رايونىمىزدىڭ قامداۋ - ساۋدا جۇيەسى ءتۇرلى شارالار قولدانىپ اۋىل شارۋاشىلىق ماتەريالدارىمەن قامداۋدى قامتاماسىز ەتتى

  • كەلۋ قاينارى: شينجياڭ گازەتى تورابى
  • 12:35:47 19/02/2020

   

 ۋيچاتتا ۋادەلەسىپ، ۇيگە دەيىن جەتكىزىپ بەردى

 

        گازەتىمىزدىڭ جالپىلىق اقپارات قۇرالدارى ءتىلشىسى شى شين 2 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق قامداۋ - ساۋدا سەلبەستىك كووپەراتيۆى بىرلەسكەن كووپەراتيۆىنەن ۇعىسۋعا قاراعاندا، بىرنەشە كۇننەن بەرى بۇكىل رايونىمىزداعى قامداۋ - ساۋدا جۇيەسى ىندەتتەن ساقتانۋ - تىزگىندەۋدى ويداعىداي ىستەۋمەن بىرگە، اۋىل شارۋاشىلىق ماتەريالدارىمەن قامداۋعا قىزمەت وتەۋدىڭ نەگىزگى ارنالىق رولىن تولىق ساۋلەلەندىرىپ، كوكتەمگى ەگىس، ەگىس دايىندىعى قىزمەتتەرىن ءتارتىپتى ىلگەرىلەتىپ، اۋىل شارۋاشىلىق ماتەريالدارىمەن قامداۋدىڭ جەتكىلىكتى بولۋىن بار كۇشپەن قامتاماسىز ەتتى.

    جۋىقتا اۆتونوميالى رايوندىق قامداۋ - ساۋدا سەلبەستىك كووپەراتيۆى بىرلەسكەن كووپەراتيۆى ىندەتتەن ساقتانۋ - تىزگىندەۋ، توتەپ بەرۋ قىزمەتىن ويداعىداي ىستەۋ جونىندە شۇعىل حابارلاندىرۋ تاراتىپ، كوكتەمگى ەگىس كەزىندەگى اۋىل شارۋاشىلىق ماتەريالدارىمەن قامداۋعا ورنالاستىرۋ جاسادى. شينجياڭ اۋىل شارۋاشىلىق ماتەريالدارى (توبى) شەكتى جاۋاپكەرلىك سەرىكتەستىگى بارلىق قىزمەتكەرلەرگە «ىندەتتەن ساقتانىپ، قامداۋعا كەپىلدىك ەتۋ ۇسىنىس حاتىن» جاريالاپ، قالىڭ شارۋالارعا «قامداۋعا كەپىلدىك ەتىپ، باعانى ورنىقتىرۋ ۋادەناماسىن» تاراتىپ، ءتۇرلى زاپاس ساقتاۋ، جەتكىزۋ، قامداۋ قىزمەتتەرىن الدىن الا ويداعىداي ىستەدى. قازىر بۇكىل رايونداعى 14 ايماق، وبلىس، قالانىڭ جەتكىزۋ ورتالىقتارى، 66 اۋدان كولەمىندەگى سەرىكتەستىكتەر مەن قاراستى جەلىلىك تۇيىندەر، مىڭعا جۋىق قىزمەتكەر بار قايراتتارىن سالىپ كوكتەمگى ەگىس كەزىندەگى اۋىل شارۋاشىلىق ماتەريالدارىمەن قامداۋ قىزمەتىن قامتاماسىز ەتتى، سونىمەن بىرگە تاعى يۇنناننان، گۇيجوۋدان شينجياڭعا فوسفورلى تىڭايتقىش ەنگىزۋ سەرپىنىن ارتتىردى. سانجى، ىلە، اقسۋ، تارباعاتاي سياقتى جەرلەردىڭ قامداۋ - ساۋدا سەلبەستىك كووپەراتيۆتەرى جىلدام ارەكەتتەنىپ، جەر - جەردىڭ كوكتەمگى ەگىس بازارىنا تەكسەرۋ جۇرگىزۋدى الدىن الا ويداعىداي ىستەپ، قاتىستى اۋىل شارۋاشىلىق ماتەريالدارىن ساتۋ كاسىپورىندارىن قاجەتتى ماتەريالداردى جەتكىزۋ سەرپىنىن كۇشەيتۋگە بەلسەنە قۋزادى.

    اۋىل شارۋاشىلىق ماتەريالدارى توبى ”يوۋكۇڭجيەن“ الىس ارالىقتان جۇمىس ىستەۋ جۇيەسىن اشىپ، سونداي - اق بۇكىل رايوندى قامتىعان ”نۇڭجيالى“ جەلىلەس جەتكىزۋ تورىنا سۇيەنىپ، ”تىعىز ۇشتاسۋ“ تيجارات ءادىسىن قولدانىپ، ارالىق بۋىنداردى ەڭ زور شەكتە ازايتىپ، شارۋالاردىڭ ساتىپ الۋ نارقىن تومەندەتتى. سانجى، قاشقار سياقتى جەرلەردىڭ قامداۋ - ساۋدا كووپەراتيۆتەرى قاريدارلاردىڭ ءوزى الۋ، ينتەرنەتتەگى زات اينالىمى APPىندە تاپسىرىس بەرۋ، شوعىرلى جەتكىزۋ سياقتى تاسىلدەرى ارقىلى جەتكىزۋ سەرپىنىن زورايتتى. ىلە، تارباعاتاي سياقتى جەرلەردىڭ قامداۋ - ساۋدا كووپەراتيۆى ەلەكتروندىق ساۋدا ارقىلى ساتۋ، ۋيچات، تەلەفون ارقىلى ۋادەلەسۋ، ۇيگە دەيىن جەتكىزىپ بەرۋ سياقتى حالىققا قولايلى شارالار ارقىلى شارۋالاردىڭ قاجەتىن قامتاماسىز ەتتى.

جاۋاپتى رەداكتور: گۇلدەن ماقسات قىزى