جۇڭگو مەن بيرمانىڭ تاعدىرى ءبىر، باۋىرلاستىق سۇيىسپەنشىلىگى ۇزاقتان جالعاسىپ كەلەدى

  • كەلۋ قاينارى: شينجياڭ گازەتى تورابى
  • 08:23:56 23/01/2020

    بيرما مەملەكەت قورعانىس ارمياسىنىڭ باس سىليڭى ميناڭلاي ءتوراعا شي جينپيڭمەن كەزدەسكەندە مىنانى ءبىلدىردى: جۇڭگو جاقتىڭ ۇزاق ۋاقىتتان بەرى بيرمانىڭ ەكونوميكالىق، قوعامدىق دامۋى مەن مەملەكەت قورعانىسى قۇرىلىسىنا كورسەتكەن كومەگىنە العىس ايتامىز، جۇڭگونىڭ تابىستى تاجىريبەلەرىنەن ۇيرەنىپ، ۇلگى الىپ، بيرما ەلىنىڭ بەيبىتشىلىگى مەن دامۋىن جۇزەگە اسىرۋدى شىنايى ءۇمىت ەتەمىز.

    ”باۋىرلاستىق سۇيىسپەنشىلىك تەرەڭدە، وزەن سۋىنىڭ قاينارى الىستان كەلەدى“.

    ءبىر ەرەكشە تارتۋ، تاريحقا قۇرمەت.

    1 - ايدىڭ 18 - كۇنى تۇستە مەملەكەت ىستەر اقىلشىسى اڭشانسۋجي رۇيشانيىن قوناق جايىندا ءتوراعا شي جينپيڭگە ارناپ شاعىن كولەمدە قوناعاسى وتكىزدى. قوناعاسىدان كەيىن ءتوراعا شي جينپيڭ مەملەكەت ىستەر اقىلشىسى اڭشانسۋجيگە ءبىر باعالى تارتۋدى ياعني اڭشانسۋجيدىڭ شەشەسى، بيرمانىڭ ايگىلى قوعام قايراتكەرى دۋچيڭجىنىڭ ”جۇڭگو سۇيىسپەنشىلىگىن“ ايگىلەيتىن سۋرەتتەردى ۇسىندى.

    سۋرەتتە دۋچيڭجىنىڭ جوۋ ىنلاي، جۋ دى، سۇڭ چيڭليڭ قاتارلى جۇڭگونىڭ اعا بۋىن باسشىلارىمەن بىرگە تۇسكەن سۋرەتى بار ءارى ول كىسىنىڭ ورتالىق ۇلتتار شۋەيۋانىنىڭ كىتاپحاناسىندا ماتەريال كورىپ جاتقان سۋرەتى دە بار.

    ءتوراعا شي جينپيڭ مەملەكەت ىستەر اقىلشىسى اڭشانسۋجيگە ءاربىر سۋرەت ەستەلىككە العان تاريحي كورىنىستى تانىستىردى، اڭشانسۋجي قاتتى تەبىرەنىپ، ءتوراعا شي جينپيڭگە ەرەكشە العىس ايتتى.

    تاريحتىڭ تەگەرشىگى تولاسسىز العا ىلگەرىلەۋدە. ءتوراعا شي جينپيڭ بيرمادا ساپاردا بولعان كەزدە جۇڭگو مەن بيرما ەكى ەل بىرىككەن مالىمدەمە جاريالاپ، مىڭ جىل بويى جالعاسقان باۋىرلاستىق سۇيىسپەنشىلىككە تىڭ تۇسىنىك جاسادى −

    ”ەكى جاق ديپلوماتيالىق قارىم - قاتىناس ورناتقاندىعىنىڭ 70 جىلدىعىن وراي ەتىپ، جۇڭگو مەن بيرمانىڭ ءداستۇرلى”باۋبو“ سۇيىسپەنشىلىگىن اسقاقتاتىپ، ەكى ەلدىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىن تەرەڭدەتىپ، جۇڭگو - بيرما تاعدىرلاس ورتاق تۇلعاسىن قۇرىپ، جۇڭگو - بيرما قارىم - قاتىناسىنىڭ جاڭا داۋىرگە ءوتۋىن ىلگەرىلەتۋگە ءبىر اۋىزدان قوسىلدى“.

جاۋاپتى رەداكتور: جازيرا بولاتباي قىزى