ٴومىردى ايالاۋ ورتاق تىلەگىمەن ىندەتكە قارسى شايقاس جاسادى

  • كەلۋ قاينارى: ىلە گازەتى
  • 06:58:13 14/02/2020

    دياگنوزى جاڭا تيپتى ايدارشا ۆيرۋس وكپە قابىنۋ ىندەتى دەپ تۇراقتاندىرىلعان ناۋقاس شۇعىل قۇتقارۋ اۆتوموبيلىمەن وبلىستىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ – تىزگىندەۋ بويىنشا بەلگىلەنگەن شيپاحاناعا جەدەل جەتكىزىلدى، ەمدەۋ قىزمەتكەرلەرى ىلە – شالا ناۋقاستى اۋاشالاپ ەمدەۋ بولمەسىنە جەتكىزىپ، اۋرۋ بەلگىسىن كورۋ، اۋرۋ جاعدايىن تەكسەرۋ، ەمدەۋ - قۇتقارۋ جۇمىستارىن تارتىپپەن جۇرگىزىپ جاتتى...

    وبلىستىق جاڭا تيپتى ايدارشا ۆيرۋس وكپە قابىنۋى بويىنشا بەلگىلەنگەن قۇتقارۋ – ەمدەۋ شيپاحاناسى ەمدەۋ – قۇتقارۋ گرۋپپاسىنىڭ ورىنباسار باستىعى، وبلىستىق شينحۋا شيپاحاناسى پارتكومىنىڭ مۇشەسى، شيپاحانانىڭ ورىنباسار باستىعى ءدىلمۇرات نۇراحىمەت: «قولباسشىلىق شتابىنىڭ ناۋقاستى جوتكەۋ بۇيرىعىن تاپسىرىپ العاننان كەيىن، شيپاحانامىزدىڭ ناۋقاستاردى جوتكەۋ دايىندىق جوباسىن ىسكە قوسىپ، بيڭتۋان 4 – ديۆيزياسىنىڭ قاتىستى ەمدەۋ قىزمەتكەرلەرىمەن بايلانىس جاساۋ ارقىلى ناۋقاستى شيپاحانامىزعا دەر كەزىندە حاۋىپسىز جوتكەپ اكەلىپ، ناۋقاسقا دەر كەزىندە عىلمي ەمدەۋ جۇرگىزدىك، قازىر ناۋقاس جاعدايى ورنىقتى» دەدى.

    ىندەتتەن ساقتانۋ – تىزگىندەۋ قىزمەتى ۇرىمتال كەزەڭگە ٴدوپ كەلگەن جاعداي الدىندا اۆتونوميالى رايون مىنانى باسا دارىپتەدى: بىرلەسىپ ساقتانۋ، بىرلەسىپ تىزگىندەۋ، بۇقارالىق ساقتانۋ، بۇقارالىق تىزگىندەۋدى بار كۇشپەن ويداعىداي ىستەپ، تۇتاس شينجياڭ «ٴبىر تۇلعا»، بيڭتۋان مەن جەرگىلىكتى ورىن «ٴبىر تۇلعا» دەگەنگە تاباندى بولىپ، ىندەتتەن ساقتانۋ – تىزگىندەۋ توسقاۋىل شايقاسىن تاباندىلىقپەن باتىل جۇرگىزۋ كەرەك. ىندەت تۋىلعاننان بەرى اۆتونوميالى وبلىس پەن بيڭتۋان 4 – ديۆيزياسى بىرلەسىپ ساقتانۋ، بىرلەسىپ تىزگىندەۋ، بىرلەسىپ ەمدەۋ قىزمەتىنە باسشىلىق ەتۋ گرۋپپاسىن قۇردى، وبلىستاعى بەلگىلەنگەن شيپاحانالارمەن بۇراتالا موڭعۇل اۆتونوميالى وبلىسى جانە بيڭتۋان 4 ـ ديۆيزياسى، 5 – ديۆيزياسى جاڭا تيپتى ايدارشا ۆيرۋس وكپە قابىنۋىنا شالدىققان ناۋقاستاردى جوتكەۋ، بايلانىس مەحانيزمىن جەدەل قالىپتاستىرىپ، ينفورماتسيا اۋىستىرۋ، تەكسەرۋشىلەردى سايكەستىرۋ، ٴدارى – دارمەك ماتەريالدارىمەن قامداۋ، ناۋقاستاردى قۇتقارۋ كولىكتەرىمەن دەر كەزىندە قابىلداپ ەمدەۋ سياقتى جاقتارعا قولداۋ كورسەتتى.

    وبلىستىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ – تىزگىندەۋ قولباسشىلىق شتابى ەمدەۋ – قۇتقارۋ گرۋپپاسىنىڭ ورىنباسار باستىعى، وبلىستىق پارتكومنىڭ ورىنباسار باس حاتشىسى ساۋ جيان: «قولباسشىلىق شتابىمىز وبلىسىمىزدىڭ بيڭتۋان مەن جەرگىلىكتى ورىننىڭ بىرلەسىپ ساقتانۋ، بىرلەسىپ تىزگىندەۋ، بىرلەسىپ ەمدەۋ مەحانيزمى بويىنشا، اۆتونوميالى رايوننىڭ، اۆتونوميالى وبلىستىڭ ەمدەۋ ماماندارىن ٴاربىر ناۋقاسقا بىرلەسىپ دياگنوز قويۋعا، ەمدەۋگە جەدەل سايكەستىرىپ، ناۋقاستاردىڭ دەر كەزىندە ەمدەلۋىنە كەپىلدىك ەتەدى» دەدى.

جاۋاپتى رەداكتور: گۇلدەن ماقسات قىزى