جۇڭگو مەن بيرمانىڭ تاعدىرى ءبىر، باۋىرلاستىق سۇيىسپەنشىلىگى ۇزاقتان جالعاسىپ كەلەدى

  • كەلۋ قاينارى: شينجياڭ گازەتى تورابى
  • 08:23:56 23/01/2020

    تەرەڭ سۇيىسپەنشىلىك

    ”بيرما تىلىندە ’باۋبو‘ ءبىر انادان تۋعان اعايىندىلار دەگەن ماندە. ەجەلدەن بەرى ەتەنە جاقىن ەكى ەل حالقىنىڭ جۇرەكتەرى توعىسقان، ’باۋبو‘ سۇيىسپەنشىلىگى ۇزاققا جالعاسادى“.

    ساپاردىڭ الدىندا، ءتوراعا شي جينپيڭ بيرمانىڭ اقپارات قۇرالدارىندا «مىڭ جىلدىق باۋىرلاستىق سۇيىسپەنشىلىكتىڭ شىت جاڭا تاراۋىن جازايىق» تاقىرىبىندا اۆتورلى ماقالا جاريالاپ، جۇڭگو مەن بيرما اراسىندا ەرەكشە ەتەنە سۇيىسپەنشىلىكتى ىقىلاستى پايىمدادى.

    2000 كيلومەتردەن استام شەكارا لەنياسى، 2000 جىلدان استام اۋىس - كۇيىس تاريحى، چين، حان داۋىرىندەگى وڭتۇستىك جاقتاعى جىبەك جولىنداعى بىرىندە جوعىن بىرىنەن الۋدان پياۋ ەلى حانزاداسىنىڭ گۇلدەنگەن تاڭ پاتشالىعىنا بارىپ ءان - ءبي ونەرى اۋىس - كۇيىسىن جاساعانعا دەيىن، وتكەن عاسىردا ەكى جاق قول ۇستاسا وتىرىپ وتارشىلدىققا، يمپەرياليزمگە قارسى تۇرۋدان جاڭا جۇڭگو قۇرىلعاننان كەيىن بيرما تۇرلىشە قوعامدىق تۇزىمدەگى مەملەكەتتەر ىشىندە الدىمەن جاڭا جۇڭگونى مويىنداعانعا دەيىن، جۇڭگو مەن بيرما تاۋ - سۋى جالعاسىپ، كوڭىلدەرى توعىسىپ، تاۋقىمەتتى بىرگە تارتىپ كەلدى.

    ساپارداعى كەزىندە، ءتوراعا شي جينپيڭ جۇڭگو مەن بيرمانىڭ اعا بۋىن باسشىلارىن كوپ رەت ەسكە الىپ، ولارعا دەگەن تەرەڭ دوستىق سۇيىسپەنشىلىگىن ءبىلدىردى. اسىرەسە، جوۋ ىنلاي زۇڭليدىڭ 1954 - جىلى بيرماعا ساپارلاي كەلگەندە بيرمانىڭ زۇڭتۇڭى بايۇيمەن، زۇڭليى ۋنۋمەن ىقىلاستى كەڭەس وتكىزگەن سۋرەتىن ايرىقشا اتاپ ءوتتى. ”ول كەزدە، جۇڭگو، ءۇندىستان، بيرما جەكە - جەكە بىرلەسكەن مالىمدەمە جاريالاپ، بەيبىت قاتار تۇرۋدىڭ بەس پرينسيبىن بىرگە دارىپتەدى. بۇل حالىقارالىق بايلانىس تاريحىنداعى كەلەلى جاڭالىق“.

    ماشاقاتتى باستان وتكىزىپ، بۇرىنعىدان ارى بەرىكتەلە تۇسكەن جۇڭگو مەن بيرمانىڭ باۋىرلاستىق، دوستىق سۇيىسپەنشىلىگى جاڭا داۋىردە ۇزدىكسىز ساۋلەلەنە بەرەدى.

    زۇڭتۇڭ سارايىنداعى كەزدەسۋ زالىندا، ءتوراعا شي جينپيڭ ۋىنمين زۇڭتۇڭمەن 1 - رەتكى كەڭەسىن وتكىزدى. جاڭا دوستار كەزدەسكەندە كونەكوز دوستارداي جاقىن سەزىندى. ”بۇگىن جۇڭگونىڭ ەگىنشىلىك كالەندارى بويىنشا ’كىشى جىل‘، مەن جۇڭگو ۇكىمەتى مەن جۇڭگو حالقى اتىنان بيرما ۇكىمەتىنە جانە بيرما حالقىنا كوكتەم مەرەكەسى بايلانىسىمەن ىزگى تىلەك بىلدىرەمىن“. ءتوراعا شي جينپيڭنىڭ بۇل ءسوزى ارالارىن ءتىپتى دە جاقىنداتا ءتۇستى.

    كەڭەس اياقتاعاننان كەيىن، ۋىنمين زۇڭتۇڭ ءتوراعا شي جينپيڭگە ارناپ سالتاناتتى قارسى الۋ قوناعاسىن بەردى. زۇڭتۇڭ سارايىنداعى قوناعاسى زالى ادامعا لىق تولدى، بيرماداعى قاسيەتتى تاۋ بوباشان تاۋىن سۋرەتتەگەن الىپ سۋرەت ايرىقشا كوز تارتتى. ۋىنمين زۇڭتۇڭ بىلاي دەپ ىستىق ىقىلاستى ارناۋ ءسوزىن سويلەدى: ”ءسىزدىڭ جاڭا جىلدا ەڭ الدىمەن بيرماعا ساپارلاي كەلگەنىڭىزدى بيىرما حالقى ايرىقشا ماقتانىش سەزىنەدى... وسى رەتكى ساپارىڭىزدىڭ ەكى ەل قاتىناسىن دامىتۋداعى ماڭىزدى بەلەسكە اينالاتىندىعىنا كامىل سەنەمىن“.

جاۋاپتى رەداكتور: جازيرا بولاتباي قىزى