نەشە مىڭ ساياحاتشى التايدا باس قوسىپ، قار ـ مۇز ساياحاتىن تاماشالاپ، «ەرتەگىدەي الەمنەن» ءلاززاتتاندى

  • كەلۋ قاينارى: ىلە گازەتى
  • 03:46:50 09/01/2020

    قاناس 13 ـ كەزەكتى قار ـ مۇز سالت – سانا ساياحات مەرەكەسى جانە قار ويىن سالتاناتى باستالدى

    

    ٴتىلشىمىز ساي ليپىڭ حابارلايدى. 1 – ايدىڭ 1 - كۇنى التاي تاۋىنىڭ قاتپارلى قويناۋىنداعى «قاسيەتتى جەر» اتانعان قاناس كورىنىس رايونىنىڭ قوم اۋىلى قار - مۇز باقشاسىندا وتكىزىلگەن قاردا سىرعاناۋ، ٴداستۇرلى تەرى شاڭعى جارىسى، قارداعى ات بايگە، تەڭگە ءىلۋ، قىز قۋار، كوكبار تارتۋ، ٴداستۇرلى بالۋان جارىسى، ٴداستۇرلى ساداق اتۋ جارىسى، شانا جارىسى، ات ءۇستى ساداق اتۋ جانە قار موتوتسيكلى سياقتى ٴبىرسىپىرا قار ـ مۇز جارىسى، سونداي ـ اق ونەر كورسەتۋ تۇرلەرى ەلىمىزدىڭ جەر ـ جەرىنەن كەلگەن نەشە مىڭداعان ساياحاتشىنى جانە فوتو سۋرەت اۋەسكەرلەرىن باۋرادى، ولار جينالعان جەرگىلىكتى بۇقارامەن بىرگە قار شاڭعى تەۋىپ، جاڭا جىلدىڭ 1 ـ كۇنىن دۋماندى وتكىزدى. سول كۇنى قاناس 13 ـ كەزەكتى قار ـ مۇز سالت – سانا ساياحات مەرەكەسى جانە قار ويىن سالتاناتى باستالدى.

    قومعا جاۋعان قاردىڭ قالىڭدىعى 60 سانتيمەتر اينالاسىندا بولىپ، تاۋ قويناۋىنداعى قوم قىستاعىن «بالالاردىڭ ەرتەگى الەمىنە» اينالدىردى. قيمىل الاڭىندا جەرگىلىكتى مالشىلار ٴداستۇرلى تەرى شاڭعى جارىسىنا قاتىناستى. شاباندوزدار كوركەمونەرشىلەر تەرىدەن جاساعان ءداستۇرلى شاڭعىمەن تاۋ قويناۋىنداعى نۋ ورماندا ٴبىرىن - ٴبىرى قۋالاي زىمىراپ، اق قايىڭ ورمانىنان ٴوتىپ، تاۋ بەتكەيىنەن سىرعاناپ، جەرگىلىكتى بۇقارانىڭ ٴداستۇرلى اڭشىلىق تۇرمىسىن كوز الدىعا ەلەستەتتى.

    ءار ءتۇرلى ٴداستۇرلى ات ٴۇستى ويىندارى ءبىر توپ فوتو سۋرەت اۋەسكەرىن دە قاربالاستىققا ءتۇسىردى. اۋىلدىڭ التى اۋزىمەن باستالعان ءان - كۇي مەن «كومەي» (كۇركىرەمە) ويىنى، سونداي ـ اق موڭعۇل تۋالارىنىڭ ٴدامدى تاعامدارى مەن تارتىمدى دا قىزىقتى ، ٴداستۇرلى حالىقتىق ويىن ـ ساۋىق نومىرلەرى جۇرتتى جەلپىندىرىپ تاستادى.

    2019 - جىلدىڭ ەڭ سوڭعى كۇنى كەشتە قوم ساحاراسىندا قوم قىستاعى سالتاناتتى الاۋ كەشىن وتكىزدى، ەلىمىزدىڭ جەر ـ جەرىنەن كەلگەن ساياحاتشىلار مەن جەرگىلىكتى تۋالار سالتاناتتى كيىم كيىپ، ٴان ايتىپ، ٴبي بيلەپ، ونداعى جۇرتشىلىقتىڭ ەستەن كەتپەس جاڭا جىلدى قارسى الۋ كەشىن وتكىزدى.

    حاينان ولكەسىنىڭ سانيا قالاسىنان كەلگەن ساياحاتشى ۋاڭ مينحۋا: «مەن ساياحات ۇيىرمەسىندەگىلەرمەن بىرگە كەلگەنمىن، قوم اۋىلىندا باستان وتكەرگەن ەكى كۇندىك كەشىرمەمدى ماڭگى ۇمىتپايمىن. حاينان ولكەسىنەن شينجياڭعا، ونان قومعا دەيىن وتە تاڭسىق سەزىلدى، اسىرەسە، ەكى ورىننىڭ توعىسپالى ەرەكشەلىگى مەنىڭ كىسىلىك ومىرىمدەگى كەشىرمەلەرىمدى ءتىپتى دە مولىقتىردى» دەدى.

جاۋاپتى رەداكتور: جازيرا بولاتباي قىزى