شينجياڭنىڭ جاراسىمدى، ورنىقتى اسا تاماشا جاعدايىن باتىل قورعايمىن

  • كەلۋ قاينارى: ىلە گازەتى
  • 04:14:04 27/12/2019

 

    اۆتونوميالى رايوندىق حالىق قۇرىلتايى تۇراقتى كوميتەتىنىڭ بۇرىنعى مەڭگەرۋشىسى ابدىرەيىم امۇت

    امەريكا پارلامەنتى قاۋىم پالاتاسى ايتىلمىس شينجياڭعا ساياتىن «زاڭ جوبا» ماقۇلداپ، شىندىقپەن ساناسپاي، اق پەن قارانى شاتاستىردى، وندا جۇڭگونىڭ شينجياڭدى جونگە سالۋ ساياساتىنا بولعان سىڭار جاقتى كوزقاراس بار، شينجياڭنىڭ دامۋىنداعى ءتۇرلى جەتىستىكتەردى جوققا شىعارىپ، ۇيعۇر ۇلتىن قامتىعان شينجياڭداعى ءار ۇلت حالقىنىڭ شىنايى سەزىمىن ەلەمەي، امەريكاداعى كەيبىر ساياساتپازداردىڭ مۇلدە نەگىزى جوق قوس ولشەمى مەن جالعان، پاسىق زورەكەرلىك لوگيكاسىن تاعى ءبىر رەت ايپاراداي اشىپ كورسەتتى. بۇل جۇڭگونىڭ ىشكى ىسىنە دورەكىلىكپەن كيلىككەندىك، ونان بەتەرى، حالىقارالىق قارىم - قاتىناستىڭ ولشەمىن اشىقتان - اشىق اياق استى ەتكەندىك. شينجياڭدا تۋىپ، شينجياڭدا وسكەن از ۇلت پارتيالى كادرى رەتىندە، مەن مۇنى قاتاڭ جازعىرامىن جانە باتىل قارسى تۇرامىن.

    مەن قاشقارداعى قاراپايىم ۇيعۇر وتباسىندا دۇنيەگە كەلدىم، مەن شينجياڭ سىندى وسىناۋ كورىكتى توپىراقتى تەرەڭ سۇيەمىن. 50 جىلعا جۋىق قىزمەت تاجىريبەمدە، مەن شينجياڭنىڭ تاۋ - سۋلارىن، تۇكپىر - تۇكپىرىن ارالاپ شىقتىم، شينجياڭنىڭ گۇلدەنۋىنە، ورنىقتىلىعىنا، دامۋىنا قاتىناسۋشى جانە ءوز باسىمنان وتكەرۋشى، كۋاگەر جانە يگىلىگىن كورۋشى بولدىم. اۆتونوميالى رايون قۇرىلعان 64 جىلدان بەرى ەكونوميكانىڭ جالپى مولشەرى 80 ەسە ارتتى؛ 2018 - جىلى شينجياڭ ءوڭىرىنىڭ ءوندىرىس جالپى ءونىم قۇنى ءبىر تريلليون 200 ميلليارد يۋاننان اسىپ، زات باعاسىنىڭ ءوسۋ فاكتورىن شىعارىپ تاستاعاندا، 1952 - جىلداعىدان 200 ەسەگە جۋىق ءوستى، قالا - قالاشىق، اۋىل - قىستاق تۇرعىندارىنىڭ جان باسىنا شاققانداعى قولداعى تابىسى جەكە - جەكە 32 مىڭ 764 يۋانعا، 11 مىڭ 975 يۋانعا جەتتى. ساياحات كاسىبى شارق ۇرا ارتۋدى جۇزەگە اسىرىپ، 2019 - جىلدىڭ الدىڭعى 10 ايىندا ەل ءىشى - سىرتىنداعى ساياحاتشىلاردان 200 ميلليوننان استام ادام (رەت) قابىلداپ، سايكەس مەزگىلدەگىدەن %42.62 ارتتى. بۇگىنگى تاڭدا، شينجياڭداعى ءار ۇلت حالقى كەدەيلىكتەن ارىلتۋدان قامال الۋدىڭ شەشۋشى جەڭىسىنە جەتۋدىڭ شەشۋشى شايقاسىن جۇرگىزىپ، بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا ءوتۋ ءۇشىن قايراتتانا العا باسۋدا، تەك 2014 - جىلدان بەرى 3 ميلليونعا جۋىق كەدەي كەدەيلىكتەن ارىلدى. سونىمەن بىرگە، جۇمىستاندىرۋ، وقۋ - اعارتۋ، ەمدەۋ، قوعامدىق قامتاماسىزداندىرۋ سياقتى حالىققا ءتيىمدى ءتۇرلى قىزمەتتەر تىڭ ناتيجەگە قول جەتكىزىپ، ءار ۇلت حالقىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. 2010 - جىلدان بەرى بۇكىل ەلدەگى 19 ولكە، قالا شينجياڭعا باعىتتامالى كومەك بەرىپ، كومەك قارجىلارىنان جيىنى 103 ميلليارد 500 ميلليون يۋان قارجى سالدى، مۇنىڭ %80 تەن استامى حالىق تۇرمىسى قۇرىلىسىنا جۇمسالدى. ءىس جۇزىندىك مىنانى دالەلدەدى: تەك جۇڭگو كوممۋنيستىك پارتياسى عانا جۇڭحۋا ۇلتىنىڭ ۇلى ىنتىماعىن جۇزەگە اسىرا الادى، تەك جۇڭگوشا سوتسياليزم عانا ءار ۇلتتى ۇيىستىرىپ، ءار ۇلتتى دامىتىپ، ءار ۇلتتى گۇلدەندىرە الادى.

    شينجياڭ − جۇڭگونىڭ لاڭكەستىككە قارسى تۇرۋ، ۇشقارىلىقتى الاستاۋ كۇرەسىنىڭ نەگىزگى شايقاس مايدانى. شينجياڭدىق رەتىندە، ءبىز زورلىقتى كۇش، لاڭكەستىكتىڭ جانە ءدىني ۇشقارىلىقتىڭ زاردابىن ابدەن تارتقانبىز. تولىقسىز ساناق بويىنشا، 1990 - جىلدان 2016 - جىلدىڭ سوڭىنا دەيىن «ءۇش ءتۇرلى كۇش» شينجياڭ وڭىرىندە مىڭداعان زورلىقتى كۇش، لاڭكەستىك دەلوسىن (ۋاقيعا) جوسپارلاپ، تۋدىرىپ، حالىقتىڭ ءومىرىنىڭ حاۋىپسىزدىگىنە اۋىر قاتەر ءتوندىردى، كوپتەگەن بەيكۇنا بۇقارا قىمباتتى ومىرلەرىنەن ايرىلدى. ادامدىقتان جۇرداي تالاي - تالاي زورلىقتى كۇش، لاڭكەستىك دەلولارىنان (ۋاقيعا) مەن مىنانى ايقىن تانىپ جەتتىم: زورلىقتى كۇش، لاڭكەستىك ارەكەتتەرى مەن ءدىني ۇشقارى يدەيا ءبىزدىڭ تىنىش، بەرەكەلى ءومىرىمىزدى ورەسكەل ءبۇلدىردى. قاتاڭ دا كۇردەلى جاعداي الدىندا، شينجياڭ باتىل شارا قولدانىپ، زورلىقتى كۇش، لاڭكەستىك قىلمىستارعا زاڭ بويىنشا قاتاڭ سوققى بەرۋمەن بىرگە،

جاۋاپتى رەداكتور: جازيرا بولاتباي قىزى