ءداۋىر بورىشىن باتىلدىقپەن ارقالاپ، تاماشا كەلەشەكتى بىرگە اشامىز

  • كەلۋ قاينارى: شينجياڭ گازەتى تورابى
  • 10:18:50 08/01/2020

  

  ءتوراعا شي جينپيڭنىڭ جاڭا جىلدى قۇتتىقتاۋ ءسوزىن ەستىگەننەن، ۇيرەنگەننەن كەيىن، رايونىمىزداعى ءار ۇلت كادر، بۇقاراسى جابال مىنالاردى ءبىلدىردى −

    ءداۋىر بورىشىن باتىلدىقپەن ارقالاپ، تاماشا كەلەشەكتى بىرگە اشامىز

 

    مەملەكەت ءتوراعاسى شي جينپيڭ جاريالاعان 2020 - جىلعى جاڭا جىلدى قۇتتىقتاۋ ءسوزى رايونىمىزداعى ءار ۇلت كادر، بۇقاراسى اراسىندا قىزۋ اڭىس قوزعادى. كوپشىلىك مىنالاردى جابال ءبىلدىردى: ءتوراعا شي جينپيڭنىڭ جاڭا جىلدى قۇتتىقتاۋ ءسوزى مەيىرگە تولى ءارى تەرەڭ، كۇش - قۋاتقا تولى بولىپ، ادامدى ەكپىندەي ىلگەرىلەۋگە شابىتتاندىردى. ءسوز جوق، ءتوراعا شي جينپيڭنىڭ ىقىلاستى تاپسىرماسىن ەستە بەرىك ساقتاپ، ۋاقىتپەن جارىسىپ، ەسىل ساتتەردى زايا جىبەرمەي، جاڭا ءبىر جىلدا ۇزدىكسىز كۇرەس جاساپ، ءداۋىر بورىشىن باتىلدىقپەن ارقالاپ، تاماشا كەلەشەكتى بىرگە اشامىز.

    جۇرەكتى مەيىرگە بولەپ، رۋحتى اسقاقتاتىپ، كۇشتى تاسقىنداتتى

    ”جەكەلەر تابىس سالىعىن الۋدىڭ باستاپقى شەگى جوعارىلاتىلدى، بۇقارا ۇنەمى پايدالاناتىن كوپتەگەن ءدارى - دارمەكتىڭ باعاسى ارزانداتىلدى...“ ءتوراعا شي جينپيڭ جاڭا جىلدى قۇتتىقتاۋ سوزىندە ءبىر جىلدان بەرگى جاڭا وزگەرىستەردى، جاڭا كەلبەتتى تىلگە تيەك ەتتى، ءار ۇلت بۇقاراسىنىڭ قاۋلاعان تابىس سەزىمى مەن باقىت سەزىمىن دە باياندادى.

    ماڭايىنداعى وزگەرىستەردى تىلگە العاندا، كۇنەس اۋدانى كەڭسۋ قالاشىعى كەڭسۋ قىستاعىنىڭ تۇرعىنى ءبۇبيسارا ابدۇكەرىم بىردەن اقتارىلا سويلەدى. 2019 - جىلى كەڭسۋ قىستاعىنىڭ بەت - بەينەسىندە زور وزگەرىستەر بولدى، قىستاق تۇرعىندارىنىڭ كىرىسى دە ارتتى. ”وسى جىلداردا پارتيا مەن مەملەكەتتىڭ حالىققا ءتيىمدى ساياساتتارى بارعان سايىن مولايىپ، ءبىزدىڭ تۇرمىسىمىز دا بارعان سايىن جاقساردى“، - دەدى ءبۇبيسارا.

    اقسۋ ايماعى حۇڭچيپو ەگىس الاڭىندا تۇراتىن حۇشتار تۇرعىن تيەۋىش ماشينا جۇرگىزەدى، ايىنا 5000 يۋاننان استام ەڭبەكاقى الاتىن ونىڭ تاپقان اقشاسى جەكەلەر تابىس سالىعىن الۋدىڭ باستاپقى شەگى جوعارىلاتىلعاننان كەيىن نەگىزىنەن تۇگەلدەي ءوز قالتاسىنا تۇسەتىن بولدى. ”بيىل مەن قۇلشىنا ىستەپ، جاڭا تەحنيكالاردى يگەرىپ، تۇرمىسىمدى بارعان سايىن جاقسارتامىن“.

    باقىت كورىكتى مەكەندى شىن پەيىلمەن كۇزەتۋدەن دە كەلەدى. ۇرىمجىدە قوقىر - قوقسىقتى تۇرگە ءبولۋ بىرتىندەپ ءبىر ءتۇرلى سالتقا اينالدى. ”قوقىر - قوقسىقتى تۇرگە ءبولۋ ارقىلى قورشاعان ورتا رەتتى دە تازا بولىپ قانا قالماستان، الەۋمەتتىك اۋماقتان سيلىق بۇيىم الۋعا دا بولادى، كوپشىلىكتىڭ بەلسەندىلىگى وتە جوعارى“، - دەدى ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى) سولتۇستىك ۆوكزال باتىس جولى ءمالىسى سولتۇستىك ۆوكزال جولى سولتۇستىك الەۋمەتتىك اۋماعىنىڭ تۇرعىنى سۇن يۇيمەي.

جاۋاپتى رەداكتور: گۇلدەن ماقسات قىزى