اۆتونوميالى رايونىمىزدا تۇرعىن ٴۇي جانە قالا - اۋىل قۇرىلىسى سالاسىندا ەلەكتروندىق كۋالىك جاپپاي پايدالانىلادى

  • كەلۋ قاينارى: ىلە گازەتى
  • 03:58:56 16/01/2020

    شينجياڭ گازەتىنىڭ حابارى (ءتىلشى ۋاڭ يۇيجاۋ). 1 - ايدىڭ 12 ـ كۇنى ٴتىلشىنىڭ اۆتونوميالى رايوندىق تۇرعىن ٴۇي جانە قالا ـ اۋىل قۇرىلىسى مەڭگەرمەسىنەن ۇعىسۋىنا قاراعاندا، الداعى جەردە رايونىمىزدىڭ تۇرعىن ٴۇي جانە قالا – اۋىل قۇرىلىسى سالاسىندا ەلەكتروندىق كۋالىك جاپپاي ىسكە اسىرىلىپ، كاسىپورىن مەن جەكەلەرگە ءتىپتى دە قولايلى، جەدەل قىزمەت وتەلەدى ەكەن.

    تاياۋدا اۆتونوميالى رايوندىق تۇرعىن ٴۇي جانە قالا - اۋىل قۇرىلىسى مەڭگەرمەسى «تۇتاس اۆتونوميالى رايوننىڭ تۇرعىن ٴۇي جانە قالا – اۋىل قۇرىلىسى جۇيەسىندە ەلەكتروندىق كۋالىكتى جاپپاي جالپىلاستىرۋ جونىندەگى حابارلاندىرۋدى» جاريالاپ، ەلەكتروندىق كۋالىكتى جالپىلاستىرۋ كولەمى، قاعاز نۇسقاداعى كۋالىكتى ەلەكتروندىق كۋالىككە اينالدىرۋدىڭ ءادىس - تاسىلدەرى، ەلەكتروندىق كۋالىكتى جاپپاي جالپىلاستىرۋ ۋاقىتى سياقتى مازمۇنداردى ايقىندادى.

    ەلەكتروندىق كۋالىك 14 تۇردەگى قۇرىلىس ينجەنەرياسىنداعى كاسىپورىنداردىڭ، قورا - جاي اشۋ كاسىپورىندارىنىڭ تولىمدىلىق كۋالىگى جانە قاتىستى كاسىپپەن شۇعىلدانۋشىلاردىڭ كۋالىگىن قامتيدى.

    ەلەكتروندىق كۋالىك قوعامعا اشىق باعىتتالعاندىقتان، كۋالىك جونىندە كەڭەس سۇراۋعا، توراپ جەلىسىنە شىعىپ تەكسەرۋگە بولادى. بۇدان بىلاي كاسىپورىندار مەن جەكەلەر مەردىگەر شاقىرۋعا، مەردىگەرلىككە تىركەلۋگە، قۇرىلىس سالاسىنا قاتىستى قيمىلدارمەن شۇعىلدانعاندا، باسقارۋشى كاسىپتىك تاراۋلار اۋەلگى قاعاز نۇسقاسىن تالاپ ەتپەيدى، قايتا، تەكشەدەن تىكەلەي سۇراستىرۋعا نەمەسە ەكى ولشەمدى سيفردى جايمالاۋ ارقىلى سۇراستىرۋعا بولادى.

    اۆتونوميالى رايوندىق تۇرعىن ٴۇي جانە قالا ـ اۋىل قۇرىلىسى مەڭگەرمەسىنىڭ ورىنباسار باستىعى فۋ حايچىڭ بىلاي دەپ تانىستىردى: ەلەكتروندىق كۋالىك پايدالانۋ، كاسىپورىنداردىڭ، بۇقارانىڭ ٴىس ٴبىتىرۋ ونىمدىلىگىن جوعارىلاتىپ، كوز بوياۋشىلىق احۋالىنىڭ تۋىلۋىنان ساقتانىپ، كاسىپورىندار مەن كۋالىك العاندارعا قولايلىلىق تۋدىرادى. ەلەكتروندىق كۋالىك تەكسەرىپ بەكىتىلگەننەن كەيىن دەرەۋ كۇشكە يە بولىپ، تۇتاس بارىستى توراپتا بىتىرۋگە بولادى.

    ۇعىسۋعا قاراعاندا، ەلەكتروندىق كۋالىك ىسكە قوسىلعاننان كەيىن، ەلەكتروندىق كۋالىك دەرەۋ دايىن بولىپ، «دەرەۋ كۋالىك الۋ» جۇزەگە اسىرىلىپ، ۋاقىت پەن قاراجاتتىڭ وزىندىك قۇنىن بارىنشا ۇنەمدەۋگە بولادى ەكەن.

جاۋاپتى رەداكتور: جازيرا بولاتباي قىزى