ونسۋ اۋدانىنداعى تاربيەلەۋ - باۋلۋ ورتالىعىنان وقۋ تاۋىسقان تاربيەلەنۋشى ايگۇزال موللاقۇربان: مەن قازىر ناعىز ءومىر كەشىرىپ جاتىرمىن

  • كەلۋ قاينارى: شينجياڭ گازەتى تورابى
  • 02:28:32 19/01/2020

  

    مەنىڭ اتىم ايگۇزال موللاقۇربان، ءۇيىم ونسۋ اۋدانىندا. بۇرىن مەن اشىق - جارقىن، جايدارى، وزىمە سەنىمدى، ءان ايتۋدى، ءبي بيلەۋدى ۇناتاتىن جان ەدىم، الايدا ءدىني ۇشقارى يدەيانى جۇقتىرىپ العاننان كەيىن، مەن ءوزىمدى قۇنداقتاپ، قىزمەتىمنەن شەگىنىپ عانا قالماي، كۇيەۋىممەن اجىراسىپ كەتۋگە شاق قالدىم. ءدىني ۇشقارى يدەيا قۇددى الباستىداي مەنىڭ جاستىق ورالىمدى جالماپ الدى، كاسىپتىك شەبەرلىككە تاربيەلەۋ - باۋلۋ ورتالىعى ادامدىق جولعا قايتا تۇسۋىمە مۇمكىندىك جاراتتى.

    2013 - جىلى مەن ءبىر قىزمەت تاۋىپ، گاز قۇيۋ پۋنكتىنە جۇمىسقا شىقتىم، ايلىق كىرىسىم 3500 يۋان ەدى. ءبىر كۇنى ورتالاۋ مەكتەپتەگى ساباقتاسىم اياق استىنان ىزدەپ كەلىپ، سەن مۇسىلمانسىڭ، ناماز وقىماساڭ، بۋرقا - نيقاپ كيمەسەڭ، اۋەلى، حانزۋلاردىڭ دۇكەنىندە جۇمىس ىستەسەڭ، ولگەننەن كەيىن، ءسوز جوق، توزاققا تۇسەسىڭ دەدى. ول مەنى حانزۋلارمەن ارالاسپاۋعا ءناسيحاتتاپ، ولاردىڭ بارلىعىن ”جات دىندەگىلەر“ دەدى. ول تاعى ماعان كوپتەگەن زورلىقتى كۇش، لاڭكەستىك بەينە - جازبالاردى كورسەتتى. ونىڭ ىقپالىمەن مەنىڭ يدەيامدا بىرتىندەپ وزگەرىس تۋىلدى.

    ءالى ەسىمدە، ءبىر كۇنى تاڭەرتەڭ تۇرعاندا اياق استىنان اۋزىم قيسايىپ قالىپتى، ءاسىلى ميعا قان قۇيىلۋ ناۋقاسىنا شالدىعىپپىن. ال مەنىڭ ورتالاۋ مەكتەپتەگى الگى ساباقتاسىم بۇنى ەستىگەن سوڭ، مەنى ايتىلمىس ”ءدىني قايراتكەر“گە ەرتىپ بارىپ ۇشىقتاتتى، ءبىر اپتا وتسە دە اۋرۋىم جازىلمادى. كەيىن شەشەم اشۋلانىپ، مەنى شيپاحاناعا ەرتىپ باردى، شيپاگەر ماعان ءدارى بەرگەن سوڭ، تەز ارادا ساۋىعىپ كەتتىم. اۋىرىپ قالسام، ”اللا“نىڭ ناۋقاسىمدى ەمدەمەگەنى قالاي؟ مەن ساباقتاسىمنان وسىنى سۇرادىم. ول ماعان بۇرىن حانزۋلار اشقان دۇكەندە ىستەگەنىمدى، ”ادال“ ەمەستىگىمدى ايتىپ، بۇل ”اللا“نىڭ مەنى جازالاۋى دەپ ءتۇسىندىردى. ەندىگارى دۇرىس جولعا بەت الماسام، ولگەننەن كەيىن توزاققا تۇسەدى ەكەم.

    وسىلايشا، ءدىني ۇشقارى يدەيا قۇددى جالماۋىز ىسپەتتى مەنىڭ سانامدى جاۋلاپ الدى. كەيىن مەن قىزمەتىمدى تاستاپ، ۇيگە تىعىلىپ شىقپاي، كۇنى بويى ”جانناتقا بارۋ“دى ويلايتىن بولدىم. ۇيلەنگەن كۇنى تويدا باسقالاردىڭ بارلىعى ءان ايتىپ، ءبي بيلەگەندە، مەن ءبىر بۇرىشتا وتىردىم، ءان دە ايتپادىم، ءبي دە بيلەگەن جوقپىن. شىنتۋايتىندا، سول كەزدە قاتتى ازاپتاندىم، ويتكەنى ومىرىمدەگى ءبىر تويىم عوي، ءان ايتقىم، ءبي بيلەگىم كەلدى، ءان ايتۋىما، ءبي بيلەۋىمە دە بولادى، ءبىراق مەنىڭ باتىلىم بارمادى، ”ولگەننەن سوڭ توزاققا ءتۇسۋ“دەن قورىقتىم.

    تويدان كەيىن، كۇيەۋىم اراق ءىشىپ، تەمەكى تارتا قالسا، ”ولگەننەن كەيىن توزاققا تۇسەسىڭ“ دەگەن سەبەپ كورسەتىپ، ونى جازعىراتىن بولدىم. ول قۇلاق اسپاسا، ۇنەمى ۇرسىسىپ، اۋەلى، اجىراسىپ كەتە جازدادىق. كەيىن كۇيەۋىمنىڭ شىدامى تاۋسىلىپ، قىستاق كادرلارىنا مەنىڭ جاعدايىمدى اڭىس ەتتى. قىستاق كادرلارى مەنى ءدىني ۇشقارى يدەيانى جۇقتىردى دەپ كوپ رەت قىزمەت ىستەپ، ماعان ءدىني ۇشقارى يدەيانىڭ زالالىن ايتىپ ءتۇسىندىردى. وتباسىمداعىلار مەن قىستاق كادرلارىنىڭ قايتا - قايتا ءناسيحاتتاۋىندا، مەن ونسۋ اۋدانىنداعى كاسىپتىك شەبەرلىككە تاربيەلەۋ - باۋلۋ ورتالىعىنا ۇيرەنۋگە كەلدىم.

جاۋاپتى رەداكتور: گۇلدەن ماقسات قىزى