ناقتى ىستەۋ تاباندىلىعىمەن العا تارتىپ، تارتىمدى جاڭا داستان جازامىز

  • كەلۋ قاينارى: شينجياڭ گازەتى تورابى
  • 03:27:26 06/01/2020

    ءتوراعا شي جينپيڭنىڭ جاڭا جىلدى قۇتتىقتاۋ ءسوزىن ەستىگەننەن، ۇيرەنگەننەن كەيىن، رايونىمىزداعى ءار ۇلت كادر - بۇقاراسى جابال مىنالاردى ءبىلدىردى −

    

    مەملەكەت ءتوراعاسى شي جينپيڭ جاريالاعان 2020 - جىلعى جاڭا جىلدى قۇتتىقتاۋ ءسوزى رايونىمىزداعى ءار ۇلت كادر - بۇقاراسى اراسىندا كۇشتى اڭىس قوزعادى. كوپشىلىك جابال مىنالاردى ءبىلدىردى: ءتوراعا شي جينپيڭنىڭ جاڭا جىلعا ارنالعان قۇتتىقتاۋ ءسوزى جۇرت جۇرەگىن جەلپىندىرىپ، ادامدى العا ۇمتىلۋعا جىگەرلەندىرەدى، جاڭا جىلدا ءبىر نيەتپەن قايراتتانا ىستەپ، ناقتى ىستەۋ تاباندىلىعىمەن العا تارتىپ، تارتىمدى جاڭا داستان جازامىز.

    ”ءبىز ماڭداي تەرىمىزدىڭ جەمىسىن تاتامىز“

    ”ءتوراعا شي جينپيڭ جاڭا جىلعا ارنالعان قۇتتىقتاۋ سوزىندە اۋىزعا العان ’ءبىز ماڭداي تەرىمىزدىڭ جەمىسىن تاتامىز‘، ماعان تەرەڭ اسەر قالدىردى، سونداي - اق مەنىڭ العا ىلگەرىلەۋىمدەگى قوزعاۋشى كۇش“، - دەدى حوتان اۋدانى بۇزاق اۋىلى تەرەكارىق قىستاعىنىڭ تۇرعىنى ابدۇحىلىل ابدۇللا.

    بىلتىر شينجياڭ زاۋتۋ ەگىن، مال شارۋاشىلىعىن دامىتۋ شەكتى سەرىكتەستىگىنىڭ قويان شارۋاشىلىعى بازاسى قىستاقتا قۇرىلدى، ابدۇحىلىل ۇيىندە اسىل تۇقىمدى قويان باعا باستادى. كاسىپورىن اسىل تۇقىممەن، جەممەن، تەحنيكالىق قىزمەت وتەۋمەن جانە جۇقپالى اۋرۋلاردىڭ الدىن الۋمەن ءبىر تۇتاس قامدايدى، ەڭ سوڭىندا جانە ءبىر تۇتاس باعامەن ساتىپ الىپ، باعىمشىلىق وتباستارىن ۋايىمنان ارىلتتى. ”3 ايدا 3800 يۋان تاپتىم، ءونىمدى كورۋمەن بىرگە، مەن تەك تاباندىلىقپەن قۇلشىنا ىستەسەڭ بولعانى، ءسوز جوق، جاقسى قارىمجىعا يە بولۋعا بولاتىن زاڭدىلىقتى ۇعىندىم. قازىر مەن قويان باعۋدى ۇيرەنىپ الدىم، باعىمشىلىق كولەمىن كەڭەيتىپ، كەدەيلىكتەن ەرتەرەك ارىلىپ، شالقىعان تۇرمىس كەشىرۋدى دە ويلاپ ءجۇرمىن“، - دەدى ابدۇحىلىل زور سەنىممەن.

    بۇراتالا قالاسى بىلىنحارمودون اۋىلى جوكىن قىستاعىندا ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ باستىعى، ءبىرىنشى شۋجي چاۋلۋمىڭ مىنالاردى ءبىلدىردى: ءتوراعا شي جينپيڭنىڭ جاڭا جىلعا ارنالعان قۇتتىقتاۋ ءسوزىن تىڭداپ، وتاننىڭ گۇلدەنىپ - كوركەيگەنىن، بايىپ - قۇدىرەتتەنگەنىن شەكسىز ماقتانىش جانە داڭق سەزىندىم، جاپپاي دوڭگەلەك داۋلەتتى قوعام قۇرىپ، ءبىرىنشى 100 جىلدىق كۇرەس نىساناسىن جۇزەگە اسىرۋعا دەگەن سەنىمىم نىعايدى. ”2019 - جىل تابىستى جىل، قىزمەت اترەتى اۋىلداستاردى شامگۇلدى دانەكەر ەتە اۋىل - قىستاق ساياحاتىن دامىتۋعا، ەرەكشە ”شامگۇل ءيىستى“ ءدامدى تاعامداردى جاساۋعا، شامگۇل ساياحات كوركەمونەر مەرەكەسىن وتكىزۋگە باستاپ، حالىقتىق تۇسەلحانا سالت - سانا ساياحاتى جاۋھار جەلىسىن كەمەلدەندىرىپ، قىستاق حالقىنىڭ كىرىسىن ارتتىردى. 2020 - جىلى كەدەيلىكتەن ارىلتۋدان قامال الۋ شايقاسىنىڭ شەشۋشى جەڭىسىنە جەتەتىن جىل، ءبىز ۇزدىكسىز قۇلشىنا قايراتتانا ىستەپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل جەتىپ، اناعۇرلىم كوپ بۇقارانىڭ ۇزدىكسىز كىرىسىن ارتتىرىپ، كەدەيلىكتەن ورنىقتى ارىلۋىنا مۇمكىندىك جاسايمىز“، - دەدى چاۋلۋمىڭ.

جاۋاپتى رەداكتور: جازيرا بولاتباي قىزى