وبلىستىق دوستىق شيپاحاناسى ۋاقىتتىق پارتيا ياچەيكاسىن قۇرىپ، ىندەتكە قارسى تۇرۋدىڭ الدىڭعى شەبىن بەكەمدەي ءتۇستى

  • كەلۋ قاينارى: ىلە گازەتى
  • 07:10:33 14/02/2020

    

    ءتىلشىمىز ما چىڭلۋ، ەرىكتى ءتىلشى تۇڭ نيڭ حابارلايدى. 2 - ايدىڭ 5 - كۇنى وبلىستىق دوستىق شيپاحاناسى پارتكومىنىڭ اقىلداسىپ ۇيعارۋىمەن اۆتونوميالى وبلىستىڭ جاڭا تيپتى ايدارشا ۆيرۋس وكپە قابىنۋى بويىنشا ءتۇيىن ەتىلگەن شيپاحانا - قۇلجا قالالىق 2 - حالىق شيپاحاناسىنىڭ قۇتقارۋ قىزمەتىنە قاتىناسقان ەمدەۋ قوسىنىندا ۋاقىتتىق پارتيا ياچەيكاسى قۇرىلدى.

    «مەن ءوز قالاۋىممەن جۇڭگو كوممۋنيستىك پارتياسىنا مۇشە بولىپ، پارتيا باعدارناماسىن قورعاپ، پارتيا ەرەجەلەرىنە بويسۇنىپ، پارتيا مۇشەلىك بورىشىمدى وتەيمىن...». 2 - ايدىڭ 10 - كۇنى تۇستەن كەيىن اۋاشالاۋ رايونىنىڭ جيىن زالىندا ۋاقىتتىق پارتيا ياچەيكاسى بارلىق پارتيا مۇشەسىن ىندەتكە قارسى تۇرۋعا ۇيىمداستىرىپ، ەمدەۋ قىزمەتكەرلەرى پارتياعا كىرۋ سەرتىن قايتا ەسكە ءتۇسىردى.

    ايبىندى سەرت اۋاشالاۋ رايونىندا جاڭعىرىپ، ٴاربىر پارتيا مۇشەسىنە پارتيا ۇيىمىنىڭ قۇدىرەتتى ۇيىسقىشتىعى مەن ۇندەۋ قۋاتىن، ىندەتتەن ساقتانۋ - تىزگىندەۋدە پارتيا مۇشەلەرى باستاماشى بولۋى كەرەكتىگىن تەرەڭ سەزىندىردى.

    ۋاقىتتىق پارتيا ياچەيكاسىنىڭ شۋجيى شۇي مين بىلاي دەدى: «ساقتانۋ - تىزگىندەۋدىڭ ٴبىرىنشى شەبىنە ات سالىسۋ - پارتيالى كادرلاردىڭ اۋەلگى ماقساتتى، بورىشتى امالياتتا ايگىلەپ، جاۋاپكەرلىك ارقالاۋدى ايگىلەۋى. ىندەتتىڭ بەتى قايتپاسا ٴبىز، ٴسوز جوق، سوڭىنا دەيىن شايقاس جاسايمىز».

    ٴبىر پارتيا ياچەيكاسى - ءبىر جاۋىنگەر قامال، ٴبىر پارتيا مۇشەسى - ٴبىر تۋ، پارتيا مۇشەلەرىنىڭ اسەرىندە وسى شيپاحانانىڭ 9 مۇشەسى پارتياعا كىرۋ ٴوتىنىشىن سالتاناتپەن جازدى.

    وسى شيپاحانانىڭ شۇعىل قۇتقارۋ ورتالىعىنىڭ سەستراسى چىن يۇيبو بىلاي دەدى؛ «مەن شيپاحانانىڭ 2 - توپتاعى اترەتتىڭ قۇرامىندا ءوز قالاۋىممەن اۋاشالاۋ رايونىنا كەلۋگە تاڭدالدىم. بىرنەشە كۇننەن بەرى اۋاشالاۋ رايونىندا كۇرەس جاساپ جاتقان الدىڭعى شەپتەگى پارتيالى ەمدەۋ قىزمەتكەرلەرىنىڭ بەينەسىن كوزىممەن كورىپ، ولاردىڭ ەرلىكپەن العا تارتقان باتىلدىعىنان اسەرلەنىپ، مەنىڭ جۇڭگو كوممۋنيستىك پارتياسىنا مۇشە بولۋ سەنىمىم مەن بەكىمىىم اناعۇرلىم نىعايا ءتۇستى».

جاۋاپتى رەداكتور: گۇلدەن ماقسات قىزى