قۇلجا قالاسى ىندەتتەن ساقتانۋ - تىزگىندەۋ قىزمەتىنە سايكەسۋدەن باس تارتقاندارعا، استە، اياۋشىلىق ىستەمەيدى

  • كەلۋ قاينارى: ىلە گازەتى
  • 07:09:01 14/02/2020

   

    (دەلو مىسالدارى)

 

    ءوز حابارىمىز (ءتىلشى ما چىڭلۋ، ەرىكتى ءتىلشى جۋ جيچيڭ). جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن جاقسى ىستەپ، حالىق بۇقاراسىنىڭ باس اماندىعى مەن سالاماتتىعىن شىنايى قامتاماسىزداندىرۋ ءۇشىن، تاياۋدا قۇلجا قالالىق قوعام حاۋىپسىزدىگى مەكەمەسى ىندەتتەن ساقتانۋ - تىزگىندەۋ مەزگىلىندە زاڭعا قايشى ءتۇرلى دەلولاردى دەركەزىندە تەكسەرىپ ءبىر جاقتى ەتتى. ەندى قاتىستى دەلو مىسالدارىن تومەندەگىدەي جاريالايمىز:

    1 - دەلو مىسالى:

    2 - ايدىڭ 8 - كۇنى تۇستەن بۇرىن قۇلجا قالالىق قوعام حاۋىپسىزدىگى مەكەمەسىنىڭ حالىق ساقشىلارى قىزمەت بارىسىندا لي xx قاتارلى 3 ادامنىڭ ىندەتتەن ساقتانۋ - تىزگىندەۋ مەزگىلىندە ءبىر ۇيدە توپتاسىپ باس قوسقانىن كورىپ، ولارعا سىن ايتىپ، تاربيە بەرىپ، ءوز ۇيلەرىنە قايتۋعا ءناسيحاتتايدى. سول كۇنى كەشتە حالىق ساقشىلارى تەكسەرۋ بارىسىندا وسى 3 ادامنىڭ ەسكەرتۋدى ەلەمەي، ءبىر ۇيدە تاعى دا باس قوسىپ جاتقانىن كورەدى.

    ءبىر جاقتى ەتۋ ناتيجەسى: «جۇڭحۋا حالىق رەسپۋبليكاسىنىڭ اماندىق باسقارۋعا قايشىلىق جاساعانداردى جازالاۋ زاڭىنىڭ» 50 - تارماق 1 - تارماقشاسىنىڭ 1 - مازمۇنى بويىنشا، جوعارىداعى 3 ادامعا زاڭ بويىنشا 5 كۇن اكىمشىلىك قاماي تۇرۋ جازاسى بەرىلدى.

    2 - دەلو مىسالى:

    2 - ايدىڭ 9 - كۇنى قۇلجا قالالىق قوعام حاۋىپسىزدىگى مەكەمەسىنىڭ حالىق ساقشىلارى قىزمەت بارىسىندا ا xx تىڭ اراق ءىشىپ الىپ، كوشەدە مۇلگىپ تۇرعانىن، ماسكا تاقپاعانىن، ۇيىنە قايتپاي، ىندەتتەن ساقتانۋ قىزمەتكەرلەرىنىڭ سوزىنە قۇلاق اسپاي قاسارىسقانىن بايقايدى.

    ءبىر جاقتى ەتۋ ناتيجەسى: «جۇڭحۋا حالىق رەسپۋبليكاسىنىڭ اماندىق باسقارۋعا قايشىلىق جاساعانداردى جازالاۋ زاڭىنىڭ» 50 - تارماق 1 - تارماقشاسىنىڭ 2 - مازمۇنى بويىنشا، ا xx كە زاڭ بويىنشا 10 كۇن اكىمشىلىك قاماي تۇرۋ جازاسى بەرىلدى.

جاۋاپتى رەداكتور: گۇلدەن ماقسات قىزى