جاڭالىق جاراتۋ كۇيتۇن – مايتاۋ ەكونوميكالىق – تەحنيكالىق اشۋ رايونىنا ومىرشەڭدىك كۇش سيلادى

  • كەلۋ قاينارى: ىلە گازەتى
  • 04:53:47 16/01/2020

    ماقالاسىن جازىپ، سۋرەتىن تارتقان ءوز تىلشىلەرىمىز لاي يۇينيڭ، جاڭ چيڭحۋا جانە ەرىكتى ءتىلشى فۋ جۇن

    

    كۇيتۇن – مايتاۋ ەكونوميكالىق – تەحنيكالىق اشۋ رايونىنداعى وندىرىسكە كۇش سالا كىرىسكەن كاسىپورىندار جاڭا جىلدى وزگەشە تاسىلمەن قارسى الدى.

    2019 – جىلى «كۇيتۇن – مايتاۋ ەكونوميكالىق اشۋ رايونى (جوعارى جاڭا تەحنيكالى رايون) كاسىپورىنداردى عىلىم – تەحنيكادا جاڭالىق اشۋ سيلىعىمەن شابىتتاندىرۋ شاراسىن (سىناق رەتىندە اتقارىلادى)» العا قويىپ، اتقارعاننان كەيىن، بۇل كاسىپورىنداردىڭ جاڭالىق اشۋداعى تۇلعالىق ومىرشەڭدىك قۋاتىن ارتتىرىپ، جاڭالىق اشۋ ارقىلى ۇزدىكتىككە ۇمتىلۋدا تىڭ ناتيجەلەرگە قول جەتكىزىلدى ءارى اشۋ رايونىنىڭ كورنەكتى ەرەكشەلىگىنە اينالدى.

    كەزەكتە اشۋ رايونىنىڭ بەلسەنە جەتىلدىرۋىندە تيانحۇڭ توقىماشىلىعى، يوۋجياجۇڭدا، حىبو قوراپتاۋشىلىق كاسىبى، جۇڭشين مۇنايى، پۋحۇي ورتانى قورعاۋ كاسىبى سياقتى ءبىر توپ جوعارى جاڭا تەحنيكالى كاسىپورىندار عىلىم – تەحنيكادا جاڭالىق جاراتۋ ارقىلى ۇزدىكسىز دامىپ، الۋەتتەنىپ كەلەدى.

    وسىلايشا، عىلىم – تەحنيكادا جاڭالىق جاراتۋ كاسىپورىننىڭ ومىرشەڭدىك كۇشىن ارتتىرسا، ال، قىزمەت وتەۋدە جاڭالىق جاراتۋ كاسىپورىنعا ءتىپتى دە كوپ تيىمدىلىك جەتكىزدى.

    2019 – جىلى اشۋ رايونىنا ىرگە تەۋىپ ىسكە قوسىلعان تەكسەرۋ – ولشەۋ الەۋمەتتىك قىزمەت وتەۋ تەكشەسى نىسانى كاسىپورىننىڭ ءبىرتالاي قيىن ماسەلەلەرىن شەشتى.

    « بۇرىن كەيبىر كاسىپورىنداردىڭ ەرەكشە جابدىقتارىن ىشكى ولكەلەرگە اپارىپ تەكسەرتۋگە تۋرا كەلەتىن دە ۋاقىت ىسىراپ بولاتىن، بۇدان سىرت، جۇمسالىمى جوعارى بولىپ، كاسىپورىننىڭ قالىپتى وندىرىسىنە ىقپال ەتەتىن» – دەيدى كۇيتۇن – مايتاۋ ەكونوميكا – تەحنيكالىق اشۋ رايونى ساپانى تەحنيكالىق جاقتان باقىلاپ – باسقارۋ مەكەمەسى ۋنيۆەرسالدى كاسىپتىك ءبولىمىنىڭ باستىعى ۋاڭ چياڭ. ول تاعى دا: «وسى تەكسەرۋ – ولشەۋ تەكشەسى سالىنىپ بولىپ ىسكە قوسىلعاننان كەيىن، كاسىپورىننىڭ ەرەكشە جابدىقتارىن، ولشەۋىش اسپاپتارىن تەكسەرۋ جانە قىزمەتكەرلەردى تاربيەلەۋ سياقتى قىزمەتتەردى اشۋ رايونىنىڭ وزىندە – اق بىتىرۋگە بولاتىن بولدى. كەيبىر تەكسەرۋ – ولشەۋ قۇرىلىمدارى كاسىپ سالاسىن 200 كيلومەتر توڭىرەگىندە كەڭەيتىپ، اشۋ رايونىنىڭ باۋراۋ قۋاتىن جوعارىلاتۋدا»دەدى.

    ۋاڭ چياڭ: «قازىر وسى تەكسەرۋ ـ ولشەۋ الەۋمەتتىك قىزمەت وتەۋ تەكشەسىنە ەلىمىزدىڭ جەر ـ جەرىنەن 24 تەكسەرۋ ـ ولشەۋ، جوندەۋ ورنى كەلىپ ورنالاستى، سونداي ـ اق ەل ىشىندەگى 35 ماماندى تەكشەگە قوسىلۋعا ءساتتى ۇسىنىس ەتىپ، كاسىپورىندارعا جەلىدە جانە جەلىدەن سىرت قىزمەت وتەپ وتىر» دەپ تانىستىردى.

    2019 – جىلى كۇيتۇن – مايتاۋ ەكونوميكالىق – تەحنيكالىق اشۋ رايونى «ساقتالۋ مولشەرىن جانداندىرۋدى، كاسىپ دارەجەسىن جوعارىلاتۋدى، جاڭالىق جاراتۋ ارقىلى دەم بەرۋدى» نەگىزگى جەلى ەتىپ، دامۋدى كوزدەپ، ءتۇرلى ءادىس ـ امالداردى قولدانىپ، قيىن ماسەلەلەردى شەشىپ، ءتۇرلى جۇمىستاردا بەلسەندى ىلگەرىلەۋشىلىككە قول جەتكىزدى.

    2019 – جىلى 11 – ايدىڭ سوڭىنا دەيىن اشۋ رايونىنداعى كاسىپورىن سانى ءبىر مىڭ 277 گە جەتتى، مۇنىڭ ىشىندە ونەركاسىپ كاسىپورىندارى 155 كە، كولەمدەنگەن ونەركاسىپ ورىندارى 36 عا جەتتى.

جاۋاپتى رەداكتور: جازيرا بولاتباي قىزى