اۆتونوميالى وبلىس وندىرىسكە بارىنشا كەپىلدىك ەتىپ، ىندەتتەن ساقتانۋ -تىزگىندەۋ جالپى جاعدايىنا بەلسەنە قىزمەت وتەدى

  • كەلۋ قاينارى: ىلە گازەتى
  • 06:57:38 13/02/2020

    ىندەتتەن ساقتانۋ-تىزگىندەۋدىڭ توسقاۋىل شايقاسى شەشۋشى كەزەڭگە ءوتتى. وسى حالىقتىق شايقاستا، جالپى تۇلعالىق شايقاستا، توسقاۋىل شايقاستا، ءسوزسىز، جەڭىسكە جەتەتىن بەرىك سەنىم ورناتىپ، عىلمي تاكتيكا، ناقتى ستيلمەن ىندەتتىڭ ءورشۋىن ۋاقىتپەن جارىسا توسقاۋىلداۋمەن بىرگە، ىندەت كەزىندەگى تۇرمىستىق بۇيىمدارمەن قامداۋعا كەپىلدىك ەتۋ؛ شايقاستىڭ جەڭىسىنە قول جەتكىزىپ قانا قالماستان، ءوندىرىستى، جۇمىستى جۇيەلى قالپىنا كەلتىرىپ، بيىلعى ەكونوميكالىق، قوعامدىق دامۋ نىسانا-مىندەتتەرىن جۇزەگە اسىرۋ جولىندا قۇلشىنۋ كەرەك. ءتىلشى تىلشىلىك ىستەۋ بارىسىندا وسى حالىقتىق شايقاستا وبلىستىڭ ءبىر جاعىنان ىندەتتەن ساقتانۋ-تىزگىندەۋ قىزمەتىن، ەندى ءبىر جاعىنان ءوندىرىستى مىقتى يگەرىپ، قاربالاس تا جۇيەلى، جاپالى دا ۇمىتكە تولى قوعامدىق اۋان قالىپتاستىرعانىن سەزىندى.

    قىزمەتتەن شاشاۋ شىعارۋعا بولمايدى

    «حى مەڭگەرۋشى، الاڭسىز بولىڭىز! ءبىزدىڭ كومىر تيەگەن ماشينامىز قازىر - اق جەتىپ بارادى» دەدى مەملەكەت قارجىلاندىرۋىنداعى ىلە ەنەرگيا اشۋ شەكتى سەرىكتىگىنىڭ كومىر تاسۋشى شوفەرى زاتتىق ماتەريالدار ءبولىمىنىڭ جاۋاپتىسى حى جۇنۋيعا تەلەفون شالىپ.

    ىندەت كەزىندە ەلەكترمەن، جىلۋمەن قامداۋدى قامتاماسىزداندىرۋ ەڭ ماڭىزدى قىزمەت سانالادى. مەملەكەت قارجىلاندىرۋىنداعى ىلە ەنەرگيا اشۋ شەكتى سەرىكتىگى ءار كۇنى 12 ميلليون كيلوۆات - ساعات توك تاراتىپ، كۇنىنە شامامەن 8 مىڭ توننا كومىر ىستەتىپ وتىردى. ءار دارەجەلى پارتكومنىڭ، ۇكىمەتتىڭ قامقورلىعى مەن سايكەستىرۋىندە سەرىكتىكتىڭ كومىر تاسىمالداۋ قىزمەتى ىقپالعا ۇشىرامادى، كومىر باسقارۋ ءبولىمىنىڭ كومىردى اكەلۋ، ءتۇسىرۋ جۇمىسى دا قالىپتى ءجۇرىلىپ جاتتى. جۇمىسشىلار ۇستەمە جۇمىس ىستەدى، نولدەن تومەن ون نەشە سەلتسي گرادۋستىق سۋىقتا بەت -قولدارىن اياز قارىسا دا ولار شارشادىق دەپ ايتىپ كورگەن ەمەس. «ىندەتتەن ساقتانۋ - تىزگىندەۋ شايقاسىندا ءار ادام - جاۋىنگەر، ءبىزدىڭ مىندەتىمىز - ەلەكترمەن، جىلۋمەن قامداۋعا كەپىلدىك ەتۋ» دەدى قابىلداۋ -ءتۇسىرۋ بانىنىڭ بانجاڭى ۋاڭ جياڭلۇڭ تىلشىگە. ول باندە ادام كەمشىل جاعدايدا تاباندىلىقپەن قىزمەت ىستەپ، 3 كۇن، 3 ءتۇن قاربالاس قىزمەتتىڭ باسى -قاسىندا بولىپ، شارشاسا ازىراق مىزعاپ، قارنى اشسا دايار كەسپەنى اۋجال ەتتى.

    2 – ايدىڭ 1 – كۇنىنەن باستاپ ىندەتتەن ساقتانۋ – تىزگىندەۋ قىزمەتىنىڭ قاجەتىنە ساي ءوندىرىس حاۋىپسىزدىگىنە ىقپال جەتكىزبەۋ ءۇشىن، مەملەكەت قارجىلاندىرۋىنداعى ىلە ەنەرگيا اشۋ شەكتى سەرىكتىگى پارتكومى اقىلداسا كەلىپ، ءوندىرىس پەن ماڭىزدى قىزمەت ورنىنداعى قىزمەتكەرلەردىڭ تۇگەلدەي سەرىكتىكتە تۇنەپ قىزمەت ىستەۋىن ۇيعاردى. بۇيرىق تۇسىرىلىسىمەن پارتيالى كادرلار، قىزمەتكەرلەر بەلسەنە سايكەسىپ، كورپە – جاستىق، اۋىستىراتىن كيىم – كەشەك، تازالىق بۇيىم سياقتى قاجەتتى بۇيىمدارىن اكەلىپ، تۇگەلدەي سەرىكتىككە جايعاستى. وسىلايشا 235 قىزمەتكەر سەرىكتىكتە تۇنەپ ءوندىرىس حاۋىپسىزدىگىنە كەپىلدىك ەتتى. ەلەكتر تاراتۋ ءبولىمىنىڭ قىزمەتكەرى يان يانجۇن بىلاي دەدى: «ىندەت كەزىندە ءبىز قىزمەتتى اناعۇرلىم مۇقيات ىستەيمىز».

جاۋاپتى رەداكتور: گۇلدەن ماقسات قىزى