جاڭا باستامادا اۋەلگى ماقساتتى، بورىشتى باستان - اياق امالياتتا ايگىلەيىك

  • كەلۋ قاينارى: شينجياڭ گازەتى تورابى
  • 10:51:56 15/01/2020

    − اۆتونوميالى رايوننىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قورىتىندىلاۋ جينالىسىنىڭ رۋحىن ۇيرەنۋ، دايەكتىلەندىرۋ تۋرالى

    گازەتىمىزدىڭ شولۋشىسى

    

    اۋەلگى ماقساتتى ۇمىتپاعاندا، نىق قاداممەن الىسقا جەتۋگە بولادى، بورىشتى ەستە بەرىك ساقتاعاندا عانا بولاشاقتى اشۋعا بولادى. ”پارتيانىڭ جاسامپاز نازارياسىمەن اۋەلگى ماقساتتى نارلەندىرىپ، بورىشقا جەتەكشىلىك ەتۋ كەرەك“، ”سانالى تۇردە كوممۋنيزم ۇلى مۇراتىنىڭ جانە جۇڭگوشا سوتسياليزم ورتاق مۇراتىنىڭ باتىل سەنۋشىلەرى، ادالدىقپەن امالياتتا ايگىلەۋشىلەرى بولۋ كەرەك“، ”كۇشتى باستى ماقسات تانىمىمەن جانە حالىق ءۇشىن قىزمەت ىستەۋ سۇيىسپەنشىلىگىمەن اۋەلگى ماقسات پەن بورىشتى امالياتتا ايگىلەۋ كەرەك“... اۆتونوميالى رايوننىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قورىتىندىلاۋ جينالىسىندا نەگىزگى تاقىرىپتىق تاربيەنىڭ جەتىستىگىن ۇزدىكسىز بەكەمدەپ، تەرەڭدەتىپ، جاڭا باستامادا اۋەلگى ماقسات پەن بورىشتى باستان - اياق امالياتتا ايگىلەپ، پارتيانىڭ وزىنە توڭكەرىس جاساۋىن ۇزدىكسىز تەرەڭدەتىپ، ورنىقتىلىقتىڭ، دامۋدىڭ ءتۇرلى قىزمەتتەرىن تىڭعىلىقتى ويداعىداي ىستەۋ تالاپ ەتىلدى.

    وزىنە توڭكەرىس جاساماعاندار ىستەن ناتيجە شىعارا المايدى، رۋحىن سەرپىلتە الماعاندار جاڭارا المايدى. ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ورىستەتىلگەننەن بەرى، رايونىمىزداعى قالىڭ پارتيا مۇشەلەرى مەن كادرلار اۋەلگى ماقساتتى، بورىشتى جۇرەكتەرىنە كەستەلەپ، نازاريا ۇيرەنۋدە ونىمدىلىككە قول جەتكىزۋ، يدەيالىق - ساياسي جاقتان سىننان ءوتۋ، ءىس تىندىرىپ، ناتيجە شىعارۋدا جاۋاپكەرشىلىك ارقالاۋعا باتىل بولۋ، حالىق ءۇشىن قىزمەت ىستەپ، قيىن ماسەلەلەردى شەشۋ، پاك، كىرشىكسىز بولۋدا ۇلگى بولۋ ناقتى نىساناسىن جۇزەگە اسىرۋدى امالياتتا ايگىلەۋ بارىسىندا كۇشتى ساياسي جاۋاپكەرشىلىك ارقالاۋ جانە حالىق ءۇشىن قىزمەت ىستەۋدەگى تەرەڭ سۇيىسپەنشىلىگى ارقىلى ريزا بولاتىن ەمتيحان قاعازىن تاپسىرىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن تاسقىنداعان كۇشىن ۇيىستىردى.

    اۋەلگى ماقسات تابيعي تۇردە ساپاسىن، جاڭالىعىن ساقتاي بەرمەيدى، ءسال عانا دەن قويماعاندا شاڭ باسىپ، رەڭى توزادى، ۇزاق ۋاقىت نارلەندىرمەگەندە سۋالىپ سولادى. اۋەلگى ماقساتتى ۇمىتپاۋ، بورىشتى ەستە بەرىك ساقتاۋ ءبىر مەزەتتىك ءىس ەمەس، قايتا ومىرلىك ءىس، پارتيا قۇرىلىسىن كۇشەيتۋدىڭ ماڭگىلىك تاقىرىبى، بۇكىل پارتيا مۇشەلەرىنىڭ، كادرلاردىڭ ومىرلىك تاقىرىبى. ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ ءتۇزىمىن ورناتۋ“ جونىندەگى تالابىن دايەكتىلەندىرىپ، تياناقتاندىرىپ، جەتىستىكتى بەكەمدەپ، تەرەڭدەتىپ، جاڭا باستامادا اۋەلگى ماقساتتى ۇمىتپاۋدى، بورىشتى ەستە بەرىك ساقتاۋدى ۇزدىكسىز العا ىلگەرىلەتۋىمىز كەرەك.

جاۋاپتى رەداكتور: جازيرا بولاتباي قىزى