جۇمىس ورنىنا قايتىپ كەلىپ ىستەۋ قارساڭىنداعى ازاتتىق ارميا ماماندارىنىڭ ىندەتتەن ساقتانۋ ـ تىزگىندەۋ جونىندەگى ۇسىنىسى

  • كەلۋ قاينارى: ىلە گازەتى
  • 07:20:11 14/02/2020

    ۇيدە باقىلاۋ جونىندەگى ناقتى ۇسىنىس

    ۇيدە قالاي باقىلاۋعا بولاتىنى جونىندە ۋاڭ يۇڭ بىرنەشە ناقتى ۇسىنىس بەردى:

    بىرىنشىدەن، بولەك تۇرۋ، بولەك تاماقتانۋ، ءار كۇنى ەرتەلى - كەش دەنە تەمپەراتۋراسىن ولشەۋ جانە اۋرۋ بەلگىلەرىن قاداعالاۋ، ەسىكتى قاشان دا جاۋىپ ءجۇرۋ، بولمەدە ماسكا تاقپاسا دا بولادى، بولمەدەن شىققاندا، ءسوزسىز، ءبىر رەت ىستەتىلەتىن سىرتقى اۋرۋلار ءبولىمىنىڭ ماسكاسىن تاعۋ، ماسكا تاعۋدىڭ الدى – ارتىندا دەرەۋ قول جۋۋ كەرەك.

    ەكىنشىدەن، اۋا الماستىرۋ مەن دەزينفەكسيانى جاقسى ىستەۋ، كۇنىنە 3 رەت اۋا الماستىرۋ، كەم دەگەندە 30 مينۋت اۋا الماستىرۋ كەرەك؛ اۋانى دەزينفەكسيالاۋ شارت - جاعدايى بولماعاندا، حلور قۇرامدى ءدارى نەمەسە %75 تىك سپيرتپەن تۇرمىستىق بۇيىمداردى ءسۇرتىپ دەزينفەكسيالاۋ قاجەت. تازالىق ءۇيى سياقتى الەۋمەتتىك ورىنداردى دەزينفەكسيالاۋ مەن اۋا الماستىرۋدى ويداعىداي ىستەۋ كەرەك، جەكە ىستەتكەن بۇيىمداردى ۋاعىندا دەزينفەكسيالاۋ كەرەك.

    ۇشىنشىدەن، كوڭىل - كۇيدى جاقسى ۇستاپ، قالىپتى دەمالىپ، جاقسى، ولشەمدى ازىقتانۋ كەرەك. ەگەر قالىپسىز جاعداي بايقالسا، دەر كەزىندە اۋاشالاۋ ورىندارىمەن حابارلاسىپ باقىلاۋعا الىنۋى كەرەك.

    قىزمەتكە شىققاننان كەيىنگى جەكە ساقتانۋ -قورعانۋ

    ۋاڭ يۇڭ بىلاي دەيدى: «قالىپتى قىزمەتكە شىققاننان كەيىن كۇندەلىكتى ماسكا تاعۋدان تىس، ادامدار شوعىرلانعان جەرلەر مەن اۋا الماسپايتىن جەرلەرگە مۇمكىندىگىنشە بارماۋ. قىزمەت ورنىندا دەزينفەكسيالاۋ مەن اۋا الماستىرۋعا كوڭىل ءبولىپ، ورتالىق اۋا رەتتەگىشتى ىستەتپەۋ، جيىندى مۇمكىندىگىنشە ازايتۋ نەمەسە اشپاۋ، توپتىق تاماقتانباۋ؛ قول جۋۋدان ەرىنبەۋ، جوتەلگەندە نەمەسە تۇشكىرگەندە قاعاز ورامالمەن اۋىز بەن مۇرىندى قالقالاۋ، قاعاز ورامالدى ىستەتىپ بولعان سوڭ قوقىر - قوقسىق شەلەگىنە تاستاۋ، سوسىن دەرەۋ قول جۋۋ كەرەك.

    ول بىلاي دەيدى: «قولدى كىر سابىنمەن جۋۋ كەرەك، كىر سابىننىڭ سىلتىلىك قاسيەتى بولاتىندىقتان، ونىڭ باكتەريا مەن ۆيرۋستى ءولتىرۋ ونىمدىلىگى جونىندە عىلمي نەگىزى بار. سونىمەن بىرگە، ءۇيدىڭ اۋاسىن الماستىرۋدى جاقسى ىستەۋ، كۇنىنە 3 رەت اۋا الماستىرۋ، اۋا الماستىرۋ ۋاقىتى ءار رەتتە 30 مينۋتتان كەم بولماۋى كەرەك»

جاۋاپتى رەداكتور: گۇلدەن ماقسات قىزى