پارتيا مۇشەلەرى مەن كادرلار تاربيە الدى، حالىق بۇقاراسى ناقتى تيىمدىلىككە كەنەلدى

  • كەلۋ قاينارى: شينجياڭ گازەتى تورابى
  • 11:10:52 17/01/2020

    نەگىزگى تاقىرىپتىق تاربيە ورىستەتىلگەننەن بەرى، بۇراتالا موڭعۇل اۆتونوميالى وبلىسى مەن بۇراتالا قالاسى ءار ۇلت بۇقاراسىنىڭ ۆوكزالدى قالا رايونىنا سالۋدى ۇسىنىس ەتكەن كۇشتى ۇنىنە ساي، شينجياڭ تەمىر جولى بۇراتالا وبلىسى لەنياسى قۇرىلىسىن وبلىس، قالا ەكى دارەجەلى كەلەلى حالىق تۇرمىسى ينجەنەرياسى رەتىندە جەدەل ىلگەرىلەتتى. 2019 - جىلى 9 - ايدىڭ 20 - كۇنى شينجياڭ تەمىر جولىنىڭ بۇراتالا وبلىسىنداعى لەنياسىندا رەسمي پويەز قاتىناپ، ىسكە قوسىلىپ، بۇرىنعى جوسپاردان 8 اي بۇرىن ورىندالىپ، بۇراتالا قالاسىنداعى تۇرعىنداردىڭ 30 جىلدان بەرى 50 كيلومەتر جول باسىپ پويەزعا وتىرۋ تاريحىن تۇبەگەيلى اياقتاتىپ، ”ەسىك الدىنان - اق“ پويەزبەن قاتىناۋ ارمانىن ىسكە اسىردى.

    بۇقارانىڭ ارمان - تىلەگى ماسەلەنى شەشۋدىڭ كۇش سالۋ ءتۇيىنى بولدى. نەگىزگى تاقىرىپتىق تاربيەدە رايونىمىزداعى ءار دارەجەلى پارتيا ۇيىمدارى بۇقارا ۋايىمداعان ىستەردى، الاڭداعان ىستەردى دەن قويا، شىنايى شەشىپ، ”كوزبەن كورىپ، قولمەن ۇستاۋعا بولاتىن“ وزگەرىستەر ارقىلى بۇقارا ءجىتى قاداعالاپ وتىرعان جانە كوكسەگەن ىستەرگە جاۋاپ قايتاردى.

    ”شاعىن اۋماعىمىزدا ءبۇيىر قابىرعاعا قىراۋ تۇرۋدى وڭاۋ جانە توبەنى جوندەۋ قۇرىلىسى نەگىزىنەن ورىندالىپ، ۇيلەرگە قىراۋ تۇرۋ، پار ىسىماۋ ماسەلەلەرىنەن اقىرى قۇتىلدىق، كوپشىلىك تۇگەل رازى“، - دەدى قارامايلى قالاسى قارامايلى رايونى يىنحى جولى ءمالىسى بەيدوۋ الەۋمەتتىك اۋماعىنىڭ تۇرعىنى سۋ مەيشيا، بەيدوۋ شاعىن اۋماعى 1993 - جىلى سالىنعان، كوپتەگەن عيماراتتا ءۇي ءىشىن دىم تارتۋ، توبەسىنەن سۋ ءوتۋ ماسەلەسى تۋىلىپ، تۇرعىنداردىڭ قالىپتى تۇرمىسىنا ىقپال جاساعان.

    ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىندە قارامايلى قالاسى بۇقارانىڭ سۇرانىسىنا جانە ءجىتى قاداعالاپ وتىرعان ىستەرىنە بەلسەنە ءتۇيىلىستىرىپ، بۇقارانىڭ ارمان - تىلەگىمەن سالىستىرىپ، بۇقارانىڭ اڭىسى كۇشتى بولعان كورنەكتى ماسەلەلەردى شەشۋدى ىلگەرىلەتىپ، كونە، ەسكى شاعىن اۋماقتاردى جوندەۋ سەرپىنىن ارتتىرۋ، ”كوپ بولعاندا ءبىر رەت بارۋ“ رەفورماسىن ىشكەرىلەي ىلگەرىلەتۋ، قالا رايونىندا اۆتوكولىك توقتاتۋ قيىن بولۋدى شەشۋ سىندى بۇقارا ”رازى بولماعان“ ءۇش ىسكە كۇش سالىپ، ماسەلەنى شەشتى.

    ”ءبىر يۋانمەن اۆتوبۋزعا وتىرىپ قالاعا بارۋعا بولادى“، ”ۇزىلگەن جول اشىلدى“، ”كۋالىكتى اۋىستىرۋ، الۋ جۇمىسىن ءبىر تەرەزەدەن بىتىرۋگە بولاتىن بولدى“، ”اۆتوكولىك توقتاتۋ قولايلى بولدى“... بۇقارانىڭ جۇزىنەن ۇيىرىلگەن كۇلكى نەگىزگى تاقىرىپتىق تاربيە ءونىمىنىڭ جۇرەكتى جىلىتقان تۇسىندىرمەسى بولدى.

    اۋەلگى ماقساتتى بەكەمدەپ، بورىشتى ۇستىمىزگە الامىز. حالىق ءۇشىن باقىتتى كوزدەگەن اۋەلگى ماقسات − تۋ باسىنان نەگىزگى تاقىرىپتىق تاربيەنىڭ تۇتاس بارىسىمەن ساباقتاسىپ كەلەدى؛ بولاشاققا كوز جىبەرسەك، مۇنداي اۋەلگى ماقسات بۇكىل رايونداعى پارتيالى كادرلاردى تاباندىلىقپەن حالىق تۇرمىسى ەمتيحانىن جاقسى تاپسىرىپ، حالىق مۇددەسى جانە باقىتى ءۇشىن ۇزدىكسىز قۇلشىنا كۇرەسىپ، حالىقتىڭ باقىت سەزىمىن اناعۇرلىم نىعايتۋعا، اناعۇرلىم باياندى ەتۋگە شابىتتاندىرادى.

جاۋاپتى رەداكتور: گۇلدەن ماقسات قىزى