اۆتونوميالى وبلىس وندىرىسكە بارىنشا كەپىلدىك ەتىپ، ىندەتتەن ساقتانۋ -تىزگىندەۋ جالپى جاعدايىنا بەلسەنە قىزمەت وتەدى

  • كەلۋ قاينارى: ىلە گازەتى
  • 06:57:38 13/02/2020

    اۆتونوميالى وبلىستا جۇمىستى، ءوندىرىستى قايتا باستاعان ورىندار مەن كاسىپورىندار ءوندىرىس پەن ىندەتتەن ساقتانۋ – تىزگىندەۋدى مىقتى يگەرىپ، ەكەۋىنەن دە شاشاۋ شىعارمادى.

    «كوكتەم الىس ەمەس»

    مەملەكەتتىك جەلەكتىلەردىڭ ەڭبەك سىڭىرگەن ونەگەسى، اۆتونوميالى رايوننىڭ «8 – ناۋرىز» قىزىلتۋشىسى قاتارلى داڭقتى اتاقتاردىڭ يەگەرى، زىسۋليرىن بيو – تەحنيكا شەكتى سەرىكتىگىنىڭ باس جوراسى ياڭ جيانشين ىندەت جاعدايى الدىندا ەڭ الدىمەن سەرىكتىكتىڭ ٴوندىرىس سەحىندا بۇرىلىس جاسادى. ول ەگىنشىلىك كالەندارى بويىنشا جاڭا جىلدىڭ 5 – كۇنىنەن باستاپ جابىق كۇيدەگى باكتەرياسىز ٴوندىرىس سەحىندا ىندەتتەن ساقتانۋ – تىزگىندەۋ ونىمدەرىن وندىرۋگە جەتەكشىلىك ەتتى. قۇمىرا – قۇمىرا سپيريت دەزينفەكسيا سۇيىقتىعىن ٴوندىرىپ بازارعا شىعارىپ، اۆتونوميالى وبلىستىڭ ىندەتتەن ساقتانۋ – تىزگىندەۋ قاجەتىن قامتاماسىزداندىردى.

    قۇلجا قالاسى كۇنمو كيىم – كەشەك سەرىكتىگىنىڭ مانەرلەۋ سەحىندا نەشە ونداعان تىگىن ماشيناسى توقتاۋسىز جۇمىس ىستەپ، كيىمدەر قىزمەتكەرلەردىڭ قولىنان ءاپ – ساتتە دايىن بولۋدا.

    زەرتتەپ اشۋ، مانەرلەۋ، ساتۋ ءبىر تۇلعالانعان قۇلجا قالاسى كۇنمو كيىم – كەشەك سەرىكتىگىندە 4 ءوندىرىس جەلىسى، 110 جۇمىسكەر بار. ىندەت جاعدايى تۋىلعاننان بەرى سەرىكتىك زاۆود رايونىندا دەزينفەكسيالاۋ، اۋا الماستىرۋ جانە جۇمىسشى – قىزمەتكەرلەردى قورعاۋ قىزمەتىن بار كۇشپەن جاقسى ىستەۋمەن بىرگە، كۇنىنە ءار ءوندىرىس جەلىسىندە 700 دەن استام ەمدەۋ – كۇتىمدەۋ بۇيىمىن وندىرۋگە كەپىلدىك ەتتى. «ءبىز ەگىنشىلىك كالەندارى بويىنشا جاڭا جىلدىڭ 3 – كۇنىنەن باستاپ ۇستەمەلەپ جۇمىس ىستەدىك، جۇمىسكەرلەر كۇنىنە 6 ساعات مولشەرىندە دەمالادى. ءبىز ٴبىرىنشى شەپتەگى ەمدەۋ قىزمەتكەرلەرى ءۇشىن، ارتقى شەپ قامداۋىن ويداعىداي ىستەپ، ىلەنىڭ ىندەتتەن ساقتانۋ – تىزگىندەۋ شايقاسىنىڭ جەڭىسىنە جەتۋىنە بارىنشا كۇش سالۋدى، جەڭىس كۇنىن ەرتەرەك قارسى الۋدى ءۇمىت ەتەمىز» دەدى سەرىكتىكتىڭ ٴوندىرىس زاۆودىنىڭ باستىعى شيۇڭ جيەليان نىق سەنىممەن.

    ىلە القابىندا ىندەتتەن ساقتانۋ – تىزگىندەۋ توسقاۋىل شايقاسى كەڭ كولەمدە ورىستەتىلىپ، جۇرت كوكەيىندە ءۇمىت پەن سەنىم ارتىپ، تاماشا بەينە جارىققا شىعۋدا.

جاۋاپتى رەداكتور: گۇلدەن ماقسات قىزى