وبلىسقا توتە قاراستى ورىندار كوپ ٴتۇرلى شارا قولدانىپ، ەت باعاسىنىڭ ورنىقتى بولۋىنا كەپىلدىك ەتتى

  • كەلۋ قاينارى: ىلە گازەتى
  • 07:03:40 14/02/2020

    قۇلجا قالاسىنىڭ ورىنباسار باستىعى، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ _ تىزگىندەۋ قولباسشىلىق شتابى قامتاماسىزداندىرۋ گرۋپپاسىنىڭ باستىعى تۇرسىنجان اسىمنىڭ تانىستىرۋىنشا، «ەتپەن قامداۋ جاعىندا، مالدى بازارعا سالۋ تەبىنى ارتتىرىلۋدان سىرت، ارالىق بۋىندى ازايتۋ ارقىلى ەتتىڭ باعاسى تومەندەتىلگەن. قازىر سويىسحانادا ءار كيلوگرام سيىر ەتىنىڭ تولايىم ساتىلۋ باعاسى 2_ ايدىڭ 9_ كۇنگى 68 دە 70 يۋاننان 2 _ ايدىڭ 11 _ كۇنى 63 تە 65 يۋانعا تۇسىرىلگەن. بازارداعى باعاسى 10 _ كۇنى ءار كيلوگرامى 72 دە 75 يۋان بولسا، ال 11 _ كۇنى 68 دە 70 يۋانعا تومەندەتىلگەن. مەجەمەن الداعى 2 كۇندە ەت باعاسى تاعى تومەندەيدى ەكەن.

    «سىرت اۋداننان مال ەنگىزىلۋمەن بىرگە، قۇلجا قالاسىندا بورداقىلانعان 5 مىڭ سيىر، 15 مىڭ قوي بازارعا سالىنۋعا دايىن. بۇدان تىس، زاپاس ساقتاۋ جاعدايىنان قاراعاندا، قۇلجا قالاسىنداعى استىق ساقتايتىن 3 كاسىپورىن ساقتاعان ۇن ءبىر مىڭ 130 توننا، قويمادا ساقتالعان شيكىزاتتىق ءبيداي 65 مىڭ 900 توننا، مانەرلەنگەن ازىقتىق ماي 100 توننا، سيىر، قوي، شوشقا ەتتەرى جالپى 3 مىڭ 39.5 توننا، جۇمىرتقا 95 توننا، تاۋىق ەتى 75 توننا، شيكى ءسۇت 36.95 توننا. قازىر قۇلجا قالاسى بازار باعاسىن ورنىقتىرۋ ءۇشىن، سويىسحانادان بۇقاراعا تىكەلەي ساتۋ سىندى قامداۋ ۇلگىسى جونىندە ىزدەنىس جاساپ، وسى ارقىلى بازار باعاسىن ورنىقتىرۋعا كۇش سالۋدا» دەدى تۇرسىنجان.

    وبلىستىق پارتكوم مەن ۇكىمەت ىندەتتەن ساقتانۋ _ تىزگىندەۋ مەزگىلىندە ءارقايسى اۋدان _ قالانىڭ تۇرمىستىق زاتتىق ماتەريالدارمەن قامداۋ قىزمەتىنە ايىرىقشا ءمان بەردى، ىندەت تۋىلعاننان بەرى وبلىستىق ىندەتتەن ساقتانۋ _ تىزگىندەۋ قولباسشىلىق شتابى اۋىل شارۋاشىلىق ونىمدەرى ساۋدا بازارلارىنا، ءىرى ساۋدا ورىندارى مەن ەرەن بازارلارعا ادام جىبەرىپ ازىقتىق ماي، ەت ونىمدەرى، جۇمىرتقا، كوكونىس، قولايلى ازىق - تۇلىك سياقتى نەگىزگى تۇرمىستىق زاتتىق ماتەريالداردىڭ قامبادا ساقتالۋ مولشەرىن انىقتاپ، قامداۋشى كاسىپورىنداردىڭ زات تاسىمالداۋ جاعدايىن يگەرىپ، ىلە اڭعارىن ىندەت مەزگىلىندە تۇرمىستىق بۇيىمدارمەن قامداۋ جونىندەگى شۇعىل جاعدايعا توتەپ بەرۋ جوباسىن بەلگىلەپ، تۇرمىسقا قاجەتتى بۇيىم، زاتتىق ماتەريالدارمەن قامداۋدى قامتاماسىزداندىردى.

    وبلىستىق ساۋدا مەكەمەسى پارتگرۋپپاسىنىڭ مۇشەسى، مەكەمەنىڭ ورىنباسار باستىعى ءادىلجان اكمال بىلاي دەپ تانىستىردى: «1 _ ايدىڭ 29 _ كۇنىنەن باستاپ وبلىستىق ساۋدا مەكەمەسى تۇرمىسقا قاجەتتى بۇيىمدار بازارى جاعدايىن كۇندەلىكتى باقىلاۋ _ مالىمدەۋ ءتۇزىمىن اتقارىپ، ساۋدا مينيسترلىگى مەن ساۋدا مەڭگەرمەسىنىڭ ساندى مالىمەت قويماسىنا ەنگىزىلەتىن 34 ءتۇرلى تۇرمىستىق قاجەتتى بۇيىمنىڭ بازار جاعدايىن باقىلاۋ _ تەكسەرۋ قىزمەتىن تۇيىندەپ ويداعىداي ىستەپ، بازاردىڭ قامداۋ _ قاجەتسىنۋى، تاۋاردىڭ قويمادا ساقتالۋى جانە باعا وزگەرىسى جاعدايلارىنا بارىنشا نازار اۋداردى.

جاۋاپتى رەداكتور: گۇلدەن ماقسات قىزى