حۋبەيدەن (ۋحاننان) ىلەگە قايتىپ ورالعاندارعا نەمەسە ىلەگە كەلگەندەرگە حابارلاندىرۋ

  • كەلۋ قاينارى: ىلە گازەتى
  • 04:53:52 27/01/2020

 

    حۋبەيدەن (ۋحاننان) ىلەگە قايتىپ ورالعاندار نەمەسە ىلەگە كەلگەندەر:

    سالەمەتسىزدەر!

    تاياۋدا حۋبەي ولكەسىنىڭ ۋحان قالاسى سياقتى كوپتەگەن وڭىرلەردە جاڭا تيپتەگى ايدارشا ۆيرۋسىمەن جۇعىمدالۋدان بولعان وكپە قابىنۋ ىندەت جاعدايى تۋىلىپ، بۇكىل ەلىمىزدىڭ جەر – جەرىندە ىندەتتەن ساقتانۋ جانە تىزگىندەۋ قىزمەتى قاتاڭ جاعدايعا ءوتتى. ىندەت جاعدايى تۋىلعاننان كەيىن پارتيا ورتالىق كوميتەتى، مەملەكەتتىك كەڭەس بۇعان وسكەلەڭ ءمان بەردى، باس شۋجي شي جينپيڭ ماڭىزدى نۇسقاۋ بەرىپ، حالىق جۇرتشىلىعىنىڭ باس اماندىعى مەن دەنساۋلىق اقاۋسىزدىعىن بارىنەن ماڭىزدى ورىنعا قويىپ، ىندەتتىڭ تارالۋىن باتىل تىزگىندەۋدى باسا دارىپتەدى. تۇتاس اۆتونوميالى رايونداعى دەنساۋلىق ساقتاۋ – سالاماتتىق جۇيەسى ىندەتتەن ساقتانۋ جانە ونى تىزگىندەۋ قىزمەتىن باركۇشپەن ويداعىداي ىستەۋدە.

    ءبىز مىناعان ۇندەيمىز: 1 – ايدىڭ 10 – كۇنىنەن بەرى حۋبەيدەن (ۋحاننان) ىلەگە قايتقاندار نەمەسە ىلەگە كەلگەندەر جەرگىلىكتى ۇكىمەتتىڭ ىندەتتەن ساقتانۋ جانە ونى تىزگىندەۋ قىزمەتىنە بەلسەنە سايكەسۋلەرىڭىزدى ءارى تومەندەگى قاتىستى قىزمەتتەردى ىرىقتىلىقپەن ويداعىداي ىستەۋلەرىڭىزدى ءۇمىت ەتەمىز.

    1. ىلەگە كەلىسىڭىزبەن دەرەۋ اۋەجايدىڭ، پويەز بەكەتىنىڭ، جولاۋشىلار بەكەتىنىڭ شىعار اۋزىنداعى تىزىمدەۋ ورنىنا ءوزىڭىزدىڭ قاتىستى ينفورماتسيالارىڭىزدى تىزىمگە الدىرىڭىز.

    2. 1 – ايدىڭ 10 – كۇنىنەن بەرى حۋبەيدەن (ۋحاننان) ىلەگە قايتقاندار نەمەسە ىلەگە كەلگەندەر تۇگەل تۇرعان قىستاققا (الەۋمەتتىك اۋماق) دەرەۋ بارىپ قاتىستى ينفورماتسيالارىڭىزدى تىزىمگە الدىرىڭىز نەمەسە اۋدان – قالالارداعى جاڭا تيپتەگى ايدارشا ۆيرۋسىمەن جۇعىمدالۋدان بولعان وكپە قابىنۋ ىندەتى جاعدايىنان ساقتانۋ – جانە ونى تىزگىندەۋ قولباسشىلىق شتابىنا تەلەفون بەرىپ ىلەگە كەلگەن ۋاقىتىڭىزدى، وتىرعان كولىگىڭىزدىڭ رەتىن (كولىك ءنومىرىن، كەزەكشى ۇشاق ءنومىرىن)، ۆاگون ءنومىرىن، ورىندىق ءنومىرىن، سونداي – اق جاقىنعى (ىلەگە كەلگەن 14 كۇن ىشىندە) ءار كۇنگى قيمىل كولەمىڭىز بەن كەزدەسكەن ادامدارىڭىز جونىندەگى مالىمەتتەرمەن قامداڭىز.

    3. 1 – ايدىڭ 10 – كۇنىنەن بەرى حۋبەيدەن (ۋحاننان) ىلەگە قايتقاندار نەمەسە ىلەگە كەلگەندەردەن قىزۋ جاعدايى بايقالماسا دا، كەمىندە 14 كۇن ۇزبەي مەديتسينالىق باقىلاۋ جۇرگىزۋدى (ۇيىندەگىلەر ءار كۇنى تاڭەرتەڭ – كەش ەكى ۋاق دەنە تەمپەراتۋراسىن ولشەتىپ، ەستەلىككە الدىرۋى) قابىلداۋىڭىز كەرەك. سونىمەن بىرگە، قاتىستى ەمدەۋ قىزمەتكەرلەرىنىڭ باقىلاۋىنا جانە مەديتسينالىق جاقتان باقىلاۋ جۇرگىزۋىنە بەلسەنە سايكەسۋىڭىز كەرەك.

جاۋاپتى رەداكتور: گۇلدەن ماقسات قىزى