اۆتونوميالى وبلىس وندىرىسكە بارىنشا كەپىلدىك ەتىپ، ىندەتتەن ساقتانۋ -تىزگىندەۋ جالپى جاعدايىنا بەلسەنە قىزمەت وتەدى

  • كەلۋ قاينارى: ىلە گازەتى
  • 06:57:38 13/02/2020

    ءوندىرۋ – مانەرلەۋ سەحىندا ءتىلشى جۇمىسشى – قىزمەتكەرلەردىڭ ماسكا تاعىپ، ارناۋلى كيىمدەرىن كيىپ جۇمىس ىستەپ جاتقانىن كوردى. «سەرىكتىك ىندەتتەن ساقتانۋ بىلىمدەرىن ۇيرەنۋگە جۇمىلدىردى، ءبىز ءار كۇنى دەنە تەمپەراتۋراسىن ولشەپ، ءوندىرىس سەحى مەن جاتاقتاردى دەزينفەكسيالايمىز» دەدى ءبىر جۇمىسشى تىلشىگە.

    ىلە حىڭحۇي كراحمال شەكتى جاۋاپكەرلىك سەرىكتىگى قاتىستى جىنتىكتەي مانەرلەۋ كاسىپورىندارىن جەتكىلىكتى شيكىزاتپەن تولىق قامداۋ ءۇشىن، ءوندىرىستى جەدەلدەتتى. جەرگىلىكتى پارتكوم مەن ۇكىمەتتىڭ جەتەكشىلىگىندە ىندەتتەن ساقتانۋ – تىزگىندەۋدىڭ ءتۇرلى شارالارىن قاتاڭ تياناقتاندىرىپ، ىندەتتەن ساقتانۋ – تىزگىندەۋدىڭ توسقاۋىل شايقاسىندا جەڭىسكە جەتۋگە كەپىلدىك ەتتى. «جۇمىستى، ءوندىرىستى قالپىنا كەلتىرۋمەن بىرگە، ىندەتتەن ساقتانۋ قىزمەتىندە دە، استە، بوساڭسىماۋىمىز كەرەك» دەدى سەرىكتىك جاۋاپتىسى. سەرىكتىكتە ۋاقىتتىق ىندەتتەن ساقتانۋ قىزمەت گرۋپپاسى قۇرىلىپ، ءارقايسى تاراۋدىڭ ىندەتتەن ساقتانۋ قىزمەتىن باقىلاۋعا، تەكسەرۋگە جالپى بەتتىك جاۋاپتى بولعان. كاسىپورىن جابىق كۇيدە باسقارۋدى ويداعىداي ىستەۋمەن بىرگە، زات تاسىمالدايتىن جۇك اۆتوموبيلدەرى مەن شوفەرلەردى باسقارۋ – مەڭگەرۋدى كۇشەيتكەن. شيكىزاتپەن قامداۋعا كەپىلدىك ەتۋ ءۇشىن، كوكتەم مەرەكەسى كەزىندە كاسىپورىن ءوندىرىستى جالعاستىرىپ، 210 جۇمىسشى كەزەكتەسىپ ىستەپ، قارقىندى تەزدەتكەن.

    2 – ايدىڭ 8 – كۇنى بيڭتۋان 4 – ديۆيزياسى چۋاڭجين مال شارۋاشىلىق شەكتى سەرىكتىگىنىڭ قىزمەتكەرى جاڭ يۇيحۋا تاڭ بوزىنان اۆتوماتتى ساۋىنحاناداعى جۇمىسىن باستادى، ول بىلاي دەدى: «سەرىكتىك پارتيا ياچەيكاسى ىندەتتەن ساقتانۋ – تىزگىندەۋدىڭ ءتۇرلى قىزمەتتەرىن ويداعىداي ورنالاستىرىپ، ءبىزدىڭ الاڭسىز قىزمەت ىستەۋىمىزگە مۇمكىندىك جاسادى». 1 – ايدان بەرى، چۋاڭجين مال شارۋاشىلىق شەكتى سەرىكتىگى جابىق ءوندىرىس جۇرگىزىپ، ءار كۇنى بارلىق جۇمىسشى – قىزمەتكەرلەردىڭ دەنە تەمپەراتۋراسىن ولشەپ، ىندەتتەن ساقتانۋ – تىزگىندەۋ قىزمەتىن جاقسى ىستەپ، مال شارۋاشىلىق وندىرىسىندە ەكىنى اقساتپادى. سەرىكتىكتە ىندەتتەن ساقتانۋ – تىزگىندەۋ قولباسشىلىق شتابى قۇرىلىپ، نەگىزگى باسشىلار سەرىكتىكتە قىزمەتكە جەتەكشىلىك ەتىپ، 7 بولىمشە سەرىكتىكتىڭ ىندەتتەن ساقتانۋ – تىزگىندەۋ قىزمەتى مەن مال شارۋاشىلىق ءوندىرىس قىزمەتىن ءبىر تۇتاس سايكەستىردى. 7 بولىمشە سەرىكتىك ىندەتتەن ساقتانۋ زاتتارىن دەر كەزىندە ساتىپ الدى ءارى ىندەتتەن ساقتانۋ ۇگىت ماتەريالدارىن ءاربىر قىزمەتكەرگە تاراتىپ، ءار كۇنى راديو ارقىلى قىزمەتكەرلەرگە ىندەتتەن ساقتانۋ بىلىمدەرىن ۇگىتتەدى.

    «سەرىكتىكتە قازىر 6 مىڭنان استام سيىر بار، قوراداعى سويىس سيىردىڭ سانى 15 مىڭنان اسادى، ٴار كۇنى 15 توننا ٴسۇت ءوندىرىلىپ، بازار قاجەتىن قاناعاتتاندىرۋدا. ونىڭ ۇستىنە ىندەت تارالعان كەزدە باعا وسىرىلمەدى. قازىر باعىمشىلىقپەن شۇعىلداناتىن ءوندىرىس – تيجارات ورىندارىنداعى جۇمىسشى – قىزمەتشىنىڭ ٪95 ى قىزمەت ورنىندا تاپجىلماي قىزمەت ىستەۋدە. ءوندىرىستى بار كۇشپەن مىقتى يگەرۋدىڭ ءوزى ىندەتتەن ساقتانۋ – تىزگىندەۋ قىزمەتىن بارىنشا قولداعاندىق» دەدى سەرىكتىكتىڭ باس جوراسى گۋ جيانفىڭ.

جاۋاپتى رەداكتور: گۇلدەن ماقسات قىزى