اۋىل شارۋاشىلىعى، اۋىل – قىستاق قىزمەتىن ۇزدىكسىز تىڭ ساتىعا كوتەرەيىك

  • كەلۋ قاينارى: ىلە گازەتى
  • 03:55:14 17/01/2020

    جاڭالىق اشۋ ارقىلى اۋىل شارۋاشىلىعىنىڭ، اۋىل – قىستاقتىڭ دامۋىنا جەتەكشىلىك ەتۋگە تاباندى بولدى

    جاڭالىق اشۋ - دامۋعا جەتەكشىلىك ەتەتىن ءبىرىنشى قوزعاۋشى كۇش. جاڭا جۇڭگو قۇرىلعاننان بەرى ەلىمىزدىڭ اۋىل شارۋاشىلىعى مەن اۋىل – قىستاق دامۋىندا وراسان زور تابىستارعا قول جەتكىزۋىندەگى ماڭىزدى ءبىر سەبەپ اۋىل شارۋاشىلىعى مەن اۋىل – قىستاق ءتۇزىلىس مەحانيزمىندە جاڭالىق جاراتۋدى ۇزدىكسىز ىلگەرىلەتىپ، ەلىمىزدىڭ اۋىل شارۋاشىلىعىن، اۋىل – قىستاقتى وسىزامانداندىرۋ اياق الىسىن بارىنشا جەدەلدەتكەندىگىندە. اسىرەسە، رەفورما جاساپ، ەسىك اشقاننان بەرى پارتيامىز اۋىل – قىستاق جەرىنىڭ كوللەكتيۆ مەنشىك تۇزىمىنە تاباندى بولۋ العى شارتىندا، اۋىل شارۋاشىلىعى تيجارات باسقارۋ تۇزىلىسىندە جاڭالىق جاراتۋ ارقىلى مەنشىك ۇقىعى مەن كوتەرمەگە الىپ تيجارات جۇرگىزۋ ۇقىعىن ءبولۋ سىندى ونىمگە بىرلەستىرىپ وتباسىلارىنا كوتەرمەگە بەرۋ جاۋاپكەرلىك ءتۇزىمىن اتقارىپ، شارۋالاردىڭ ءوندىرىس بەلسەندىلىگىن بارىنشا جۇمىلدىرىپ، ەلىمىزدىڭ استىق ءونىمىن بارىنشا جوعارىلاتىپ، حالىق بۇقاراسىنىڭ ىشەر اس، كيەر كيىم ماسەلەسىن ءونىمدى شەشىپ، مەملەكەتتىڭ استىق حاۋىپسىزدىگىنە كەپىلدىك ەتتى. 1991 – جىلى قاراشادا اشىلعان پارتيا 13 – كەزەكتى ورتالىق كوميتەتىنىڭ سەگىزىنشى جالپى ءماجىلىسى «اۋىل شارۋاشىلىعى مەن اۋىل – قىستاق قىزمەتىن ونان ارى كۇشەيتۋ جونىندە قاۋلى» ماقۇلداپ، ونىمگە بىرلەستىرىپ وتباسىلارىنا كوتەرمەگە بەرۋدى نەگىز ەتكەن جاۋاپكەرلىك ءتۇزىمىن، ءبىر تۇتاستىق پەن بىتىراندىلىق ۇشتاستىرىلعان قوس قاباتتى شارۋاشىلىق ءتۇزىلىسىن ەلىمىزدىڭ اۋىل – قىستاق كوللەكتيۆ شارۋاشىلىق ۇيىمدارىنىڭ نەگىزگى ءتۇزىمى رەتىندە ۇزاق ۋاقىت ورنىقتىردى ءارى ۇزدىكسىز تولىقتادى، كەمەلدەندىردى دەپ اتاپ كورسەتتى. 1999 – جىلى اشىلعان 9 – كەزەكتى مەملەكەتتىك حالىق قۇرىلتايىنىڭ ەكىنشى ءماجىلىسى «اۋىل – قىستاق كوللەكتيۆتىك شارۋاشىلىق ۇيىمدارىنىڭ وتباسىلىق كوتەرمەگە الىپ شارۋاشىلىق جۇرگىزۋىن نەگىز ەتكەن، ءبىر تۇتاستىق پەن بىتىراندىلىق ۇشتاستىرىلعان قوس قاباتتى شارۋاشىلىق ءتۇزىلىسىن جۇزەگە اسىرۋدى» نەگىزگى زاڭعا ەنگىزدى.

    پارتيا 18 – قۇرىلتايىنان بەرى پارتيا ورتالىق كوميتەتى اۋىل – قىستاقتىڭ نەگىزگى شارۋاشىلىق ءتۇزىمى رەفورماسىن تەرەڭدەتۋ جونىندە ءبىرقىدىرۋ كەلەلى شەشىمدەر مەن ورنالاستىرۋلار جاساپ، اۋىل – قىستاقتاعى كوتەرمەگە العان جەردى مەنشىكتەنۋ ۇقىعى، كوتەرمەگە الۋ ۇقىعى، تيجارات ۇقىعى سىندى «ءۇش ۇقىقتى ءبولۋ» ءتۇزىمىن اتقارىپ، جەردى كوتەرمەگە الۋ مەرزىمى تولعاننان كەيىن تاعى 30 جىل ۇزارتۋ سياقتى شەشىمدەر مەن ورنالاستىرۋلار جاساپ، ەلىمىزدىڭ اۋىل شارۋاشىلىعىن، اۋىل – قىستاقتى وسىزامانداندىرۋدىڭ تۇزىمدىك نەگىزىن ۇزدىكسىز بەكەمدەدى؛ اۋىل شارۋاشىلىعىن، اۋىل – قىستاقتى الدىمەن دامىتۋعا تاباندى بولىپ، شارۋاشىلىعى شالقىعان، ەكولوگياسى جايلى، اۋىل سالتى وركەنيەتتى، جونگە سالۋى ءونىمدى، تۇرمىسى باي بولۋ سىندى جالپى تالاپقا ساي، قالا مەن اۋىلدىڭ توعىسپالى دامۋىنىڭ ءتۇزىلىس مەحانيزمىن جانە ساياسات جۇيەسىن ورناتىپ جانە كەمەلدەندىرىپ، اۋىل شارۋاشىلىعىنىڭ، اۋىل – قىستاقتىڭ وسىزاماندانۋىن جەدەل ىلگەرىلەتتى؛ وسىزامانعى اۋىل شارۋاشىلىق كاسىپ جۇيەسىن، ءوندىرىس جۇيەسىن، تيجارات جۇيەسىن قۇرىپ، اۋىل شارۋاشىلىعىن قولداۋ، قورعاۋ ءتۇزىمىن كەمەلدەندىرىپ، الۋان ءتۇرلى فورماداعى، ۇيلەسىمدى كولەمدەگى شارۋاشىلىقتى دامىتىپ، جاڭاشا اۋىل شارۋاشىلىق تيجارات تۇلعاسىن جەتىلدىرىپ، اۋىل شارۋاشىلىعىنىڭ قوعامدانعان قىزمەت وتەۋ جۇيەسىن اقاۋسىزداندىرىپ، ۇساق شارۋا وتباسىلارى مەن وسى زامانعى اۋىل شارۋاشىلىعىنىڭ دامۋىن ورگانيكالى ۇشتاستىردى.

جاۋاپتى رەداكتور: گۇلدەن ماقسات قىزى