شي جينپيڭ افريكا وداعىنىڭ 33 - كەزەكتى باسشىلار كەڭەسىنە قۇتتىقتاۋ تەلەگرامماسىن جولدادى

  • كەلۋ قاينارى: ىلە گازەتى
  • 05:48:24 12/02/2020

 

    شينحۋا اگەنتتىگىنىڭ 2 – ايدىڭ 9 – كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 2 – ايدىڭ 9 – كۇنى ەفيوفيانىڭ استاناسى ادديس ابەبادا وتكىزىلگەن افريكا وداعىنىڭ 33 – كەزەكتى باسشىلار كەڭەسىنە قۇتتىقتاۋ تەلەگرامماسىن جولداپ، افريكا ەلدەرىن جانە حالقىن قىزۋ قۇتتىقتادى.

    شي جينپيڭ بىلاي دەپ اتاپ كورسەتتى: بىلتىردان بەرى افريكا وداعىنىڭ جەتەكشىلىگىندە افريكا ەلدەرى وزدەرىنىڭ ءىس جۇزىندىگىنە ۇيلەسەتىن دامۋ جولى جونىندە بەلسەندى ىزدەنىس جاساپ، افريكا تاسىلىمەن افريكا ماسەلەسىن شەشۋگە تاباندى بولدى، افريكا قۇرلىعى ەركىن ساۋدا رايونى رەسمي ىسكە قوسىلىپ، افريكانىڭ بىرلەسىپ الۋەتتەنۋ اياق الىسى نىق قاداممەن ىلگەرىلەپ، حالىقارالىق ىقپالى ۇزدىكسىز ارتتى.

    شي جينپيڭ بىلاي دەپ باسا دارىپتەدى: كەزەكتە جۇڭگو مەن افريكا قارىم - قاتىناسى تاريحتاعى ەڭ جاقسى مەزگىلدە تۇر.

    جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋى جۇڭگو مەن افريكا دوستىعىن جوعارى ورلەۋگە كوتەرۋگە جەتەكتەپ، باسشىلار باس قوسۋى جەتىستىگىنىڭ ىلگەرىلەتىلۋى، تياناقتانۋى ءار سالاداعى ناقتى سەلبەستىككە جاڭا قوزعاۋشى كۇش ۇستەدى. دۇنيە ءجۇزى ءجۇز جىلدا بولماعان زور وزگەرىسكە ءدوپ كەلگەندە، اناعۇرلىم ەتەنە جۇڭگو – افريكا تاعدىرلاس ورتاق تۇلعاسىن بىرگە ورناتۋ جۇڭگو مەن افريكا حالقىنىڭ ورتاق مۇددەسىنە ۇيلەسەدى. جۇڭگو ۇزدىكسىز شىنايى، تۋىستاس، ادال ساياسي ۇستانىم مەن دۇرىس ءمورال – مۇددە كوزقاراسىن ۇستانىپ، تالقى مىنبەرىنىڭ بەيجيڭدەگى باسشىلار باس قوسۋى جەتىستىگىن جاپپاي ىلگەرىلەتىپ، تياناقتاندىرىپ، جۇڭگو مەن افريكانىڭ «ءبىر بەلدەۋ، ءبىر جولدى» بىرگە قۇرۋىن جەدەل ىلگەرىلەتىپ، افريكانىڭ دامۋىنا، گۇلدەنۋىنە اناعۇرلىم زور ۇلەس قوسىپ، جۇڭگو مەن افريكا حالقىن اناعۇرلىم تاماشا باقىتقا كەنەلتەدى.

جاۋاپتى رەداكتور: گۇلدەن ماقسات قىزى