جۇڭگو مەن بيرمانىڭ تاعدىرى ءبىر، باۋىرلاستىق سۇيىسپەنشىلىگى ۇزاقتان جالعاسىپ كەلەدى

  • كەلۋ قاينارى: شينجياڭ گازەتى تورابى
  • 08:23:56 23/01/2020

    ناقتى تيىمدىلىك

    ەندى عانا وتكەن 2019 - جىلدا، جاڭا جۇڭگو قۇرىلعاندىعىنىڭ 70 جىلدىعى كۇللى دۇنيەنىڭ نازارىن اۋداردى.

    ”جاڭا جۇڭگو قۇرىلعان 70 جىلدان بەرى قول جەتكىزگەن ۇلى جەتىستىكتەردى قۇتتىقتايمىن، جۇڭگونىڭ بيرما سياقتى وركەندەۋ جولىنداعى ەلدەرمەن ەل باسقارۋ تاجىريبەلەرىن كوبىرەك ءبولىسۋىن ءۇمىت ەتەمىن، جۇڭگونىڭ تابىستى تاجىريبەسىنىڭ بيرمانىڭ ەكونوميكالىق دامۋىنا، حالىق تۇرمىسىن جاقسارتۋىنا، كەدەيلىكتەن ارىلىپ، بايۋىنا پايدالى ۇلگى ۇسىناتىندىعىنا سەنەمىن“.

    ”كورشى مەملەكەت رەتىندە، بيرما جۇڭگونىڭ دۇنيە ءجۇزى ەكونوميكاسىندا جانە حالىقارالىق ىستەردە ءىرى ەلگە اينالعاندىعىنا قۋانادى. ءبىز ءتوراعا شي جينپيڭنىڭ باسشىلىعىندا، جۇڭگونىڭ، ءسوز جوق، ’قوس 100 جىلدىق‘ كۇرەس نىساناسىن جۇزەگە اسىراتىندىعىنا سەنەمىز“.

    بيرما باسشىلارى ءتوراعا شي جينپيڭگە جانە جۇڭگو حالقىنا قۇرمەتىن ءبىلدىردى، سونداي - اق ەكى ەلدىڭ ءوزارا ءتيىمدى سەلبەستىگىن تەرەڭدەتۋ جونىندە ءۇمىت كۇتىپ وتىرعاندىقتارىن ورتاعا قويدى.

    2020 - جىلى جۇڭگو جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتەتىن، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزەتىن جىلعا اياق باستى، بيرما مەملەكەتتى دامىتۋ قۇرىلىسىنىڭ جاڭا كەزەڭىنە ءوتتى. ساپار كەزىندە، دامۋ تاجىريبەلەرى، دامۋ جولى جۇڭگو مەن بيرما باسشىلارىنىڭ بۇكپەسىز، ىشكەرىلەي كەڭەسۋىنىڭ تاقىرىبىنا اينالدى.

    بىرىنشىدەن كەدەي، ەكىنشىدەن اق بولۋدان دۇنيە جۇزىندەگى ەكىنشى ۇلكەن ەكونوميكالىق تۇلعا بولعانعا دەيىن، جۇڭگونىڭ دامۋى كورشىلەس ەلدەر ءۇشىن، دۇنيە ءجۇزى ءۇشىن قانداي ءمان الادى؟

    ەڭ ۇلكەن ساۋدا سەرىگى، ەڭ ماڭىزدى قارجى قوسۋ سەلبەستىك سەرىگى، شەتەل ساياحاتشىسى ەڭ كوپ كەلەتىن ەل... جۇڭگونىڭ بەيبىت دامۋىندا جانە ”ءبىر بەلدەۋ، ءبىر جول“ قۇرىلىسىندا بيرما ورايدى بايقاپ، بۇل سۇراۋدىڭ جاۋابىن تاپتى.

    جۇڭگو - بيرما ەكونوميكالىق ءدالىزى ۇعىم - جوسپاردان ناقتى قۇرىلىس كەزەڭىنە ءوتىپ، جۇڭگو مەن بيرمانىڭ جوعارى ساپادا ”ءبىر بەلدەۋ، ءبىر جول“دى بىرگە قۇرۋ سەلبەستىگى نىق قادام باستى. بۇل ءتوراعا شي جينپيڭنىڭ وسى ساپاردا قول جەتكىزگەن ماڭىزدى جەتىستىكتەرىنىڭ ءبىرى.

    مەملەكەت ىستەر اقىلشىسى اڭشانسۋجي مىناداي ءبىر اۋىز ءسوز ايتتى: دۇنيە جۇزىمەن دامۋ ورايىن ءبولىسۋ، ءوزارا ءتيىمدى سەلبەستىكتى بەكەمدەۋ ءۇشىن، ءتوراعا شي جينپيڭ بيىكتە تۇرىپ الىستى بولجاپ ”ءبىر بەلدەۋ، ءبىر جول“ باستاماسىن ورتاعا قويدى، ءبىز ”ءبىر بەلدەۋ، ءبىر جول“دىڭ بيرمانى قامتىعان كورشى ەلدەرگە پايدا اكەلەتىندىگىنە، سونداي - اق دۇنيە جۇزىنە سىندارلى داميتىن جانە ءوزارا تيىمدىلىك جاساپ، تەڭ يگىلىككە كەنەلەتىن بولاشاق سيلايتىندىعىنا سەنەمىز.

جاۋاپتى رەداكتور: جازيرا بولاتباي قىزى