اۋىل شارۋاشىلىعى، اۋىل – قىستاق قىزمەتىن ۇزدىكسىز تىڭ ساتىعا كوتەرەيىك

  • كەلۋ قاينارى: ىلە گازەتى
  • 03:55:14 17/01/2020

    21 – عاسىرعا قادام تاستاعاننان كەيىن پارتيا ورتالىق كوميتەتى «كوپ بەرۋ، از الۋ، جانداندىرۋ» سىندى اۋىل شارۋاشىلىعى، اۋىل – قىستاق قىزمەتىنىڭ جەتەكشى باعىتىن العا قويىپ، اۋىل شارۋاشىلىعىن، اۋىل – قىستاقتى وسىزامانداندىرۋداعى ءتۇرلى تۇزىلىستىك، مەحانيزمدىك كەدەرگىلەردى كۇش سالا الاستادى ءارى 2006 – جىلى اۋىل شارۋاشىلىق باجىسىن كۇشىنەن قالدىرىپ، اۋىل شارۋاشىلىعىنا قوسىمشا قاراجات بەرۋ ساياساتىن اتقارۋعا بۇرىلىس جاساپ، اۋىل شارۋاشىلىعىنىڭ دامۋىن، شارۋالاردىڭ كىرىسىن ارتتىرۋدى پارمەندى جەبەپ، قالا – اۋىل تۇرعىندارىنىڭ كىرىس پارقىن ازايتتى.

    پارتيا 18 – قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ «ونەركاسىپ ارقىلى اۋىل شارۋاشىلىعىن سۇيەمەلدەۋ، قالا ارقىلى اۋىل – قىستاقتى قولداۋ جانە كوپ بەرىپ، از الىپ، جانداندىرۋ باعىتىنا» تاباندى بولىپ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزىپ، اۋىل – قىستاقتى كوركەيتۋ ستراتەگياسىن اتقارىپ، اۋىل شارۋاشىلىعىن كۇشەيتۋ، شارۋالارعا تيىمدىلىك جاساۋ، شارۋالاردى اۋقاتتاندىرۋ ساياساتىنىڭ تەبىنىن ارتتىرىپ، شارۋالاردىڭ وسىزاماندانۋ اياق الىسىنا تەڭ تۇرعىدا ات سالىسۋىنا، وسىزاماندانۋ جەتىستىكتەرىنەن بىرگە يگىلىكتەنۋىنە مۇمكىندىك جاساپ، 2020 – جىلعا بارعاندا قازىرگى ولشەمدەگى اۋىل – قىستاقتاعى كەدەيلەردى كەدەيلىكتەن قۇتىلدىرۋ، كەدەي اۋدانداردىڭ كەدەيلىك قالپاعىن تۇگەل الىپ تاستاۋ نىساناسىن ايقىنداپ بەردى. سونىمەن بىرگە، اۋىل – قىستاقتى كوركەيتۋدى جۇزەگە اسىرۋدىڭ ۋاقىت كەستەسى دە جوبالاندى: 2020 – جىلعا بارعاندا اۋىل – قىستاقتى كوركەيتۋدە ماڭىزدى ىلگەرىلەۋشىلىككە قول جەتكىزىلىپ، ءتۇزىم جۇلگەسى مەن ساياسات جۇيەسى نەگىزىنەن قالىپتاسادى؛ 2035 – جىلعا بارعاندا اۋىل – قىستاقتى گۇلدەندىرۋدە شەشۋشى ىلگەرىلەۋشىلىككە قول جەتكىزىلىپ، اۋىل شارۋاشىلىعىن، اۋىل – قىستاقتى وسىزامانداندىرۋ نەگىزىنەن جۇزەگە اسىرىلادى؛ 2050 – جىلعا بارعاندا اۋىل – قىستاق جاپپاي كوركەيىپ، اۋىل شارۋاشىلىعى قۇدىرەتتى، اۋىل – قىستاعى كوركەم، شارۋالارى باي بولۋ جاپپاي جۇزەگە اسىرىلادى.

    حالىقتى وزەك ەتكەن دامۋ يدەياسىنا تاباندى بولدى

    شي جينپيڭ جولداس بىلاي دەپ اتاپ كورسەتتى: كەدەيلىكتى جويۋ، حالىق تۇرمىسىن جاقسارتۋ، بىرگە اۋقاتتانۋدى جۇزەگە اسىرۋ - سوتسياليزمنىڭ ماندىك تالابى، پارتيامىزدىڭ ماڭىزدى بورىشى. جاڭا جۇڭگو قۇرىلۋدان بۇرىن پارتيامىز شارۋالارعا باسشىلىق ەتىپ، «جۋان جۇدىرىقتارعا سوققى بەرىپ، جەردى بولىسكە سالدى»، اتاپ ايتقاندا، شارۋالاردىڭ ەڭسە كوتەرىپ ازاتتىققا شىعۋىنا مۇمكىندىك جاسادى. قازىر پارتيامىز اۋىل شارۋاشىلىعى مەن اۋىل – قىستاقتىڭ ءتۇرلى قىزمەتتەرىن ىلگەرىلەتۋدە شارۋالارعا باسشىلىق ەتىپ، «كەدەيلىكتەن ارىلتىپ، دوڭگەلەك داۋلەتتى ورەگە جەتكىزىپ»، شارۋالاردىڭ جاقسى تۇرمىس كەشىرۋىنە شارت – جاعداي ازىرلەدى. شارۋالاردىڭ جاقسى تۇرمىس كەشىرۋى پارتيامىزدىڭ حالىقتى وزەك ەتكەن دامۋ يدەياسىنا باستان – اياق تاباندى بولۋىنىڭ اۋىل شارۋاشىلىعى، اۋىل – قىستاق قىزمەتىندەگى ناقتى بەينەلەنۋى. جاڭا جۇڭگو قۇرىلعاننان بەرى ەلىمىزدىڭ قوعامدىق وندىرگىش كۇشتەرى، جالپىلىق مەملەكەت قۋاتى تاريحي سەكىرۋدى جۇزەگە اسىرىپ، حالىق تۇرمىسىندا كەدەيلىكتەن توقشىلىققا، توقشىلىقتان جالپى تۇلعالىق دوڭگەلەك داۋلەتتىلىككە دەيىنگى تاريحي سەكىرۋدى جۇزەگە اسىردى.

جاۋاپتى رەداكتور: گۇلدەن ماقسات قىزى