پارتيا مۇشەلەرى مەن كادرلار تاربيە الدى، حالىق بۇقاراسى ناقتى تيىمدىلىككە كەنەلدى

  • كەلۋ قاينارى: شينجياڭ گازەتى تورابى
  • 11:10:52 17/01/2020

 ءبىرىنشى ”3“ 1 - توپتاعى نەگىزگى تاقىرىپتىق تاربيەدە بەلگىلەنگەن 3 ناقتى ءىستى ۇزدىكسىز ويداعىداي يگەرۋدى، ياعني ءار جىلى قالا، اۋىل تۇرعىندارىنىڭ دەنساۋلىعىن جاپپاي تەكسەرۋدى تياناقتاندىرىپ، تۋبەركۋلەز ناۋقاستارىن قۇتقارۋ - ەمدەۋ ماسەلەسىن ويداعىداي شەشۋگە كۇش سالۋدى؛ كەدەي حالىقتىڭ اۋىز سۋ حاۋىپسىزدىگىندەگى، تۇرعىن ءۇي حاۋىپسىزدىگىندەگى ولقىلىقتاردى كۇش سالا تولىقتاپ، كۇشتى شوعىرلاندىرا وتىرىپ قالعان اۋىر كەدەي حالىقتىڭ كەدەيلىكتەن ارىلۋ ماسەلەسىن شەشۋدى؛ جۇمىستاندىرۋدى، كىرىس ارتتىرۋدى بەلسەنە كەڭەيتىپ، ەڭبەك قابىلەتى بار ءار وتباسىنان، كەمىندە، ءبىر ادامدى جۇمىستاندىرۋدى جۇزەگە اسىرۋعا قۇلشىنۋدى كورسەتەدى. ەكىنشى ”3“ 2 - توپتاعى ورىنداردىڭ ەرەكشەلىگىنە مەڭزەس، تاعى 3 ناقتى ءىس بەلگىلەپ، ونى ويداعىداي ىستەۋدى، ياعني بۇقارالىق قىزمەتتى ونان ارى تىڭعىلىقتى ىستەپ، حالىق تىلەگىن ەڭ جوعارى شەكتە توعىستىرۋدى؛ ۇلتتار ىنتىماعى قىزمەتىن تىڭعىلىقتى، ويداعىداي ىستەپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعىنىڭ بىرلەسكەن دوستىق قيمىلىن تەرەڭدەتىپ، بارلىق ادام ۇلتتار ىنتىماعىنا ۇلەس قوسۋدى ىلگەرىلەتۋدى؛ ساياحات كاسىبىنىڭ دامۋىنداعى كورنەكتى، ماڭىزدى ماسەلەلەردى كۇش سالا شەشىپ، جوعارى ساپالى دامۋدى ىلگەرىلەتۋدى مەڭزەيدى.

    نەگىزگى تاقىرىپتىق تاربيە ورىستەتىلگەننەن بەرى، رايونىمىزداعى ءار دارەجەلى پارتيا ۇيىمدارى بار ىنتا - پەيىلمەن حالىق ءۇشىن قىزمەت ىستەۋ باستى ماقساتىن بەرىك ورناتىپ، جوعارى مەن تومەن بىرلەسە قيمىلداۋعا، الدىڭعى مەن كەيىنگىلەردى ۇشتاستىرۋعا تاباندى بولىپ، كۇشتى شوعىرلاندىرىپ، تۋبەركۋلەز ناۋقاستارىن امبولاتوريادا دياگنوز قويۋ، ەمدەلۋ قاراجاتىن %100 ەسەپتەن كوتەرۋ، بالنيتساعا جاتۋ قاراجاتىنىڭ %90ىن ەسەپتەن كوتەرۋ ساياساتىن اتقاردى؛ اۋىر كەدەي 22 اۋداننىڭ اۋىل - قىستاقتارىنداعى اۋىز سۋ حاۋىپسىزدىگى ينجەنەرياسىن ورىنداپ، 346 مىڭ ادامنىڭ اۋىز سۋ حاۋىپسىزدىگى ماسەلەسىن شەشتى، 9355 كەدەي وتباسىنىڭ حاۋىپسىز تۇرعىن ءۇيىنىڭ قۇرىلىسى تۇگەلدەي اياقتاپ، كوشىپ كىردى؛ اۋىل - قىستاقتاعى ارتىق ەڭبەككۇشتەردەن 2 ميلليون 860 مىڭ ادامنىڭ (رەت) باسقا سالاعا ويىسىپ كاسىپتەنۋىن جۇزەگە اسىرىپ، ناقتى ءىستى بۇقارانىڭ كوڭىلىنەن شىعاتىنداي ەتىپ جاقسى ءبىتىردى.

    ”قازىر قىستاقتا تۋبەركۋلەز ناۋقاستارىنىڭ بارلىعى ۇكىمەت بەرگەن تەگىن ءدارىنى الىپ وتىر، وزدەرى اقشا جۇمسامايتىن بولدى. پارتيانىڭ ابزال ساياساتىنا كوپتەن كوپ راقىمەت!“، - دەدى يەڭەسار اۋدانى بيىكجار اۋىلى جوعارعى ويلا قىستاعىنىڭ تۇرعىنى ياسىن ءانۋار حالىققا ءتيىمدى وسى شارانى ءار جولى اۋىزعا العان سايىن ايرىقشا تەبىرەنىپ.

    تۋبەركۋلەز ناۋقاستارىن ەمدەۋ - قۇتقارۋ ماسەلەسىن ويداعىداي شەشۋدى ارقاۋ ەتىپ، اۆتونوميالى رايوندىق دەنساۋلىق ساقتاۋ جانە سالاماتتىق كوميتەتى تۋبەركۋلەز اۋرۋىنان ساقتانۋ جانە ونى تىزگىندەۋدىڭ جاڭا ۇلگىسى جونىندە بەلسەنە ىزدەنىس جاساپ، ”ەرتە دياگنوز قويۋ“، ”ەرتە ەمدەۋ“دى نىسانا ەتىپ، ارنايىلانعان دەنساۋلىق تەكسەرۋ قىزمەت وتەۋىن بەلگىلەپ، تۋبەركۋلەز ناۋقاستارىنىڭ جۇعىمدالۋ كەزەڭىندە شوعىرلى اۋاشالاپ ەمدەۋ، جۇعىمدالۋ كەزەڭىندە بولماعاندارعا ”شوعىرلى ءدارى بەرۋ + ءنارلى تاڭعى اسپەن قامداۋ“ تۇرىندە ۇيدە ەمدەۋ سىندى ساقتانۋ جانە ەمدەۋ شاراسىن اتقارىپ، بۇكىل رايونداعى تۋبەركۋلەز اۋرۋىنىڭ ىندەت جاعدايىندا ايتارلىقتاي تومەندەۋ بەتالىسى جارىققا شىقتى.

جاۋاپتى رەداكتور: گۇلدەن ماقسات قىزى