شينجياڭنىڭ شەكارا وتكەلدەرى ەۆروپا - ازيا ەكونوميكالىق وداعىنىڭ ساۋداسىن ورنىقتى ارتتىردى

  • كەلۋ قاينارى: شينجياڭ گازەتى تورابى
  • 09:48:43 06/01/2020

    

    شينحۋا اگەنتتىگىنىڭ 1 - ايدىڭ 4 - كۇنى ۇرىمجىدەن بەرگەن حابارى (ءتىلشى سۇن شاۋشيۇڭ). ءتىلشىنىڭ ءۇرىمجى كەدەنىنەن ۇعىسۋىنشا، 2019 - جىلدىڭ الدىڭعى 11 ايىندا، شينجياڭنىڭ شەكارا وتكەلدەرىنىڭ ەۆروپا - ازيا ەكونوميكالىق وداعىنا مۇشە ەلدەرگە يمپورت - ەكسپورتى 197 ميلليارد 190 ميلليون يۋانعا جەتىپ، سايكەس مەزگىلدەگىدەن %6.8 ارتقان. مۇنىڭ ىشىندە، ەكسپورت 127 ميلليارد يۋان بولىپ، %8.1 ارتقان؛ يمپورت 70 ميلليارد 190 ميلليون يۋان بولىپ، %4.4 ارتقان، ساۋدا وڭ بالانىسى 56 ميلليارد 810 ميلليون يۋان بولىپ، %13.2 كەڭەيگەن.

    ەۆروپا - ازيا ەكونوميكالىق وداعى − ەۆروپا - ازيا وڭىرىندەگى وڭىرلىك ەكونوميكا ءبىر تۇلعالاندىرىلعان ۇيىم، مۇشە ەلدەر رەسەي، قازاقستان، قىرعىزستان، بەلورۋسسيا جانە ارمەنيا، ”ءبىر بەلدەۋ، ءبىر جول“ قۇرىلىسىنداعى ماڭىزدى سەلبەستىك سەرىكتەر.

    جاقىنعى جىلداردان بەرى، ەۆروپا - ازيا ەكونوميكالىق وداعىنا مۇشە ەلدەر تيجارات - ساۋدا ورتاسىن ساپالىلاندىرۋدى دامۋعا نازار اۋدارۋ ءتۇيىنى جانە كۇش سالۋ ءتۇيىنى ەتتى، ساۋدا ورتاسى ءۇرتىس جاقساردى، وعان قوسا ەلىمىزدىڭ مۇشە ەلدەرمەن ەكونوميكالىق ءوزارا تولىقتاۋ سيپاتى كۇشتى، ساۋدا سەلبەستىك كومەسكى كۇشى مىعىم بولۋى شينجياڭنىڭ شەكارا وتكەلدەرىنىڭ ەۆروپا - ازيا ەكونوميكالىق وداعى مۇشە ەلدەرىمەن ساۋداسىنىڭ دامۋىنا تولىق دەم بەردى.

    2019 - جىلدىڭ الدىڭعى 11 ايىندا، شينجياڭنىڭ شەكارا وتكەلدەرىنىڭ ادەتتەگى ساۋدا ءتاسىلى ارقىلى ەۆروپا - ازيا ەكونوميكالىق وداعىنا باعىتتاعان يمپورت - ەكسپورتى 107 ميلليارد 40 ميلليون يۋان بولىپ، سايكەس مەزگىلدەگى شينجياڭنىڭ شەكارا وتكەلدەرىنىڭ ەۆروپا - ازيا ەكونوميكالىق وداعىنا باعىتتاعان ساۋدا جالپى قۇنىنىڭ %54.3ىن ۇستادى؛ شەكاراداعى شاعىن قارجىلى ساۋدا ءتاسىلى ارقىلى جۇرگىزىلگەن يمپورت - ەكسپورت 80 ميلليارد 820 ميلليون يۋان بولىپ، %41تى ۇستادى.

    قازاقستان − شينجياڭنىڭ شەكارا وتكەل سىرتقى ساۋداسىنداعى ءبىرىنشى ۇلكەن سەرىكتەس ەل. شينجياڭنىڭ شەكارا وتكەلدەرىنىڭ باستى يمپورت تاۋارىنان شيكى مۇناي، تابيعي گاز سياقتىلار بار، باستى ەكسپورت تاۋارلارى توقىماشىلىق، كيىم - كەشەكتەر، ماشينا - ەلەكتر ونىمدەرى مەن اياق كيىمدەر.

جاۋاپتى رەداكتور: گۇلدەن ماقسات قىزى