سىرتقا ەسىك اشۋداعى جەتەكشى ءوڭىردى تاباندىلىقپەن قۇلشىنا قۇرايىق

  • كەلۋ قاينارى: ىلە گازەتى
  • 03:50:40 14/01/2020

  

    - اۆتونوميالى وبلىستىق پارتكوم قىزمەت ءماجىلىسىنىڭ رۋحىن ۇيرەنۋ، دايەكتىلەندىرۋ، تياناقتاندىرۋ جونىندە (4)

    گازەتىمىزدىڭ شولۋشىسى

 

    وزىندىك كەلبەتىمەن وزگەشەلەنگەن 2019 – جىل اياقتالىسىمەن، وبلىستىق پارتكومنىڭ 2020 – جىلعى قىزمەت ماجىلىسىندە ۇستەگى جىلعى قىزمەتتەر جونىندە تىعىز ورنالاستىرۋلار جاسالدى. مۇنداي ۇتىمدى دا ءجىتى ريتىم بىزگە تاسقىنداعان جىگەر جانە ماقتانىش سيلادى.

    اۆتونوميالى وبلىسىمىزدىڭ وڭىرلىك ابزالدىعى سىرتقا ەسىك اشۋدى اۆتونوميالى وبلىستىڭ ەكونوميكالىق قۇرىلىسىندا كورنەكتى ورىنعا يە ەتتى. وتكەن ءبىر جىلدا ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مۇقيات ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن جانە پارتيانىڭ جاڭا داۋىردەگى شينجياڭدى جونگە سالۋ جالپى جوباسىن مۇقيات ۇيرەنىپ، دايەكتىلەندىرىپ، نازاردى باس نىساناعا شوعىرلاندىرىپ، كۇش – قۋاتتى جاڭا جاعدايعا ۇيىستىرىپ، ورنىقتىلىق بارىسىندا العا ىلگەرىلەۋ سىندى قىزمەت جالپى ارناسىنا تاباندى بولىپ، «6 رايون» قۇرىلىسىن كۇش سالا ىلگەرىلەتىپ، قوعامدىق جالپى جاعدايدى ءۇرتىس ورنىقتىرىپ، دامۋ، رەفورما جاعىنان تىڭ قامال الدىق. وتكەن جىلى ساۋداگەر شاقىرىپ، قارجى ەنگىزۋ بويىنشا مەجەمەن 35 ميلليارد 210 ميلليون يۋان قارجى تياناقتانىپ، %10 ارتتى؛ سىرتقى ساۋدا يمپورت – ەكسپورت جالپى سوماسى 6 ميلليارد 500 ميلليون يۋانعا جەتىپ، %22.6 ارتتى. بۇل ناتيجەلەر وڭاي - وسپاق كەلگەن ەمەس.

    باس شۋجي شي جينپيڭ رەفورما جاساۋ، ەسىك اشۋدىڭ 40 جىلدىعىن قۇتتىقتاۋ جينالىسىندا سويلەگەن سوزىندە بىلاي دەپ اتاپ كورسەتتى: رەفورما جاساۋ، ەسىك اشۋ - پارتيا مەن حالىقتىڭ داۋىرگە ىلەسۋىنىڭ ماڭىزدى اسىلى، جۇڭگوشا سوتسياليزمگە تاباندى بولۋ جانە ونى دامىتۋدىڭ تابيعي جولى، قازىرگى جۇڭگونىڭ تاعدىرىن بەلگىلەيتىن شەشۋشى شارا، سونداي – اق «قوس 100 جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋىن جۇزەگە اسىراتىن ماڭىزدى شارا ەكەنىن اماليات تولىق دالەلدەدى. اۆتونوميالى وبلىس رەفورما جاساۋ، ەسىك اشۋ جاعىندا شىنىندا كوپتەگەن تابىستارعا قول جەتكىزدى، دەگەنمەن سالىستىرا كەلسەك، ءبىزدىڭ كوپتەگەن تولىقتايتىن جەتەرسىزدىكتەرىمىز بار، ىستەيتىن قىزمەتىمىز ءالى دە كوپ، بۇل ءبىزدىڭ ەسىكتى ۇزىكسىز ايقارا اشىپ، ونىڭ ساپاسىن ونان ارى جوعارىلاتۋىمىزدى قاجەت ەتەدى.

    ىلە وبلىستىق پارتكومنىڭ قىزمەت ماجىلىسىندە مىنالار ايقىن العا قويىلدى: ءبىز سىرتقا ەسىك اشۋداعى جەتەكشى ءوڭىر قۇرۋدى وزەك ەتىپ، «يدەيانى اشىق ۇستاۋ _ ەڭ وزەكتى ەسىك اشۋ»، «ىلەنىڭ سىرتىنا باعىتتالعان اشۋدىڭ بارلىعى - ەسىك اشۋ» يدەياسىن بەرىك ورناتىپ، ەسىك اشۋ ارقىلى جەتەكشىلىك ەتۋ ستراتەگياسىن بۇلجىتپاي اتقارىپ، ەسىك اشۋ سەلبەستىگىن جاپپاي كۇشەيتۋىمىز كەرەك.

جاۋاپتى رەداكتور: گۇلدەن ماقسات قىزى