قۇلجا قالاسى ىندەتتەن ساقتانۋ - تىزگىندەۋ قىزمەتىنە سايكەسۋدەن باس تارتقاندارعا، استە، اياۋشىلىق ىستەمەيدى

  • كەلۋ قاينارى: ىلە گازەتى
  • 07:09:01 14/02/2020

    3 - دەلو مىسالى:

    2 - ايدىڭ 9 - كۇنى كەشتە قۇلجا قالالىق قوعام حاۋىپسىزدىگى مەكەمەسىنىڭ حالىق ساقشىلارى شارلاۋ بارىسىندا جوۋ xx قاتارلى 4 ادامنىڭ ماسكا تاقپاي توپتاسىپ اراق ءىشىپ جاتقانى تۋراسىنداعى اشكەرەلەۋدى قابىلدايدى. جوۋ xx قالعان 3 دوسىن قوعام حاۋىپسىزدىگى تاراۋلارىنىڭ تەكسەرۋىنەن جاسىرىپ - جاۋىپ، بۇركەمەلەيدى، تورتەۋى بىردەي ىندەتتەن ساقتانۋ - تىزگىندەۋ قىزمەتىنە بەلسەنە سايكەسۋدەن باس تارتادى.

    ءبىر جاقتى ەتۋ ناتيجەسى: «جۇڭحۋا حالىق رەسپۋبليكاسىنىڭ اماندىق باسقارۋعا قايشىلىق جاساعانداردى جازالاۋ زاڭىنىڭ» 50 - تارماق 1 - تارماقشاسىنىڭ 1 - مازمۇنى بويىنشا، جوعارىداعى 4 ادامعا زاڭ بويىنشا 5 كۇن اكىمشىلىك قاماي تۇرۋ جازاسى بەرىلدى.

    4 ـ دەلو مىسالى:

    2 - ايدىڭ 10 - كۇنى قۇلجا قالالىق قوعام حاۋىپسىزدىگى مەكەمەسىنىڭ ساقشىلارى بىرەۋدىڭ قىزمەتكە سايكەسپەۋى جونىندەگى مالىمەتتى تاپسىرىپ الادى دا، ىلە - شالا ناق مايدانعا بارادى. ۇعىسۋ ارقىلى تۇرعىن فاڭ xx تۇرعىننىڭ جۇقپالى اۋرۋدان ساقتانۋ - تىزگىندەۋ مەزگىلىندە ماسكا تاقپاعانى، الەۋمەتتىك اۋماق كادرلارى مەن ساقشى بولىمشەسىنىڭ قىزمەتىنە سايكەسپەگەنى، تۇرعىندار رايونىنىڭ قاقپاسىن ٴبۇلدىرىپ، زورلىقپەن كىرىپ ـ شىققانى انىقتالادى.

    ٴبىر جاقتى ەتۋ ناتيجەسى: «جۇڭحۋا حالىق رەسپۋبليكاسىنىڭ اماندىق باسقارۋعا قايشىلىق جاساعانداردى جازالاۋ زاڭىنىڭ» 50 - تارماعى 1 - تارماقشاسىنىڭ 2 - مازمۇنىنا ساي فاڭ xx كە زاڭ بويىنشا اكىمشىلىك جاقتان 10 كۇن قاماۋ جازاسى بەرىلدى.

    5 – دەلو مىسالى:

    2 – ايدىڭ 10 ـ كۇنى قۇلجا قالالىق قوعام حاۋىپسىزدىگى مەكەمەسىنىڭ ساقشىلارى شارلاۋ كەزىندە شيە xx تىڭ جۇقپالى اۋرۋدان ساقتانۋ - تىزگىندەۋ مەزگىلىندە « قۇلجا قالاسىنىڭ جاڭا تيپتى ايدارشا ۆيرۋسى وكپە قابىنۋىنا شۇعىل توتەپ بەرۋدە ىستەتىلەتىن اۆتوكولىك جولحاتىن» جالعاننان جاساپ، جەڭىل اۆتوكولىكپەن كوشەدە جۇرگەنىن بايقايدى.

    ٴبىر جاقتى ەتۋ ناتيجەسى: «جۇڭحۋا حالىق رەسپۋبليكاسىنىڭ اماندىق باسقارۋعا قايشىلىق جاساعانداردى جازالاۋ زاڭىنىڭ » 52 - تارماعى 2 - مازمۇنى بويىنشا، شيە xx كە زاڭ بويىنشا اكىمشىلىك جاقتان 5 كۇن قاماۋ جازاسى بەرىلدى.

    قۇلجا قالالىق قوعام حاۋىپسىزدىگى مەكەمەسى قالىڭ قالا تۇرعىندارىنا ىندەتتەن ساقتانۋعا قاتىستى زاڭ - ەرەجەلەرگە سانالى بويسۇنۋدى، زاڭنىڭ تومەنگى شەگىنە سوقتىقپاۋدى، جۇدىرىقتاي جۇمىلىپ، ىندەتتەن ساقتانۋدى ەسكەرتەدى.

جاۋاپتى رەداكتور: گۇلدەن ماقسات قىزى