جۇمىس ورنىنا قايتىپ كەلىپ ىستەۋ قارساڭىنداعى ازاتتىق ارميا ماماندارىنىڭ ىندەتتەن ساقتانۋ ـ تىزگىندەۋ جونىندەگى ۇسىنىسى

  • كەلۋ قاينارى: ىلە گازەتى
  • 07:20:11 14/02/2020

    

    شينحۋا اگەنتتىگىنىڭ 2 - ايدىڭ 9 ـ كۇنى ۋحاننان بەرگەن حابارى (تىلشىلەر جۋ حۇڭلياڭ، لي يۇن). بۇكىل ەلىمىزدىڭ جەر - جەرىندەگى قىزمەتكەرلەردىڭ جۇمىس ورنىنا قايتىپ كەلىپ ىستەۋىنە ساي، قازىرگى ىندەتتەن ساقتانۋ - تىزگىندەۋدەگى ماڭىزدى ءتۇيىن قايسىلار؟ جەكە قورعانۋدى قايتكەندە جاقسى ىستەۋگە بولادى؟ ءتىلشى بۇل جونىندە ازاتتىق ارميانىڭ اۋرۋدان ساقتانۋ - تىزگىندەۋ ورتالىعىنىڭ تەتە اعا مەڭگەرۋشىسى شيپاگەرى ۋاڭ يۇڭعا تىلشىلىك ىستەدى.

    ەرتە بايقاپ، ىندەتتىڭ تارالۋىن تىزگىندەۋ توتەنشە ماڭىزدى

    «ىندەتتەن ساقتانۋ جانە ونى تىزگىندەۋ جونىنەن الىپ ايتقاندا، قازىرگى ەڭ ماڭىزدىسى تاعى دا جەڭىل نەمەسە كۇماندى ناۋقاستاردى ەرتە بايقاۋ، شوعىرلى اۋاشالاۋ، تەز ارادا دياگىنوز قويۋ، دەر كەزىندە ەمدەۋ. قازىر ۋحان قالاسىندا قولدانىلعان ءتاسىل دە وسى، ۋاقىتشا شيپاحانالار قۇرۋداعى ماقسات – كومەسكى تارالۋ قاينارىن تىزگىندەۋ، الەۋمەتتىك اۋماقتان باستاپ تارالۋىنا جول بەرمەۋ» دەدى ۋاڭ يۇڭ.

    ول بىلاي دەدى:ەندىگى قادامدا دياگىنوزى تۇراقتاندىرىلعاندار مەن كۇماندى ناۋقاستارمەن جاقىن جاناسقانداردى تەز، ءدال تاۋىپ، جاقىن جاناسقانداردىڭ ىشىندەگى جەڭىل ناۋقاستاردى جانە اۋرۋ بەلگىسى جوق جۇعىمدالۋشىلاردى نەمەسە جاسىرىن مەزگىلدەگى ناۋقاستاردى تەز ارادا تەكسەرىپ انىقتاپ، دەر كەزىندە اۋاشالاپ، مەديتسينالىق باقىلاۋعا الۋ، باعىتتامالى ەمدەۋ كەرەك.

    قايتار جولدا اڭگىمەلەسپەۋ كەرەك

    ۋاڭ يۇڭ: قايتار جولدا قاتىناس كولىكتەرىنە وتىرعاندا، ماسكا تاعۋ، وزگەلەرمەن مۇمكىندىگىنشە ارالىق ساقتاۋ، اڭگىمەلەسپەۋ، تىنىس جولى اۋرۋى بار ادامداردان الىس ءجۇرۋ كەرەك. سونىمەن بىرگە دەزينفەكسيالانعان قاعاز ورامال نەمەسە سپيرت قۇرامدى دەزينفەكسيا سۇيىقتىعىن جانىنان تاستاماۋ، الەۋمەتتىك ورىندارداعى زاتتارمەن جاناسقاننان كەيىن دەرەۋ دەزينفەكسيالاۋ كەرەك.

    ۋاڭ يۇڭ: «ەگەر جولعا شىعاردان ىلگەرى جاڭا تيپتەگى ايدارشا ۆيرۋس وكپە قابىنۋ ناۋقاسى دەپ تۇراقتانعان نەمەسە كۇماندى اۋرۋلارمەن جاناسقان بولسا؛ ۋحاننان كەلگەندەردەن نەمەسە الەۋمەتتىك اۋماقتارىندا ىندەت تاراعان بولسا، ولارعا قايتپاۋدى ايتادى، ەگەر، ءسوزسىز، قايتۋ كەرەك بولسا، قايتقاننان كەيىن 14 كۇن ۇيىندە نەمەسە شوعىرلى مەديتسينالىق باقىلاۋدا بولۋى كەرەك» دەيدى.

جاۋاپتى رەداكتور: گۇلدەن ماقسات قىزى