قىزىل گەننىڭ مۇراگەرى

  • كەلۋ قاينارى: ىلە گازەتى
  • 03:39:47 31/12/2019

  

    نۇرجان جانەتقان ۇلى، جاماعات شاربەك ۇلى (ءوز تىلشىلەرىمىز)

 

    بۇكىل ىنتا پەيىلىمەن حالىق ءۇشىن قىزمەت ەتۋ سىندى جۇڭگو كوممۋنيستەرىنىڭ اۋەلگى ماقساتى مەن بورىشىن امالياتتا ايگىلەپ كەلە جاتقان 75 جاستاعى قاجىرلى قارت كوممۋنيىس، اۆتونومىيالى رايوندىق ۇلتتاردىڭ ىنتىماعى، العاباسارلىعىنداعى وزات پارتيا مۇشەسى، نىلقى اۋدانى قارا توبە اۋىلى سايبويى قىستاعى پارتيا ياچەيكاسىنىڭ بۇرىنعى شۋجيى تولەپقان مۇراتقان ۇلىنىڭ 8 جىلدان بەرى ءوز ءۇيىنىڭ اۋلاسىندا مەملەكەت ءانىن شىعانداتا شىرقاپ، مەملەكەت تۋىن جەلبىرەتكەنى، ءوز ءۇيىنىڭ ءۇش بولمەسىن قىزىل مۇرالارعا مۇراگەرلىك ەتۋ كورمەسى، ۇلتتىق ەتنوگرافيا كورمەسى جانە ءداستۇرلى ءوندىرىس قۇرال - سايماندارى كورمەسى ەتىپ، قىرۋار قۇلشىنىسپەن ءار الۋان كورمە بۇيىمدارىن تولىقتاپ، ونى جالپى قاۋىمعا جانە ساياحاتشىلارعا تەگىن اشىپ وتىرعانى، ءوزىنىڭ باستان كەشكەندەرى مەن ۇيرەنۋ اسەرلەرىن سويلەپ، پارتيانىڭ نەگىزگى ساتىداعى بەلسەندى ۇگىتشىسى، حالىق ىشىندەگى ۇزدىك جاراستىرۋشى بولىپ، قوعامدىق جاراسىمدىلىقتى جەبەگەنى، قيىنشىلىعى بارلارعا قارايلاسىپ ولارعا قوعامنىڭ مەيىرىن سەزىندىرگەنى راسىندا ەستىگەن قۇلاقتى ەلەڭ ەتكىزەرلىك اسەرلى اڭگىمە ەدى. جۋىردا ءساتى ءتۇسىپ، توكەڭ اقساقالدقىڭ اۋىلىنا ات باسىن بۇرىپ، قارت كوممۋنيسپەن ەگجەي - تەگجەيلى سۇحباتتاسىپ، ارعى - بەرگى اڭگىمەلەرىنە قانىقتىق.

    قيمىلى شيراقى قارت ءبىزدى اشىق قاباق، جايدارى مىنەزبەن قارسى الدى. اڭگىمەمىز تۋ شىعارۋعا ويىسىپ، اۋلاعا بەتتەگەندە اۋلاداعى تۋ سىرىعىنىڭ جانىندا تۇرعان جەر بەتىندەگى بيكتىگى ءبىر مەترگە، ەنى جارىم مەتىرگە جۋىق سوپاقشا تابيعي تاسقا كوزىمىز ءتۇستى. تاستىڭ بەتىنە حانزۋ جازۋىمەن «اۋەلگى ماقساتتى ۇمىتپايق، بورىشتى ەستە بەرىك ساقتايىق» دەگەن سوزدەر ناقىشتاپ جازىلىپتى، قىزىعا قاراپ، سۋرەتكە الىپ جاتىپ قارتتىڭ قۇنتتىلىعىنا ءتانتى بولدىق.

    قارت كوممۋنيستى اڭگىمەگە تارتىپ، «اۋلاڭىزدا تۋ شىعارۋ سالتىن وتكىزۋگە، كورمە اشۋىڭىزعا نەندەي ءىس سەبەپ بولدى؟» دەپ سۇرادىق. قارت تۋ سىرىعىنىڭ باسىندا جەلبىرەپ تۇرعان قىزىل تۋعا قاراپ از ويلانعان سوڭ: «مەنىڭ بالالىق شاعىم جوقشىلىقپەن ءوتتى، كونە قوعامدا اكەدەن جاستاي جەتىم قالىپ، جەتىمدىكتىڭ قاسىرەتىن ءبىر كىسىدەي تارتتىم، ءيىنىم كيىمگە، اۋزىم اسقا جارىمادى. ازاتتىق تاڭى ارايلاپ اتىپ، كوممۋنيستىك پارتيا كەلگەن سوڭ عانا كوزىمىز اشىلىپ، ەسە - تەڭدىك الدىق. ارتىمىزعا قايىرىلا قاراپ، سول ماشاقاتتى كۇندەرمەن سالىستىرعاندا قازىر بويىمىزدى باقىت، ماقتانىش سەزىمى بيلەيدى. ءبىر جارىم ميلياردقا جۋىق حالىقتى وسى كۇنگە جەتكىزگەن كوممۋنيستىك پارتيانىڭ ەڭبەگىن استە ۇمىتۋعا بولمايدى، كوممۋنيستىك پارتيا بولماسا،ءبىزدىڭ باقىتتى تۇرمىسىمىز دا بولماق ەمەس» دەپ كورمەجاي جاققا كوز تاستادى. قارتتىڭ جانارىنان ماقتانىش، باقىت سەزىمى بايقالادى. ءار كورمە بولمەسىنىڭ ەكى جاق بوساعاسىنا « كوممۋنيستىك پارتيا بولماسا، جاڭا جۇڭگو دا بولماق ەمەس» دەگەن ءسوز قازاقشا، حانزۋشا ۇلكەن ارىپتەرمەن جازىلعان ەكەن.

جاۋاپتى رەداكتور: گۇلدەن ماقسات قىزى