شينجياڭ مۇناي الابى وڭدەلمەگەن مۇناي ءوندىرۋ جىلدىق مىندەتىن ءبىر ميلليون توننا اسىرىپ ورىندادى

  • كەلۋ قاينارى: ىلە گازەتى
  • 05:19:31 18/01/2020

 

    مۇناي - گاز وندىرۋدە ءۇرتىس بەس جىل «قوس اسىرا ورىنداۋدى» جۇزەگە اسىردى

 

    شينجياڭ گازەتىنىڭ حابارى ( ءتىلشى ما ي - نيڭ). ءتىلشىنىڭ 1 – ايدىڭ 12 – كۇنى جۇڭگو مۇنايى شينجياڭ مۇناي الابى سەرىكتىگىنەن ۇعىسۋىنشا، 2019 – جىلى شينجياڭ مۇناي الابى تۇتاس جىلدا 12 ميلليون 470 مىڭ توننا وڭدەلمەگەن مۇناي، 2 ميلليارد 930 ميلليون تەكشەمەتر ءتابيعي گاز وندىرگەن، وڭدەلمەگەن مۇناي ءوندىرۋ مولشەرى وتكەن جىلداعىدان ءبىر ميلليون توننا اسىپ، ءوندىرىس قۋاتى قۇرىلىسى كولەمى تۇڭعىش رەت 3 ميلليون توننالىق ۇلكەن وتكەلدەن وتكەن، وڭدەلمەگەن مۇناي ءوندىرۋ مولشەرى مەن وڭدەلمەگەن مۇنايدى اسىرا ورىنداۋ مولشەرى، جاڭادان قۇرىلعان وڭدەلمەگەن مۇناي ءوندىرىس قۋاتى جاقتارىنان تۇگەلدەي تاريحتاعى ەڭ جوعارى ورە جاراتىلعان. وڭدەلمەگەن مۇناي ءوندىرۋ مولشەرىنىڭ ارتۋى ەلىمىز ىشىندەگى مۇناي، گاز الاپتارى بويىنشا الدىڭعى ورىندى يەلەگەن، مۇناي - گاز وندىرۋدە ءۇرتىس بەس جىل «قوس اسىرا ورىنداۋدى» جۇزەگە اسىرعان.

    2019 –جىلى شينجياڭ مۇناي الابى مۇناي – گاز نەگىزگى تيجارات كاسىبىن شوعىرلى دامىتۋدى كورنەكتىلەندىرىپ، رەفورما جاساۋ، جاڭالىق اشۋ سىندى قوس باعىتتى قوزعاۋشى كۇش پەن حاۋىپسىزدىك پەن قورشاعان ورتانى قورعاۋدى باسقارۋ – مەڭگەرۋدى كۇشەيتىپ، ءتۇرلى ءوندىرىس، تيجارات مىندەتتەرىن اسىرا ورىنداپ، كوپ ءتۇرلى قىزمەتتە تاريحي سيپاتتى تابىستارعا قول جەتكىزدى. ءبىر جىلدان بەرى، شينجياڭ مۇناي الابى جۇمىس باسىندا ءتۇرلى بۋىنداردىڭ مۇلتىكسىز ۇشتاسۋىن كۇشەيتىپ، جەر بەتى جۇيەسىنىڭ قامتاماسىز ەتۋ قۋاتى مەن ساپانى كوتەرىپ، ونىمدىلىكتى ارتتىرۋ ورەسىن جوعارىلاتىپ، تۇتاس جىلدا 3 ميلليون 100 مىڭ توننا شيكى مۇناي ءوندىرۋ قۋاتىن جاڭادان سالىپ، جاڭادان قازىلعان قۇدىقتاردان 500 مىڭ توننا مۇناي ءوندىرۋدى؛ تەحنيكالىق قامال الۋ ارقىلى مۇناي قورى مولشەرىن ۇزدىكسىز جوعارىلاتىپ، كونە مۇناي الابىنىڭ ون ميلليون تونناعا مۇناي ءوندىرۋ تۇراقتىلىعىن ساقتاۋىن، شەشۋشى تەحنيكالىق تىرەكپەن قامدادى. مۇنان تىس، ءتابيعي گاز وندىرۋدە جوعارى ساپالى، جوعارى ءونىمدى ءوندىرىس قۇرىلىسىن جۇزەگە اسىرىپ، قۇتىبي گاز ساقتاۋ قامباسىن رەتتەۋ ينجەنەرياسىنىڭ جىلدىق قۇرىلىس مىندەتىن اسىرا ورىنداپ، جاڭادان ارتتىرىلعان گاز اشۋ قۋاتىن 3 ميلليون تەكشە مەترگە جەتكىزىپ، سولتۇستىك شينجياڭ مەن باتىس 2 – لەنياسىن ءتابيعي گازبەن قامداۋدى پارمەندى قامتاماسىزداندىردى.

جاۋاپتى رەداكتور: گۇلدەن ماقسات قىزى