ميلليون يۋاننان استام ايىپ سالىپ، تيجارات كۋالىكتەرىن كۇشىنەن قالدىردى

  • كەلۋ قاينارى: ىلە گازەتى
  • 07:06:07 14/02/2020

    ۇعىسۋىمىزشا، ىندەت تۋىلعاننان بەرى ىلە وبلىستىق بازار باقىلاپ - باسقارۋ مەكەمەسى جەدەل ىسكە كىرىسىپ، ىندەتتەن ساقتانۋ - تىزگىندەۋ مەزگىلىندە بۇقارانىڭ كۇندەلىكتى تۇرمىسىنا قاجەتتى كۇرىش، ۇن، ازىقتىق ماي، ەت، جۇمىرتقا، ءسۇت، كوكونىس سياقتىلار مەن دەزينفەكسيالاۋ، ساقتانۋ بۇيىمدارىنىڭ بازارداعى باعاسىنىڭ ورنىقتىلىعىنا كەپىلدىك ەتىپ، ىندەتتەن ساقتانۋ - تىزگىندەۋ شارالارىن مۇقيات تياناقتاندىرۋ ءۇشىن، «ءزىلدى سوققى بەرۋ، قاتاڭ سوققى بەرۋ، تەز بولۋ» تالابىنا ساي، وبلىستىق بازار باقىلاۋ تاراۋلارى ءبىرسىپىرا باعانى جوعارىلاتۋ زاڭعا قايشى دەلوسىن تەكسەرىپ، ءبىر جاقتى ەتىپ، ىندەتتەن ساقتانۋ - تىزگىندەۋ كەزىندە بازار ءتارتىبىن ايتارلىقتاي قورعاعان.

    ساناققا نەگىزدەلگەندە 1 - ايدىڭ 26 - كۇنىنەن بەرى بازاردا جەڭىل قاتەلىك وتكىزگەندەرگە 166 رەت تۇزەتۋ بۇيرىعى بەرىلگەن، زاڭعا قايشىلىق جاساۋ ارەكەتى ءبىرشاما اۋىر بولعاندار 81 رەت دەلو تۇرعىزىلىپ، تەكسەرىپ ءبىر جاقتى ەتىلىپ، جالپى 2 ميلليون 862 مىڭ 780 يۋان ايىپ سالىنعان.

    وبلىستىق بازار باقىلاپ - باسقارۋ مەكەمەسى قالىڭ تۇتىنۋشىلارعا مىنانى ەسكەرتەدى: باعادا زاڭعا قايشى ارەكەت بايقالسا، ۋاعىندا 12315، 12345 اشكەرەلەۋ تەلەفونىمەن حابارلاساڭىزدار، بازار باقىلاپ - باسقارۋ تاراۋلارى زاڭ - بەلگىلەمە بويىنشا ۋاعىندا قاتاڭ تەكسەرىپ، ءبىر جاقتى ەتەدى.

جاۋاپتى رەداكتور: گۇلدەن ماقسات قىزى