اۆتونوميالى وبلىس وندىرىسكە بارىنشا كەپىلدىك ەتىپ، ىندەتتەن ساقتانۋ -تىزگىندەۋ جالپى جاعدايىنا بەلسەنە قىزمەت وتەدى

  • كەلۋ قاينارى: ىلە گازەتى
  • 06:57:38 13/02/2020

    موڭعۇلكۇرە اۋدانى شياندان نيلان كيىم – كەشەك شەكتى سەرىكتىگىنىڭ ءوندىرىس سەحىندا 8 قىزمەتكەر قاربالاس كيىم – كەشەك تىگىپ، ىندەتتەن ساقتانۋ – تىزگىندەۋ الدىڭعى شەبىندە قىزمەت ىستەپ جاتقان قىزمەتكەرلەردىڭ قورعانۋ كيىمى بولۋىنا كەپىلدىك ەتتى.

    موڭعۇلكۇرە اۋدانى شياندان نيلان كيىم – كەشەك شەكتى سەرىكتىگىنىڭ باس ديرەكتورى، ىلە وبلىستىق كيىم – كەشەك كاسىپتىك قوعامىنىڭ ۇنەمىلىك ىستەرگە جاۋاپتى ورىنباسار باستىعى شۋە فىڭشيان بىلاي دەدى: «وندىرگەن حالىقتىق قورعانۋ كيىمدەرىمىزدى ۇكىمەتتىڭ تۇگەلىمەن ءبىر تۇتاس ۇلەستىرۋىنە وتكىزۋدەمىز. ءبىز پارتيا مەن ۇكىمەتتىڭ ۇندەۋىنە بەلسەنە ءۇن قوسىپ، 2 – ايدىڭ 2 – كۇنىنەن باستاپ بارلىق جۇمىسشى – قىزمەتكەرلەرگە كوكتەم مەرەكەسىنىڭ 9 – كۇنىنەن باستاپ ءوندىرىستى دەرەۋ قالپىنا كەلتىرىپ، حالىقتىق قورعانۋ كيىمدەرىن ءوندىرۋ كەرەكتىگىن حابارلادىق».

    حابارلى بولعان قىزمەتكەرلەر قيىنشىلىقتى جەڭىپ، ارت – ارتىنان قىزمەت ورىندارىنا قايتا ورالىپ، ىندەتتەن ساقتانۋ – تىزگىندەۋ قىزمەتىنە ءوز ۇلەستەرىن قوسۋدا ەكەن. 40 جاسقا كەلگەن تاجىريبەلى قىزمەتكەر چىن حۇڭجۋان كوكتەم مەرەكەسى كەزىندەگى كوپ ۋاقىتىن ءوندىرىس سەحىندا وتكىزگەن. حالىقتىق قورعانۋ كيىمىن ۇلگىرتىپ ءوندىرۋ ءۇشىن، ول ۇدايى 8 كۇن سەرىكتىكتە جاتىپ – تۇرىپ، ءار كۇنى دەرلىكتەي 15 ساعاتتان ارتىق قىزمەت ىستەگەن. «ءبىزدىڭ بۇلاي ىستەۋىمىز كوپ اقشا تابۋ ءۇشىن ەمەس، قايتا حالىقتىق قورعانۋ كيىمىن ەرتەرەك ءوندىرىپ، ءبىرىنشى شەپتەگى قىزمەتكەرلەردىڭ حاۋىپسىزدىگىنە كەپىلدىك ەتۋ ءۇشىن» دەدى چىن حۇڭجۋان.

    «كاسىپتىك ورىنداردىڭ سايكەستىرۋىمەن ءبىز پوچتا اقىسىز جاسىل ارناسى ارقىلى 600 كيلوگرامدىق حالىقتىق قورعانۋ كيىمىنە قاجەتتى كەزدەمەنى ساتىپ الدىق، ال جەرگىلىكتى ورىننان سىدىرما جانە جيىرىلمالى باۋدى جەتەرلىك تولىقتادىق» دەدى شۋە فىڭشيان. ساپا ولشەمىنە ساي كەلەتىن ونىمدەردى ۇلگىرتىپ ءوندىرۋ ۇشىن، قىزمەتكەرلەر ۇستەمەلەپ جۇمىس ىستەگەن، ەندى ءبىر جاعىنان بازاردى باقىلاپ – باسقارۋ ورىندارىنىڭ ءونىم ساپاسىن تەكسەرىپ – جەتەكشىلىك ەتۋىن بەلسەنە قابىلداعان. شياندان نيلان كيىم – كەشەك شەكتى سەرىكتىگى - موڭعۇلكۇرە اۋدانىنداعى حالىقتىق قورعانۋ كيىمىن وندىرەتىن بىردەن – ءبىر كاسىپورىن، ءار كۇنى شامامەن 100 پار حالىقتىق قورعانۋ كيىمىن وندىرەدى ەكەن.

    «ىندەتتەن ساقتانۋ قىزمەتىندە تەك شيراقى بولۋ، استە، بوساڭسىماۋ كەرەك»

    2 – ايدىڭ 7 – كۇنى ىلە حىڭحۇي كراحمال شەكتى جاۋاپكەرلىك سەرىكتىگىنە كەلگەن تىلشىگە قاربالاستىق ىشىندە جۇرگەن اماندىقتى ساقتاۋ جاۋاپتىسى لي ۋىن الدىنداعى تىزىمدەۋ كەستەسىن كورسەتىپ، بىلاي دەدى: «بۇل - كەزەكشى قىزمەتكەرلەر مەن تيەۋ – ءتۇسىرۋ قىزمەتكەرلەرىنىڭ ءار كۇنگى ەكى رەتكى دەنە تەمپەراتۋراسىن ولشەۋ ەستەلىگى، ءبىز زاۆودقا كىرىپ زات تاسىمالدايتىن بارلىق كولىكتەردى دەزينفەكسيالاپ، شوفەرلەردىڭ دەنە تەمپەراتۋراسىن ولشەيمىز».

جاۋاپتى رەداكتور: گۇلدەن ماقسات قىزى