ميلليون يۋاننان استام ايىپ سالىپ، تيجارات كۋالىكتەرىن كۇشىنەن قالدىردى

  • كەلۋ قاينارى: ىلە گازەتى
  • 07:06:07 14/02/2020

   

    وبلىسقا توتە قاراستى ورىندار ىندەت جاعدايىنان پايدالانىپ، زات باعاسىن جوعارىلاتۋ زاڭسىز ارەكەتتەرىنە قاتاڭ سوققى بەردى

 

    ءتىلشىمىز مىڭ شيا حابارلايدى. 2 - ايدىڭ 10 - كۇنى اۆتونوميالى وبلىستىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋگە قولباسشىلىق ەتۋ شتابى مىناداي حابار جاريالادى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى وبلىستىق بازار باقىلاۋ - باسقارۋ مەكەمەسى جالعان، جاراقسىز زات ساتۋ، زات باعاسىن جوعارىلاتۋ سياقتى زاڭعا قايشى ءبىر توپ دەلونى دەرەۋ تەكسەرىپ - انىقتادى ءارى اشىق جاريالادى.

    اشىق جاريالانعان دەلودا كورسەتىلۋىنشە, ىندەت تۋىلعاننان بەرى وبلىسقا توتە قاراستى ورىندار بازار ءتارتىبىن بىلىقتىرۋعا قاتىستى ەڭ قوماقتى ايىپ تالونىن جازعان؛ ىلە باۋحى ءدارى - دارمەك شەكتى سەرىكتىگى ماسكا باعاسىن جوعارىلاتقاندىقتان وسى سەرىكتىككە ءبىر ميلليون يۋان ايىپ سالۋ، تيجارات كۋالىگىن كۇشىنەن قالدىرۋ اكىمشىلىك جازاسى بەرىلدى؛ ىلە تاي - انتاڭ ءدارى - دارمەك شەكتى سەرىكتىگى زاتپەن قامداۋ تولىمدىلىعىن تەكسەرۋ، ەستەلىككە الۋ مەن ساتۋدى جۇيەلىلەندىرۋ ءتۇزىمىن اتقارماعاندىقتان وسى سەرىكتىككە 20 مىڭ يۋان ايىپ سالۋ ءارى تيجارات كۋالىگىن كۇشىنەن قالدىرۋ اكىمشىلىك جازاسى بەرىلدى؛ قورعاس حايتۇنجيا عىلىم - تەحنيكا شەكتى سەرىكتىگى ىندەت مەزگىلىندە باعانى جوعارىلاتىپ، جالعان، جاراقسىز ماسكا ساتقاندىقتان بۇل سەرىكتىككە تيجاراتىن كۇشىنەن قالدىرۋ اكىمشىلىك جازاسى بەرىلدى.

    جۋىقتان بەرى بۇقارا جەرگىلىكتى زات باعاسىنىڭ ءبىراز جوعارى بولۋى سياقتى ماسەلەلەرگە شاعىم ايتتى. بۇل جونىندە وبلىسقا توتە قاراستى اۋدان - قالالار تاۋار باعاسىنىڭ تىم جوعارى بولۋىنا، ءتىپتى، زات باعاسىن جوعارىلاتۋ ارەكەتتەرىنە باعىتتالعان ارناۋلى وڭاۋ - رەتتەۋ قيمىلىن ورىستەتتى.

    تەكسەرۋ بارىسىندا ىلە باۋحى ءدارى - دارمەك شەكتى سەرىكتىگى ماسكا باعاسىن جوعارىلاتىپ، زات ەنگىزۋ - ساتۋ ساندى مالىمەتى بار كومپيۋتەردى ءبۇلدىرىپ، ساتىلعان ءبىر مىڭ ماسكادان تۇسكەن زاڭعا قايشى تابىستى ەسەپتەۋگە مۇمكىندىك قالدىرماعاندىعى، قىلمىسىنىڭ اۋىر، سيپاتىنىڭ ناشار ەكەندىگى؛ ىلە تاي - انتاڭ دارىگەرلىك شەكتى سەرىكتىگىنىڭ زاتپەن قامداۋ تولىمدىلىعىن تەكسەرۋ جانە جانە ەمدەۋ جابدىقتارىنىڭ تولىمدىلىعى قۇجاتىن اتقارماۋ، زات ەنگىزۋ تەكسەرۋ ەستەلىگى ءتۇزىمىن ورناتپاۋ، ساتۋ ەستەلىگى ءتۇزىمىن ورناتپاۋ، بەلگىلەمەگە قايشى كەلىپ زات ەنگىزۋ، جوعارى باعادا زات ساتۋ جاعدايى راستالعان؛ قورعاس حايتۇنجيا عىلىم - تەحنيكالىق شەكتى سەرىكتىگىنىڭ وزدەرى وندىرگەن قىرۋار جالعان ماسكانى 520 رەتتەن استام جوعارى باعامەن ساتقانى، جالعان – جاراقسىز ماسكانى ساتقانى جونىندەگى ارىز - شاعىم دەلوسى راستالعان.

جاۋاپتى رەداكتور: گۇلدەن ماقسات قىزى