حۋبەي ۋحاننان شينجياڭعا كەلگەندەرگە، شينجياڭعا قايتىپ ورالعاندارعا حات

  • كەلۋ قاينارى: ىلە گازەتى
  • 04:51:07 27/01/2020

   

    حۋبەي ۋحاننان شينجياڭعا كەلگەندەر، شينجياڭعا قايتىپ ورالعاندار:

    سالەمەتسىزدەر!

    جاڭا جىلدان بەرى جاڭا تيپتەگى ايدارشا ۆيرۋسىمەن جۇعىمدالۋدان بولعان وكپە قابىنۋ ىندەتى تارالىپ، بۇكىل ەلدىڭ جەر -جەرىندە ىندەتتەن ساقتانۋ جانە ونى تىزگىندەۋ قىزمەتىنىڭ جاعدايى قاتاڭداستى. ىندەت تۋىلعاننان كەيىن شي جينپيڭ جولداستى ۇيتقى ەتكەن پارتيا ورتالىق كوميتەتى وسكەلەڭ ءمان بەردى، باس شۋجي شي جينپيڭ ماڭىزدى نۇسقاۋ بەردى. شينجياڭ ۇيعۇر اۆتونوميالى رايونى باس شۋجي شي جينپيڭنىڭ ماڭىزدى نۇسقاۋىنىڭ رۋحىن باتىل دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، حالىقتى وزەك ەتكەن دامۋ يدەياسىن بەرىك ورناتىپ، حالىق بۇقاراسىنىڭ باس اماندىعى مەن دەنساۋلىعىن ءبىرىنشى ورىنعا قويۋعا تاباندى بولىپ، ىندەتتەن ساقتانۋ جانە ونى تىزگىندەۋ قىزمەتىن بار كۇشپەن جاقسى ىستەۋدە.

    ىندەتتەن ساقتانۋ جانە ونى تىزگىندەۋ قىزمەتىن جاقسى ىستەۋگە سايكەسۋ - ءسىزدىڭ جانە ءسىزدىڭ وتباسىڭىزداعىلاردىڭ، سونداي -اق تۇتاس قوعامنىڭ سالاماتتىعىنا سايادى، سونىمەن بىرگە، «جۇڭحۋا حالىق رەسپۋبليكاسىنىڭ جۇقپالى اۋرۋدان ساقتانۋ جانە ونى ەمدەۋ زاڭى» تالاپ ەتكەن ازاماتتار ارقالاۋعا ءتيىستى جاۋاپكەرلىك پەن بورىش. سوندىقتان ءبىز تومەندەگى بىرنەشە ۇسىنىستى ورتاعا قويامىز: ءبىر اي ىشىندە حۋبەي ۋحاننان شينجياڭعا كەلگەندەر، شينجياڭعا قايتىپ ورالعاندار، ءبىزدىڭ ىندەتتەن ساقتانۋ جانە ونى تىزگىندەۋ قىزمەتىمىزگە سەلبەسىپ، بۇكىل رايونداعى ءار ۇلت بۇقاراسىنىڭ دەنساۋلىعىن قورعاعايسىزدار.

    ءبىرىنشى، ىرىقتىلىقپەن ۇيدە وتىرىپ 15 كۇن اۋاشالانىڭىز، 15 كۇن ىشىندە تۋىستارىڭىزعا، دوستارىڭىزعا امانداسا بارماڭىز، سىرت ادامدارمەن جولىقپاڭىز. 15 كۇننەن كەيىن اۋرۋ بەلگىسى بولماسا، اۋاشالانۋدى توقتاتۋعا بولادى.

    ەكىنشى، قىزۋ، جوتەلۋ بەلگىلەرى بايقالعاندا، دەرەۋ ماسكا تاعىپ، اۆتونوميالى رايوندىق دەنساۋلىق ساقتاۋ، سالاماتتىق كوميتەتى بەلگىلەگەن 212 ءتۇيىندى ەمدەۋ قۇرىلىمىنا بارىپ ناۋقاسىڭىزدى جۇيەلى كورسەتىڭىز. مۇندا شيپاحانالاردىڭ قىزۋ تەكسەرۋ امبولاتورياسىنا تىكە بارىپ كورىنىڭىز، باسقا بولىمدەرگە بارماڭىز. كورىنگەن كەزدە ىرىقتىلىقپەن شيپاگەرگە ۋحانعا ساياحاتتاۋ، ۋحاندا تۇرۋ تاريحىڭىزدى ايتىڭىز.

    ءۇشىنشى، وتباسى مۇشەلەرىنىڭ ساقتىعىن جاقسى ىستەڭىز، قوعامدىق قيمىلدارعا امالدىڭ بارىنشا قاتىناسپاڭىز، ۇيدە قوناق قابىلداماڭىز. بولمەدەن ءجيى جەل وتكىزىپ، ءجيى اۋا الماستىرىپ، ءۇي جيھازدارىن، تۇتىنۋ بۇيىمدارىن ءار كۇنى تازالاڭىز ءارى مەرزىم بويىنشا زالالسىزداندىرىڭىز.

جاۋاپتى رەداكتور: گۇلدەن ماقسات قىزى