ءتۇزىمنىڭ ومىرشەڭدىك كۇشىن قاۋلاتىپ، جاپپاي دوڭگەلەك داۋلەتتىلىكتىڭ شەشۋشى جەڭىسىنە قول جەتكىزەيىك

  • كەلۋ قاينارى: شينجياڭ گازەتى تورابى
  • 10:29:01 07/01/2020

 

    − اۆتونوميالى رايوندىق 13 - كەزەكتى حالىق قۇرىلتايى 3 - ءماجىلىسىنىڭ اشىلعاندىعىن قىزۋ قۇتتىقتايمىز

 

    بۇگىن، جالپى جۇرت كوز تىككەن اۆتونوميالى رايوندىق 13 - كەزەكتى حالىق قۇرىلتايىنىڭ 3 - ءماجىلىسى سالتاناتپەن اشىلدى، الداعى 5 كۇندىك ءماجىلىس كەزىندە، تيانشاننىڭ تۇستىگى مەن تەرىستىگىنەن، ءار كاسىپتەن، ءار سالادان كەلگەن حالىق قۇرىلتايى ۋاكىلدەرى تۇتاس رايونىمىزداعى ءار ۇلت كادر - جۇرتشىلىعىنىڭ ماڭىزدى تاپسىرماسىن ارقالاپ، ورنىقتىلىق، دامۋ ۇلى جوسپارىن بىرگە اقىلداسادى، تاماشا جوبانى بىرگە تىلگە تيەك ەتەدى. ءبىز ءماجىلىستىڭ اشىلعانىن قىزۋ قۇتتىقتايمىز!

    بۇل رەتكى ءماجىلىس جاپپاي دوڭگەلەك داۋلەتتى قوعام ورناتاتىن جانە ”13 - بەسجىلدىق“ جوبانى ورىندايتىن جىلدا ءارى كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزۋ جىلىندا اشىلعان ءبىر رەتكى ەرەكشە ماڭىزدى ءماجىلىس. بۇل رەتكى ءماجىلىستىڭ اشىلۋى يدەيانى بىرلىككە كەلتىرىپ، ورتاق تانىمدى ۇيىستىرىپ، تۇتاس رايونىمىزداعى ءار ۇلت حالقىن جۇمىلدىرىپ جانە ىنتىماقتاستىرىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ جولىندا تالىقپاي كۇرەس جۇرگىزىپ، شينجياڭنىڭ بۇكىل ەلمەن بىرگە جاپپاي دوڭگەلەك داۋلەتتى قوعامعا تەڭ قادامدا اياق باسۋىنا شىنايى كەپىلدىك ەتۋ جونىنەن ەرەكشە ماڭىزدى ءمان الادى.

    ەندى عانا وتكەن 2019 - جىلى ورنىقتىلىقتىڭ، دامۋدىڭ كۇردەلى جاعدايى مەن جاپالى مىندەتى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا اۆتونوميالى رايوندىق پارتكوم تۇتاس رايونىمىزداعى ءار ۇلت كادر - جۇرتشىلىعىن ىنتىماقتاستىرىپ، باستاپ، جاڭا جۇڭگو قۇرىلعاندىعىنىڭ 70 جىلدىعىن سالتاناتپەن قۇتتىقتادى، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ىشكەرىلەي ورىستەتىپ، ورنىقتىلىقتىڭ، دامۋدىڭ ءتۇرلى قىزمەتتەرىندە جاڭا ىلگەرىلەۋشىلىككە قول جەتكىزدى. ءاربىر كورنەكتى ناتيجەنىڭ بارىنە اۆتونوميالى رايوندىق 13 - كەزەكتى حالىق قۇرىلتايىنىڭ جانە ونىڭ تۇراقتى كوميتەتىنىڭ اقىل - پاراساتى مەن كۇش - قۋاتى ۇيىسقان.

    وتكەن ءبىر جىلدا، اۆتونوميالى رايوندىق 13 - كەزەكتى حالىق قۇرىلتايى جانە ونىڭ تۇراقتى كوميتەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، تۇتاس رايوننىڭ ورنىقتىلىق، دامۋ كەلەلى جاعدايىن تىعىز ارقاۋ ەتىپ، نەگىزگى زاڭدا جانە زاڭداردا جۇكتەلگەن قىزمەت جاۋاپكەرشىلىگىن مۇقيات اتقارىپ، جاڭا داۋىردەگى زاڭ ەرەجە شىعارۋ قىزمەتىن كۇشەيتىپ جانە جاقسارتىپ، حالىق قۇرىلتايىنىڭ باقىلاۋ قىزمەت جاۋاپكەرشىلىگىن زاڭ بويىنشا اتقارىپ، مىندەت وتەۋ قابىلەتىن قۇلشىنا جوعارىلاتىپ، ءتۇرلى جاقتارداعى قىزمەتتە كورنەكتى ونىمدىلىككە قول جەتكىزدى، اسىرەسە، اۆتونوميالى رايوندىق حالىق قۇرىلتايى تۇراقتى كوميتەتى جاريا ۇستاۋ كۇنى قيمىلىن العاش رەت وتكىزىپ، ازاماتتاردىڭ ساياسيعا ءتارتىپتى ات سالىسۋىن كەڭەيتتى؛

جاۋاپتى رەداكتور: گۇلدەن ماقسات قىزى