شەتەلدىك وقۋشى لوۋلان: ” شينجياڭنىڭ كۇن سايىن جاڭارىپ، اي سايىن تۇلەگەن وزگەرىسىن سەزىندىم“

  • كەلۋ قاينارى: تيانشان تورابى
  • 03:15:31 14/01/2020

    ءتىلشى جيا چۇنشيا

    ”جۇڭگونىڭ شينجياڭى مەنىڭ ەكىنشى مەكەنىم، وسى جەردە وقىعان 5 جىلدان بەرى، شينجياڭنىڭ كۇن سايىن جاڭارىپ، اي سايىن تۇلەگەن وزگەرىسىن سەزىندىم، شينجياڭنىڭ جاراسىمدىلىعىن، ورنىقتىلىعىن جانە قارىشتاپ دامىعانىن سەزىندىم. مەن دۇنيە جۇزىنە ناقتى شينجياڭدى ايتىپ، كوپشىلىككە شينجياڭدى اناعۇرلىم ىشكەرىلەي ءتۇسىندىرىپ، شينجياڭنىڭ وزگەرىسىن سەزىندىرگىم كەلەدى“، - دەدى بىرنەشە كۇننىڭ الدىندا قازاقستاننان كەلگەن وقۋشى لوۋلان تەرەڭ اسەرلەنىپ.

    5 جىلدىڭ الدىندا لوۋلان جۇڭگوعا دەگەن تاماشا ارمانىن ارقالاپ شينجياڭ پەداگوگيكا داشۋەسىنە ەمتيحان بەرىپ وقۋعا ءتۇسىپ، حالىقارالىق مادەنيەت اۋىس - كۇيىس شۋەيۋانىندا جۇڭگو ءتىلىن ۇيرەنەدى.

    اتىڭدى ”لوۋلان“ دەپ نەگە قويدىڭ؟ لوۋلان تىلشىگە بىلاي دەدى: 2017 - جىلى 7 - ايدا شينجياڭ پەداگوگيكا داشۋەسىنىڭ شەتەلدىك وقۋشىلار ۋاكىلى رەتىندە بەيجيڭگە بارىپ ”حانزۋ ءتىلى كوپىرى . 2017 بۇكىل الەم شەتەلدىكتەردىڭ حانزۋ ءتىلى جينالىسى“نا قاتىناستىم، وزىمە حانزۋشا ات قويۋدى ويلاپ، باستاپ بارعان ۇستازىمنان كەڭەس سۇراعان ەدىم، ۇستازىم لوۋلان ەجەلگى ەلىنىڭ اڭگىمەسىن ايتىپ بەردى ءارى ”لوۋلان“ دەگەن ەسىم قالاي ەكەن؟ دەپ سۇرادى.

    ”’لوۋلان‘ دەگەن ەسىم قۇلاققا جاعىمدى بولىپ قانا قالماستان، تاريحي جانە مادەني ەرەكشەلىگى بار ەكەن، ماعان قاتتى ۇنادى، سول كەزدە - اق لوۋلان اتالۋعا بەكىدىم“، - دەدى لوۋلان كۇلىمسىرەپ.

    لوۋلان بىلاي دەدى: ”قازاقستان ’ءبىر بەلدەۋ، ءبىر جول‘ باستاماسىنىڭ يگىلىگىن كورۋشى. وسى بىرنەشە جىلدا قازاقستاننىڭ تاس جول، تەمىر جول سياقتى نەگىزدىك قۇرىلعى قۇرىلىستارى كوپ جاقساردى، تولىق كۋرستى تامامداعان سوڭ الماتىداعى جۇڭگو قارجىلاندىرعان كاسىپورىندا 3 اي جۇڭگو ءتىلى اۋدارماشىسى بولدىم. شينجياڭدى ساعىنعاندىعىم سەبەپتى تاعى دا شينجياڭ پەداگوگيكا داشۋەسىنىڭ ماگيستر اسپيرانتتىعىنا ەمتيحان بەرىپ ءوتتىم.

    لوۋلان بىلاي دەدى: 5 جىلدان بەرى ءۇرىمجى بارعان سايىن كورىكتەنە ءتۇستى، بارعان سايىن زاماناۋيلاستى، ىشكى وڭىردەگى قالالارمەن بولعان بايلانىسى دا بارعان سايىن قويۋلادى. بوس ۋاقىتىم شىققاندا ساباقتاستارىممەن بىرگە ءۇرىمجىنىڭ ۇلكەندى - كىشىلى كوشەلەرىن ارالاپ، كاۋاپ جانە تورە تاباق تاۋىق ەتى سياقتى شينجياڭنىڭ ءدامدى تاعامدارىن جەدىم ءارى ءوزىمنىڭ كورىپ - بىلگەندەرىمدى ەستەلىككە الىپ، اۋىلىمداعى تۋىس - تۋعان، دوس - جاراندارىممەن ءبولىستىم.

    شينجياڭدا 5 جىل ءبىلىم الىپ، تۇرمىس كەشىرگەن لوۋلان حانزۋ ءتىلىن جاتىق سويلەۋمەن بىرگە، جەلپۋىش ءبيىن، ياڭگى ءبيىن بيلەي الادى، ونىڭ سىرتىندا قاعازدان قيما سۋرەت جاساۋدى ۇيرەندى. كۇندەلىكتى تۇرمىستا ول ۇنەمى ۋيچاتتا دوستارىمەن اڭگىمەلەسىپ، تاۋباۋ قاتارلى سايتتاردا زات ساتىپ الادى، جىفۋباۋ سياقتى قول تەلەفون جۇمساق بولشەكتەرى ارقىلى ۇشاق بەلەتىن الىپ، ينتەرنەتتىڭ اكەلگەن قولايلىلىعىنان تولىق يگىلىكتەندى، لوۋلان شىن جۇرەكپەن بىلاي دەپ القادى: ”مەن تاۋباۋدى راسىندا اۋىلما الىپ قايتقىم كەلەدى“.

    وقۋىن اياقتاتىپ ەلىنە قايتقان سوڭ جۇڭگو ءتىلى وقىتۋشىسى بولعىسى كەلەتىن لوۋلان: ”مەن ءوزىمنىڭ ۇيرەنگەن بىلىمدەرىم ارقىلى جۇڭگو - قازاقستان مادەنيەت اۋىس - كۇيىسىنىڭ كوپىرىن ويداعىداي سالىپ، ءتىپتى دە كوپ ادامدارعا جۇڭحۋانىڭ تاڭداۋلى ءداستۇرلى مادەنيەتىن جەتكىزسەم دەيمىن“، - دەدى.

جاۋاپتى رەداكتور: جازيرا بولاتباي قىزى