن ۇزدىك ۇلگى كورسەتۋشى، ونىڭ سۇيىسپەنشىلىگى مەن جاۋاپكەرلىگى وڭ ەنەرگياعا تولى ماگنيت ٴورىسى ىسپەتتى، ٴار ۇلت وقۋشىلارىن وزىنە باۋراپ، ولاردىڭ ەسەيىپ، دارىندى بولۋىنا جەتەكشىلىك ەتىپ كەلەدى. كاسىپپەن شۇعىلدانعان 34 جىلدان بەرى وقۋ - اعارتۋ قىزمەتكەرلەرى وزدەرىنىڭ ناقتى ىستەرى ارقىلى وقۋشىلاردى «ءاركىم ۇلتتار ىنتىماعىن تىلگە تيەك ەتۋگە، ءار كەزدە ۇلتتار ىنتىماعىندا ۇلگى بولۋعا، قاي - قاشان دا ۇلتتار ىنتىماعىنا پايدالى ءىس ىستەۋگە تاربيەلەپ»، ۇلتتار ىنتىماعىنىڭ داستانىن جازعان. بيىل 9 – ايدىڭ سوڭىندا ول مەملەكەتتىك ۇلتتاردىڭ ىنتىماقتاسا العا باسۋىنداعى وزات جەكە رەتىندە بەيجيڭدە ماراپاتتالدى. «از ۇلت وقىتۋشىسى، كوممۋنيستىك پارتيا مۇشەسى رەتىندە، بۇدان بىلاي دا مەن ٴوز مىنبەرىمدە نىق تۇرىپ، وقۋشىلارعا ەلىمىزدىڭ ابزال دامۋ ساياساتى مەن ٴار ۇلت حالقىنىڭ باقىتتى، جاراسىمدى تۇرمىسىن ايقىن ٴتۇسىندىرىپ، ولاردىڭ وتانعا العىس ايتۋىنا، قازىرگىنى قاستەرلەۋىنە مۇمكىندىك جاسايمىن» دەدى شۋە چين.

    قۇلجا قالاسىنىڭ حالىق باقشاسىندا ٴار كۇنى ءار ۇلت تۇرعىندارى ٴان ايتىپ، بيگە باسادى. مەيلى قىس، الدە جاز كۇندەرى بولسىن، كۇن اشىقتا ىستىق ىقىلاستى ٴماشىراپ بيىنە باساتىن ادامدار شوعىرىندا مەيلى قايسى ۇلت بولۋىنا قاراماستان، ەر – ايەل، كارى – جاس دەمەي ءبارى دەرلىك بيگە باسادى، مەيلى قالاي بولماسىن، كوپشىلىك ەركىن بيلەيدى، ءبارىنىڭ جۇزىنەن كوڭىلدى كۇلكى، كوتەرىڭكى كوڭىل كۇي اڭعارىلىپ تۇرادى.

جاۋاپتى رەداكتور: جازيرا بولاتباي قىزى