كوكتەم مەرەكەسى قارساڭىنداعى تاسىمالدىڭ العاشقى كۇنى ەلىمىز كولەمىندە رەت سانى بويىنشا 69 ميلليون 609 مىڭ ساياحاتشى جونەلتىلدى

  • كەلۋ قاينارى: ىلە گازەتى
  • 03:45:55 14/01/2020

    

    شينحۋا اگەنتتىگىنىڭ 1 – ايدىڭ 11 – كۇنى بەيجيڭنەن بەرگەن حابارى (ءتىلشى ۋي يۇيكۇن). ءتىلشىنىڭ 1 – ايدىڭ 11 – كۇنى قاتىناس – تاسىمال مينيسترلىگىنەن ۇعىسۋىنشا، كوكتەم مەرەكەسى الدىنداعى تاسىمالدىڭ العاشقى كۇنى ەلىمىز بويىنشا تەمىر جول، تاس جول، سۋ جولى، حالىقتىق اۆياتسيا بويىنشا رەت سانى بويىنشا جيىنى 69 ميلليون 609 مىڭ ساياحاتشى جونەلتىلىپ، وتكەن جىلعى كوكتەم مەرەكەسى الدىنداعى تاسىمالدىڭ العاشقى كۇنىندەگىدەن %3 ارتقان.

    قاتىناس – تاسىمال مينيسترلىگىنىڭ قاتىستى جاۋاپتىسى بىلاي دەپ تانىستىردى: كوكتەم مەرەكەسى الدىنداعى تاسىمالدىڭ العاشقى كۇنى ەلىمىز بويىنشا تەمىر جولدا رەت سانى بويىنشا 11 ميلليون 726 مىڭ ساياحاتشى جونەلتىلىپ، %23 ارتقان؛ تاس جولدا رەت سانى بويىنشا 55 ميلليون 220 مىڭ ساياحاتشى جونەلتىلىپ، %0.8 تومەندەگەن؛ سۋ جولىندا رەت سانى بويىنشا 783 مىڭ 500 ساياحاتشى جونەلتىلىپ، %9.8 ارتقان؛ حالىقتىق اۆياتسيادا رەت سانى بويىنشا ءبىر ميلليون 880 مىڭ ساياحاتشى جونەلتىلىپ، %12 ارتقان.

    2020 – جىلعى كوكتەم مەرەكەسى الدىنداعى تاسىمال جاقىنعى 8 جىلدان بەرگى ەڭ ەرتە باستالعان تاسىمال ەسەپتەلەدى، 1 – ايدىڭ 10 – كۇنىنەن باستالعان، 2 – ايدىڭ 18 – كۇنى اياقتايدى، كوكتەم مەرەكەسىنەن بۇرىن وقۋشىلاردىڭ، جۇمىسكەرلەردىڭ، تۋىسشىلايتىنداردىڭ سانى سالىستىرمالى كوپ بولعاندىقتان، جولاۋشىلاردىڭ اعىنى ءبىرشاما شوعىرلى بولۋدا، مەجەمەن ەلىمىز بويىنشا ساياحاتشى جونەلتۋ مولشەرى رەت سانى بويىنشا 3 ميللياردقا جەتىپ، الدىڭعى جىلعى ۇقساس مەزگىلدەگىدەن ارتۋى مۇمكىن.

جاۋاپتى رەداكتور: گۇلدەن ماقسات قىزى