جۇڭگو مەن بيرمانىڭ تاعدىرى ءبىر، باۋىرلاستىق سۇيىسپەنشىلىگى ۇزاقتان جالعاسىپ كەلەدى

  • كەلۋ قاينارى: شينجياڭ گازەتى تورابى
  • 08:23:56 23/01/2020

    ۋىنمين زۇڭتۇڭ بيرمانىڭ ءداستۇرلى مۋزيكا اسپابى ”ۋانچين“دى ورىنداۋشىلاردى ۇسىنىس ەتىپ ءتوراعا شي جينپيڭگە ويىن نومىرلەرىن كورسەتتى. اتتاناردا ءتوراعا شي جينپيڭنىڭ ورىنداۋشىلاردىڭ الدىنا ارنايى بارىپ: ”جاپا شەكتىڭىزدەر، راقىمەت سىزدەرگە!“ دەپ كۇلىمسىرەگەن بەينەمەن ايتقان ءبىر اۋىز ىقىلاستى سالەمى جۇرت كوڭىلىن مەيىرگە بولەدى.

    سۇيىسپەنشىلىك دوستىقتى جالعايدى، اۋىس - كۇيىستەن ۇندەستىك قالىپتاسادى.

    جۇڭگو - بيرما قارىم - قاتىناسى جونىندە ءتوراعا شي جينپيڭ 4 ”جاقسى“نى العا قويدى: تار جول، تايعاق كەشۋدەن بىرگە وتەتىن جاقسى كورشى بولۋعا، بەينەت پەن زەينەتتى بىرگە وتكەرەتىن جاقسى دوس بولۋعا، سەلبەسىپ تەڭ يگىلىككە كەنەلەتىن جاقسى سەرىكتەس بولۋعا، جۇرەگى جالعاسقان جاقسى باۋىرلاس بولۋعا تاباندى بولۋ. ۋىنمين زۇڭتۇڭ ءالسىن - ءالى باسىن يزەپ، قۇپتادى.

    ءتوراعا شي جينپيڭ جەتكەن كۇنى بيرمانىڭ مەملەكەت ىستەر اقىلشىسى اڭشانسۋجي زۇڭتۇڭ سارايىنا ارنايى بارىپ، ءتوراعا شي جينپيڭگە قارسى الۋ، امانداسۋ سەزىمىن ءبىلدىردى. بۇل 2015 - جىلى 6 - ايدا اڭشانسۋجي جۇڭگوعا ساپارلاي بارعاننان بەرى ەكى باسشىنىڭ 7 - رەت كەزدەسۋى.

    اڭشانسۋجي اقتارىلا بىلاي دەدى: بيرما جاق جۇڭگو جاقتىڭ ۇزاق جىلداردان بەرى بيرمانى بارىنشا قولداپ - قۋاتتاپ كەلگەندىگىنە توتەنشە العىس ايتادى جانە قادىرلەيدى. بيرما مەن جۇڭگونىڭ ”باۋبو“ سۇيىسپەنشىلىگى ءداۋىردىڭ سان قيلى سىنىنان وتكەن، ونىڭ تەرەڭ ءمانىن تەك ءبىز عانا ابدەن بىلەمىز. جۇڭگو ەجەلدەن ءبىزدىڭ جاقسى دوسىمىز، تاعدىر ءبىز ەكى جاقتى الدەقاشان مىقتاپ بايلانىستىرعان.

    70 جىلدىق الماعايىپ وزگەرىستەردە جۇڭگو مەن بيرما باستان - اياق ءبىر - بىرىنە سەنىپ، ءوزارا قۇرمەت ەتىپ، ءبىرىن - ءبىرى قولداپ، ۇلكەن جانە كىشى ەلدەردىڭ تەڭ تۇرعىدا مامىلە جاساۋىنىڭ، ءوزارا تيىمدىلىك جاساپ، تەڭ يگىلىككە كەنەلۋىنىڭ، بىرگە دامۋىنىڭ ۇلگىسىن ورناتتى.

    ساپار كەزىندە ءتوراعا شي جينپيڭ ”جۇڭگو ۇكىمەتى مەن جۇڭگو حالقى بيرما ۇكىمەتى مەن بيرما حالقىنىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرىپ، مەملەكەتتىڭ دامىپ، العا باسۋىن ۇزدىكسىز ىلگەرىلەتۋىنە باتىل قولداۋ كورسەتەدى“ دەپ قايتالاي باسا دارىپتەدى.

    ۋىنمين زۇڭتۇڭ مىنانى ايقىن ءبىلدىردى: جۇڭگو جاقتىڭ ۇزاق ۋاقىتتان بەرى بيرماعا كورسەتكەن باعالى تۇسىنىگى مەن قولداۋىنا العىس ايتامىز، جۇڭگو جاقتىڭ بيرمانىڭ ەل ءىشى بەيبىتشىلىك ۇدەرىسىندە اتقارعان سىندارلى رولىن القايمىز، بيرما جاق ءبىر جۇڭگو پرينسيبىن تاباندىلىقپەن ۇستانادى، جۇڭگونىڭ شياڭگاڭدا، اۋمىندا اتقارعان ”ءبىر ەل، ەكى ءتۇزىم“ باعىتىنا قۇرمەت ەتەدى، باستان - اياق تايۋاندى جۇڭگو تەرريتورياسىنىڭ بولىنبەس ءبىر بولىگى دەپ قارايدى.

جاۋاپتى رەداكتور: جازيرا بولاتباي قىزى