”بۇل جەردى وسىندا قالىپ اسىقپاي تاماشالاعان جاقسى“

  • كەلۋ قاينارى: شينجياڭ گازەتى تورابى
  • 10:02:02 11/01/2020

  

    ءتىلشىمىز ما ينيڭ

 

    ”جۇڭگونىڭ تالاي جەرىن ارالادىم، وتە - موتە، شينجياڭدى ۇناتىپ قالدىم، اسىرەسە، شينجياڭنىڭ ءدامدى تاعامدارىن قاتتى جاقسى كوردىم، ايتالىق، سامسا، پالاۋ، ءلاڭمان، كاۋاپ... مەندە وسى سەبەپتى ’شينجياڭ اسقازانى‘ پايدا بولدى“. جۋىقتا ءۇرىمجى حۋاليڭ ياگاۋميجۋە ۇلكەن قوناقجايىنىڭ باس ديرەكتورى حان چياۋچيڭ شينجياڭنىڭ ءدامدى تاعامدارىن بەس ساۋساعىنداي ءبىلىپ، اۋىز جاپپاي القاپ وتىر.

    ءتىلشى حۋاليڭ ياگاۋميجۋە قوناقجايىنا كەلگەندە، حان چياۋچيڭ قىزمەتكەرلەرمەن بىرگە قىزمەت تاماعىن ءسۇيسىنىپ جەپ وتىر ەكەن − بۇل ونىڭ ادەتى، وسى ارادا جۇمىس ىستەگەننەن باستاپ، ءار كۇنگى تۇسكى، كەشكى اسىن تۇگەلدەي قىزمەتكەرلەرمەن بىرگە ىشەتىن بولعان.

    حان چياۋچيڭ گەرمانيالىق، ”حان چياۋچيڭ“ ونىڭ جۇڭگوشا اتى. الەمگە ايگىلى جەلىلەس قوناقجايدىڭ كاسىپتىك ديرەكتورى رەتىندە، حان چياۋچيڭ جۇڭگودا 20 جىلعا تاياۋ تۇردى، كەزىندە بەيجيڭ، شاڭحاي، حاڭجوۋ، چىڭدۋ سياقتى جەرلەردە قىزمەت ىستەپ، تۇرمىس كەشىرگەن. 2019 - جىلى 3 - ايدا ول ءۇرىمجى حۋاليڭ ياگاۋميجۋە قوناقجايىنىڭ باس ديرەكتورى بولادى.

    سپورتقا اۋەس حان چياۋچيڭ ۇرىمجىگە كەلگەننەن كەيىن، ارنايى ۆەلوسيپەد ساتىپ الدى. قىزمەت ارەدىگىندە ول ۆەلوسيپەدكە ءمىنىپ قالانىڭ توڭىرەگىندە اينالىپ جۇرگەندى جاقسى كورەدى.

    ”شينجياڭ وتە حاۋىپسىز، مەن ۇنەمى جالعىز جۇرەمىن، تۇندە دە سولاي. الاڭداۋدىڭ ەش قاجەتى جوق، ويتكەنى بۇل ارانىڭ قوعام اماندىعى جاعىندا ەشقانداي ماسەلە جوق، ال امەريكا مەن ەۆروپادا بولمايدى“، - دەدى حان چياۋچيڭ جاتىق حانزۋ تىلىندە، - ”شينجياڭدىقتار مەيماندوس، ءار جولى اداسىپ قالعاندا، ولار ىقىلاسپەن ماعان قالاي ءجۇرۋدى ايتىپ بەرەدى“.

    ۇرىمجىدە حان چياۋچيڭ اۆتونوميالى رايوندىق مۇراجايعا بارىپ كورگەن، شينجياڭنىڭ دامۋ تاريحىن تۇسىنەدى؛ حالىقارالىق ۇلكەن بازار جاياۋلار كوشەسىن ۇنەمى ارالاپ، ءان - ءبي كونسەرتىن تاماشالاپ، ءتۇرلى جەڭىل تاعامداردان اۋىز تيەدى؛ نان مادەنيەتى كاسىپ باقشاسىندا سول جەردىڭ وزىندە نان پىسىرۋدى كورگەن... ونىڭ نازارىندا شينجياڭ جاراسىمدى دا تىنىش، شينجياڭدىقتار اشىق - جارقىن، كەڭ پەيىل.

جاۋاپتى رەداكتور: گۇلدەن ماقسات قىزى