جۇڭگو مەن بيرمانىڭ تاعدىرى ءبىر، باۋىرلاستىق سۇيىسپەنشىلىگى ۇزاقتان جالعاسىپ كەلەدى

  • كەلۋ قاينارى: شينجياڭ گازەتى تورابى
  • 08:23:56 23/01/2020

    − مەملەكەت ءتوراعاسى شي جينپيڭنىڭ بيرماداعى 25 ساعاتتىق ساپارى تۋرالى

    شينحۋا اگەنتتىگىنىڭ تىلشىلەرى حاۋ ۋيۋي، حۋو شياۋگۋاڭ

    

    1 - اي بيرمانىڭ استاناسى نايپيداۋ جونىنەن ءبىر جىلداعى ەڭ تاماشا مەزگىل، كۇن شۇلەن شۇعىلاسىن توگىپ، اۋا شايداي اشىق، بار الاپ جاسىل جەلەك جامىلعان. جەرگىلىكتى ۋاقىت 1 - ايدىڭ 17 - كۇنى تۇستەن كەيىن، مەملەكەت ءتوراعاسى شي جينپيڭ وتىرعان ارناۋلى ۇشاق بيرمانىڭ 2 سوعىس ۇشاعىنىڭ قورعاۋىندا، نايپيداۋ حالىقارالىق اۋەجايىنا مامىرلاي كەلىپ قوندى.

    وسى كەزدە بايتاق حۋاشيا دالاسى كوكتەم مەرەكەسىنىڭ تاياۋىمەن مەرەكە شاتتىعىنا شومىپ جاتقان بولاتىن. جاقىندا عانا تاۋەلسىزدىك مەرەكەسىن قۇتتىقتاعان بيرما حالقى جۇڭگودان كەلگەن سيلى قوناقتى مەرەكەلىك سالتاناتپەن قارسى الدى.

    بيىرمانىڭ ءبىرىنشى ورىنباسار زۇڭتۇڭى مينرۇي بىرنەشە بيلىك كەڭسەسىنىڭ مينيسترلەرىن باستاپ اۋەجايعا بارىپ قارسى الدى.

    قىزىل دا ۇزىن كىلەم، بارابان ءۇنى، جايدارى ءجۇز.

    اۋەجايدا جەرگىلىكتى كوركەمونەرشىلەر اسەم ۇلتتىق كيىمدەرىن كيىپ، شادىمان بيگە باستى. جالىندى جاس وسپىرىمدەر جۇڭگو مەن بيرمانىڭ مەملەكەت تۋىن بۇلعاپ، ”جۇڭگو - بيرما دوستىعى جاساسىن!“، ”ءتوراعا شي جينپيڭنىڭ دەنساۋلىعى مىقتى بولسىن!“ دەپ الاقايلادى.

    ۇلكەندى - كىشىلى كوشەلەردىڭ بارىنەن دوستىق سۇيىسپەنشىلىك مەن مۇندالايدى.

    ”جۇڭگونىڭ مەملەكەت ءتوراعاسى شي جينپيڭنىڭ بيرماعا ساپارلاي كەلگەنىن قىزۋ قارسى الامىز“، ”جۇڭگو مەن بيرمانىڭ باۋىرلاستىق، دوستىق سۇيىسپەنشىلىگى ماڭگى جاساسىن“، ”جۇڭگو مەن بيرمانىڭ دوستىق سەلبەستىگى تىنباي دامىسىن“... اۋەجايدان ءتوراعا شي جينپيڭ تۇسەتىن قوناق جايعا دەيىن، جول بويى ۇران جازىلعان ۇلكەن قىزىل كەرمە تۋلار تارتىلعان. ”جۇڭگو باسشىلارىنىڭ ساپارلاي كەلۋى بيرمانىڭ قوعامدىق دامۋىن ىلگەرىلەتەدى“، ”جۇڭگو مەن بيرمانىڭ دوستىعىنىڭ نۇرلى ءساتى“... نەگىزگى اعىم اقپارات قۇرالدارىنان الەۋمەتتىك جەلىلەرگە دەيىن، ”جۇڭگو“، ”جۇڭگو - بيرما دوستىعى“ ەڭ كوپ قايتالاناتىن سوزگە اينالدى.

    بۇل ءبىر رەتكى دوستىقتى تەرەڭدەتەتىن ساپار − ۋاقىتى 25 ساعاتقا جۋىق، 12 مايدان رەسمي قيمىلمەن جالعاسقان، ءتوراعا شي جينپيڭ بيرمانىڭ ءار سالا قايراتكەرلەرمەن كەڭ كولەمدە ارالاسىپ پىكىر اۋىستىردى.

    بۇل ءبىر رەتكى بۇرىنعىعا مۇراگەرلىك ەتىپ، بولاشاققا جول اشقان ساپار − جۇڭگو مەن بيرمانىڭ ديپلوماتيالىق قاتىناس ورناتقاندىعىنىڭ 70 جىلدىعىنا وراي، جۇڭگونىڭ مەملەكەت ءتوراعاسى شي جينپيڭ اراعا 19 جىل سالىپ بيرماعا تاعى ءبىر رەت ساپارلاي كەلىپ، جۇڭگو مەن بيرمانىڭ جان - جاقتى ستراتەگيالىق سەلبەستىك، سەرىكتەستىك قاتىناسىنىڭ جاڭا پاراعىن اشىپ، جۇڭگو - بيرما تاعدىرلاس ورتاق تۇلعاسىنىڭ جاڭا ءداۋىرىن باستادى.

جاۋاپتى رەداكتور: جازيرا بولاتباي قىزى