”شينجياڭ، ءسوز جوق، اناعۇرلىم گۇلدەنە تۇسەدى“

  • كەلۋ قاينارى: شينجياڭ گازەتى تورابى
  • 03:32:35 06/01/2020

    شەتەلدىكتەر نازارىنداعى شينجياڭ

    ءتىلشىمىز فۋ شياڭلۇڭ

    

    2019 - جىلى 12 - ايدىڭ 25 - كۇنى تۇستەن كەيىن ەندى عانا ماۋسىمدىق ەمتيحان قاعازى دايىندىق قىزمەتىن اياقتاتقان 47 جاستاعى رەسەيدەن كەلگەن شەتەلدىك وقىتۋشى مافليۋدوۆا يۋليا اناتوليەۆنانىڭ شارشاعانى ءبىلىنىپ تۇر. ءبىراق ءوزى تۇرمىس كەشىرگەن قالا − ءۇرىمجى جانە ءوز قىزمەتى جونىندە ايالداعاندا جۇزىنەن ءاپ - ساتتە قۋانىش لەبى ەستى. 2017 - جىلى 10 - ايدىڭ 14 - كۇنىنەن قازىرگە دەيىن يۋليانىڭ شينجياڭ داشۋەسى شەتەل تىلدەرى شۋەيۋانىندا وقىتۋشىلىقپەن شۇعىلدانعاندىعىنا 2 جىلدان استى. ”جيىنى 802 كۇن!“، - دەدى يۋليا بايىپتىلىقپەن.

    يۋليا شينجياڭ داشۋەسى شەتەل تىلدەرى شۋەيۋانىنىڭ ورىس ءتىلى فاكۋلتەتىنە قىزمەتكە دايىندىقپەن كەلگەن. ”التاي مەملەكەتتىك تەحنيكا داشۋەسىنەن كەلدىم، التاي مەملەكەتتىك تەحنيكا داشۋەسى مەن شينجياڭ داشۋەسىنىڭ مەكتەپتەر ارا سەلبەستىگى بار، ەكى جاق ءوزارا وقىتۋشى جىبەرىپ تۇرادى ءارى ەكىنشى جاعىنىڭ وقۋشىلارىن مەكتەپكە كەلىپ ءبىلىم اسىرۋعا قابىلدايدى“، - دەدى يۋليا.

    شينجياڭعا كەلۋدەن ىلگەرى يۋليانىڭ شينجياڭ جونىندە ازدى - كوپتى حابارى بار بولاتىن. التاي مەملەكەتتىك تەحنيكا داشۋەسىندە وقىتۋشى بولىپ جۇرگەن مەزگىلدە شينجياڭنىڭ ءۇرىمجى، ىلە، التاي سياقتى جەرلەرىنەن بارعان جۇڭگولىق وقۋشىلارعا ساباق وتكەن بولاتىن. ول: ”وسى سۇيكىمدى بالالار ماعان اتا مەكەندەرىن تانىستىراتىن، شينجياڭ جونىندەگى ارمانىم سول كەزدەن باستالعان“، - دەدى.

    شينجياڭعا العاش كەلگەندە تىم ۇيلەسە قويماسا دا، ءبىراق جۇڭگولىق قىزمەتتەستەردىڭ كومەگىندە ول جاڭا ورتاعا تەز ارادا ۇيلەسىپ كەتتى.

    ”بۇل مەنىڭ تۇڭعىش رەت شەتەلدە قىزمەت ىستەۋىم. جۇڭگولىق قىزمەتتەستەردىڭ ىقىلاستى دوستىعى مەنى قىسىمنان ارىلتتى. شەتەل تىلدەرى شۋەيۋانىنىڭ ورىس ءتىلى فاكۋلتەتىندەگى جانە ورىس ءتىلى ورتالىعىنداعى قىزمەتتەستەر ماعان توتەنشە كوڭىل ءبولدى، ۇيگە كەلگەندەي سەزىمدە بولدىم“.

    تۇرلىشە وڭىرلەردىڭ مادەنيەتىمەن تانىسۋ دا يۋليانىڭ كۇشتى اۋەسى، ول قىزمەتتەستەرىمەن بىرگە تۇرپانعا، تيانشان بوعدا كولىنە جانە ءۇرىمجى نانشانعا بارعان، ول تاعى ءۇرىمجى قالا رايونى اۋماعىنداعى باقشالاردىڭ بارلىعىنا بارعان. يۋليانىڭ ءۇنحات دوستار شەڭبەرىنەن باقشادا ءوزىن تارتقان سۋرەتتەرى مەن كورىنىس سۋرەتتەرىن ۇنەمى كورۋگە بولادى. ”جۇڭگونىڭ شينجياڭى كەرەمەت جەر، بۇل ارادان اتا مەكەنىمدەگىدەي كورىنىستەردى كورۋگە بولادى، مۇنان اتا مەكەنىمنەن الىستاماعانداي سەزىنەمىن“، - دەدى يۋليا.

جاۋاپتى رەداكتور: جازيرا بولاتباي قىزى