اۋىل شارۋاشىلىعى، اۋىل – قىستاق قىزمەتىن ۇزدىكسىز تىڭ ساتىعا كوتەرەيىك

  • كەلۋ قاينارى: ىلە گازەتى
  • 03:55:14 17/01/2020

 ونەركاسىپتەنۋ مەن كاپيتالدىڭ تاپشىلىعى اراسىنداعى قايشىلىقتى قالاي شەشۋ جاڭا عانا سوعىس لاڭىنان قۇتىلعان جاڭا جۇڭگو ءدوپ كەلگەن ماسەلە ەدى. بۇل جونىندە 1950 – جىلى جاريالانعان «جۇڭحۋا حالىق رەسپۋبليكاسىنىڭ جەر رەفورماسى زاڭىندا»: «اۋىل – قىستاق وندىرگىش كۇشتەرىن ازات ەتىپ، اۋىل شارۋاشىلىق ءوندىرىسىن دامىتىپ، جاڭا جۇڭگونىڭ ونەركاسىپتەنۋىنە جول اشۋ كەرەك» دەپ اتاپ كورسەتىلگەن – دى. بۇل بايىمداۋلار جاڭا جۇڭگو قۇرىلعان العاشقى مەزگىلدە ەلىمىزدىڭ اۋىل – قىستاق وندىرگىش كۇشتەرىن ازات ەتۋ، اۋىل شارۋاشىلىق ءوندىرىسىن دامىتۋ ارقىلى ونەركاسىپتەندىرۋگە كاپيتال توپتاعاندىعىن تۇسىندىرەدى. رەفورما جاساپ، ەسىك اشۋدان بۇرىن، ەلىمىز دەربەس، ءبىرشاما كەمەلدى ونەركاسىپ جۇيەسىن قۇردى.

    رەفورما جاساپ، ەسىك اشقاننان كەيىن ەلىمىزدىڭ ونەركاسىپتەنۋى، قالا – قالاشىقتانۋى، اۋىل شارۋاشىلىعىنىڭ، اۋىل – قىستاقتىڭ وسىزاماندانۋى جەدەل دامۋ ارناسىنا ءتۇستى. پارتيا 11 – كەزەكتى ورتالىق كوميتەتىنىڭ ءتورتىنشى جالپى ءماجىلىسى «ج ك پ ورتالىق كوميتەتىنىڭ اۋىل شارۋاشىلىعىنىڭ دامۋىن جەدەلدەتۋدەگى ءبىرقانشا ماسەلە جونىندەگى قاۋلىسىن» ماقۇلداپ، اۋىل شارۋاشىلىق وندىرگىش كۇشتەرىن دامىتۋدىڭ 25 ءتۇرلى ساياساتى مەن شاراسىن العا قويدى ءارى اۋىل شارۋاشىلىعىن وسىزامانداندىرۋدى جۇزەگە اسىرۋ جونىندە ورنالاستىرۋ جاسادى. 20 – عاسىردىڭ سوڭىنا كەلگەندە ەلىمىز اۋىل – قىستاقتاعى كەدەيلەردىڭ ىشەر اس، كيەر كيىم ماسەلەسىن نەگىزىنەن شەشىپ، جاپپاي دوڭگەلەك داۋلەتتى قوعام قۇرۋدىڭ، سوتسياليستىك وسىزامانداندىرۋدى جەدەل ىلگەرىلەتۋدىڭ جاڭا دامۋ كەزەڭىنە ءوتتى. الايدا ناپوس ءتۇزىمى، قوعامدىق قامتاماسىزداندىرۋ ءتۇزىمى سياقتى رەفورمالار كەنجە قالعاندىقتان، ەلىمىزدىڭ قالا – اۋىلدارىنداعى ەكى نەگىزدىك ءتۇزىلىس الا كەلگەن ماسەلەلەر ونان ارى كورنەكتىلەنىپ، ونەركاسىپتەنۋ، قالا – قالاشىقتانۋ، اۋىل شارۋاشىلىعىن، اۋىل – قىستاقتى وسىزامانداندىرۋدى ءبىر تۇتاس جوسپارلاپ ىلگەرىلەتۋگە بەلگىلى دارەجەدە ورالعى بولىپ كەلدى.

    جاڭا داۋىرگە قادام تاستاپ، اۋىل شارۋاشىلىعى، اۋىل – قىستاق ءتۇزىلىسى رەفورماسىن تەرەڭدەتىپ، قالا مەن اۋىل رەفورماسىن ءبىر تۇتاس ىلگەرىلەتىپ، قالا مەن اۋىلدىڭ توعىسپالى دامۋىن جەبەۋدە، ءسوز جوق، قالا مەن اۋىل قاتىناسىنىڭ قايتا ورناتىلۋىن تىعىز ارقاۋ ەتىپ، اۋىل شارۋاشىلىعىنىڭ، اۋىل – قىستاقتىڭ دامۋىنا ورالعى بولاتىن تۇزىلىستىك، مەحانيزمدىك كەدەرگىلەردى جەدەل الاستاپ، اۋىل شارۋاشىلىعىن، اۋىل – قىستاقتى وسىزامانداندىرۋداعى ولقىلىقتاردى تولىقتاۋ كەرەك بولدى. بۇل جونىندە پارتيا ورتالىق كوميتەتى اۋقىمدى باعامداپ، ەلىمىزدىڭ رەفورما، دامۋ اۋقىمىنا سايكەسىپ، اۋىل – قىستاقتى گۇلدەندىرۋ ستراتەگياسىن اتقارۋ جونىندە كەلەلى شەشىم – ورنالاستىرۋ جاساپ، اۋىل شارۋاشىلىعى، اۋىل – قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىنىڭ ەڭ ماڭىزدى ءتۇيىنى ەتۋگە تاباندى بولدى. قالا مەن اۋىلدىڭ توعىسپالى دامۋ ءتۇزىلىس مەحانيزمىن جانە ساياسات جۇيەسىن ورناتۋ جانە كەمەلدەندىرۋ، اۋىل – قىستاقتىڭ نەگىزگى تيجارات ءتۇزىمىن بەكەمدەۋ جانە كەمەلدەندىرۋ، اۋىل – قىستاقتىڭ كوللەكتيۆ مال – مۇلىك ۇقىعى ءتۇزىمى رەفورماسىن تەرەڭدەتۋ سياقتى ءبىر قىدىرۋ كەلەلى شارالاردى العا قويىپ، اۋىل شارۋاشىلىعىن، اۋىل – قىستاقتى وسىزامانداندىرۋداعى ولقىلىقتاردى كۇش سالا تولىقتاپ، جاڭاشا ونەركاسىپتەندىرۋدىڭ، ينفورماتسيالاندىرۋدىڭ، قالا – قالاشىقتاندىرۋدىڭ، اۋىل شارۋاشىلىعىن وسىزامانداندىرۋدىڭ قاتار دامۋىن ىلگەرىلەتىپ، جۇمىسشى – ديقان ءبىرىن – ءبىرى جەبەيتىن، قالا مەن اۋىل ءبىرىن – ءبىرى تولىقتايتىن، جاپپاي توعىسقان، بىرگە گۇلدەنىپ – كوركەيگەن جاڭاشا ونەركاسىپ پەن اۋىل – قىستاق قاتىناسىن جەدەل قالىپتاستىردى.

جاۋاپتى رەداكتور: گۇلدەن ماقسات قىزى